ހިޔާ ފްލެޓްތަކުގައި އަލިފާން ނިއްވޭ ގޮތަށް ހުރިތޯ ސިފައިން ބަލަނީ

ހިޔާ މަޝްރޫއުގެ ދަށުން އަޅާފައިވާ ޓަވަރުތައް-- ފޮޓޯ: ނިޝާން އަލީ/ މިހާރު

މާއިދާ މުހައްމަދު ރަޝާދު، މިހާރު

22 ސެޕްޓެމްބަރ 2021 - 10:19

ހިޔާ ފްލެޓްތަކުގައި ހަރުކޮށްފައި ހުރި އަލިފާން ނިއްވާ އާލާތްތަތައް ބަލައިފާސްކުރުމުގެ މަސައްކަތް އެމްއެންޑީއެފުން މިއަދު ފަށައިފި އެވެ.

އެޗްޑީސީން ކުރި އިއުލާނެއްގައި ބުނީ ހިޔާ މަޝްރޫއުގެ ދަށުން އިމާރާތްކޮށްފައިވާ 25 ބުރީގެ 16 ޓަވަރުގައި ހުރި 6،720 ފްލެޓްގެ އަލިފާން ނިއްވާ ނިޒާމު އަދި ނިއްވަން ގެންގުޅޭ އާލާތްތައް އެމްއެންޑީއެފުން ބަލަން ނިންމާފައިވާތީ މިއަދު ހެނދުނު 9:00 އިން ފެށިގެން އެ މަސައްކަތް ކުރިއަށްދާނެ ކަމަށެވެ.

އެމްއެންޑީއެފުން އެންމެ ފުރަތަމަ ބަލަން ހަމަޖެހިފައި އޮތީ އެޗް1 ޓަވަރެވެ. އެ ޓަވަރުގެ 24 ވަނަ ފްލޯ އިން ފެށިގެން އަލިފާން ނިއްވުމުގެ ނިޒާމު ހުރި ގޮތް ބަލަން ހަމަޖެހިފައި ވާއިރު މުޅި ޓަވަރުގެ މަސައްކަތް އެއްކޮށް ނިމޭނެ ކަމަށް އެޗްޑީސީން ލަފާކޮށްފައި އޮތީ ދެ ގަޑިއިިރާ 30 މިނެޓުންނެވެ.

އެޗްޑީސީން އަންގާފައި އޮތީ އެޗް1 ޓަވަރުން ފްލެޓް ލިބުނު މީހުން އެމްއެންޑީއެފުން އެ މަސައްކަތް ކުރަން ނިންމާފައިވާ ވަގުތުގައި ފްލެޓް ހުޅުވާފައި ބެހެއްޓުމަށެވެ. އަދި ފްލެޓް ހަވާލުކުރެވުނު އިރު ދިން އަލިފާން ނިއްވާ ފުޅި އާއި ރަޖާ ފެންނާނެހެން ބެހެއްޓުމަށް އެދިފައިވެ އެވެ.

އަލިފާނުގެ ހާދިސާ ފްލެޓް އެމްއެންޑީއެފް ހިޔާ ފްލެޓްތައް

4 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޏައު8

22 September 2021

އެންމެ ދުވަހެއްގެ ކަމެއް. ކަމެއް ދިމާވާއިރު އެންމެ އެއްޗެއްވެސް ބޭނުން ނުކުރެވޭނެ. ރާއްޖޭގެ ކިތައް ބިލްޑިންގަތޯ ފަޔަރ ރެސްކިއު ޗެކްކުރަނީ. ޢިންޕެކްޓް ކުރަނީ. ޜަށެއްގެ އާބާދީ އުޅޭނެ ޓަވަރެއްގަ ހާދިސާއެއް ހިނގީމަ ތޯއްޗެއް ވިސްނޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮހިތު

22 September 2021

6700 ފޮލެޓް އަކީ ބޮޑު ރަށެއްގެ އާބާދީ...! އެތާގަ ފުލުހުންގެ އޮފީސްވެސް އިންނަން ޖެހޭ..! ކެމެރާ ހަރުކޮށްގެން ނޫނީ ތިޔަތަނުގަ ވަރަށް ކަންތައް ހިންގާލާނެ! 60،000 މީހުންނަށް ސިކުރިޓީ ދޭނެ ޕްލޭން އަކީ ކޮބާބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުވާނެއޭ

22 September 2021

ހިޔާ ފްލެޓްތަކުގައި އަލިފާން ނިއްވޭ ގޮތަށް ހުރިތޯ ސިފައިން ބަލަނީ ނަމަ އެއީ މަމެން ހިތާމަ ކުރާ ކަމެކޭ ކިއެއްވެތޭ އަލިފާން ނިއްވާ ނިޒާމް ގާއިމް ނުކޮށް ތިފަދަ އިމާރާތް ތައް ހަދަނީ ދެން ވެސް ސަރުކާރުން ދަނެގަންނަން ވެއްޖެއޭ ޓާރންކީ ބޭސިސް އުސޫލުން ސަރުކާރުން އެއްވެސް ޕްރޮޖެކްޓެއް އެއްވެސް ފަރާތަކަށް ހަވާލު ކުރާއިރު ބޭސިކް ރިކްއާރމެންޓް ހިމެނޭ ކޮންސެޕްޓް ޑިޒައިނެއް އަދި އެއާއި ގުޅޭ ފަންނީ މައުލޫމާތު ދޭން ޖެހޭނެ ކަމަށް ޑިވެލޮޕަރުންނަށް އެއިރުން މިހެން