20 އަހަރުގެ ޒުވާނާ އަށް މަރުގެ އަދަބު ދިންތާ 21 އަހަރު ފަހުން ޗައިނާގެ ސްޕްރީމް ކޯޓުން ނިންމާފައި ވަނީ އޭނާގެ ކުށެއް ނެތް ކަމަށް. --ފޮޓޯ:ސީއެންއެން
02 ޑިސެމްބަރ 2016 - 16:39
3 comments
ބެއިޖިން (ޑިސެމްބަރު 2) - ކުށްކުރި ކަމަށް ބުނެ މީގެ 21 އަހަރު ކުރިން މަރުގެ އަދަބު ދިން މީހަކު ކުށްވެރި ނުވާ ކަމަށް ޗައިނާގެ ސްޕްރީމް ކޯޓުން މިއަދު ނިންމައިފި އެވެ.
ނިއެ ޝުބިން ނަމަކަށް ކިޔާ މީހެއްގެ މައްޗަށް 1995 ވަނަ އަހަރު މަރުގެ އަދަބު ތަންފީޒު ކުރީ އަންހެނަކު ރޭޕްކޮށް އޭނާ މަރާލި ކަމުގެ ކުށުގަ އެވެ. އޭރު ނިއެގެ އުމުރަކީ 20 އަހަރެވެ. ނަމަވެސް ސްޕްރީމް ކޯޓުން ނިންމާފައި ވަނީ ނިއެގެ ޝަރީއަތް ގެންދިޔަ ގޮތް ސާފު ނުވާ ކަމަށާއި އޭނާ މީހަކު މެރިކަމުގެ ހެކި ދަށު ކޯޓަށް ސާބިތު ކޮށްދެވިފައި ނުވާ ކަމަށެވެ.
މި މައްސަލައިގައި ނިއެގެ ކުށެއް ނެތްކަން ސާބިތުކޮށްދޭން އޭނާގެ އާއިލާ އިން ވަނީ ވަރަށް މަސައްކަތްކޮށްފަ އެވެ. މީގެ 11 އަހަރު ކުރިން އެހެން މީހަކު ވަނީ އަންހެން މީހާ މަރާލީ ނިއެ ނޫން ކަމަށާއި އެކަން ކުރީ އޭނާ އަމިއްލަ އަށް ކަމަށް ބުނެފަ އެވެ. ނަމަވެސް އެކަން ކޯޓުން ބަލައިގެންފައެއް ނުވެ އެވެ.
ޗައިނާގެ ސްޕްރީމް ކޯޓުން ބުނެފައި ވަނީ މަރުގެ އަދަބު ދިން މީހާއާ ދެކޮޅަށް ހެކި ސާބިތު ކުރެވިފައި ނުވާ ކަމަށް. --ފޮޓޯ:ބީބީސީ
ޗައިނާގެ އުތުރުގެ ހިސާބެއްގައި 2014 ވަނަ އަހަރު ވެސް ވަނީ މަރުގެ އަދަބު ދިން މީހަކު ކުށްވެރި ނުވާ ކަމަށް ހުކުމްކޮށްފަ އެވެ. އޭރު އޭނާގެ މައްޗަށް މަރުގެ އަދަބު ދިންތާ އަށް އަހަރުވެއްޖެ އެވެ. ބަދަލެއްގެ ގޮތުން އޭނާގެ އާއިލާ އަށް ދިނީ 30،000 ޔުއާން (4،850 ޑޮލަރު) އެވެ. އޭނާގެ ޝަރީއަތުގައި އުޅުނު 27 މީހަކަށް ވަނީ އަދަބު ދީފަ އެވެ.
ޗައިނާގެ ކޯޓުތަކަށް ހުށަހަޅާ މައްސަލަތަކުގައި ކުށްވެރިވާ ރޭޓް އުޅެނީ 99 ޕަސެންޓުގައި ކަމަށް ހިސާބުތަކުން ދައްކަ އެވެ. ނަމަވެސް މަރުގެ އަދަބު ތަންފީޒު ކުރާ މީހުންގެ އަދަދު އޮންނަނީ ސިއްރެއްގެ ގޮތުގަ އެވެ. އިންސާނީ ހައްގުތަކަށް މަސައްކަތް ކުރާ ޖަމާއަތްތަކުން ތުހުމަތު ކުރާ ގޮތުގައި ޗައިނާގައި ކުށަށް އިއުތިރާފް ކުރަނީ ބިރު ދައްކައިގެން މަޖްބޫރުން ނުވަތަ އަނިޔާކޮށްގެންނެވެ. އަދި ހުކުމްތައް ބަދަލުވުމަކީ ވެސް ޗައިނާގައި އާއްމުކޮށްވާ ކަންތަކެއް ނޫނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސުވަދީވް ރަދުން
03 December 2016
ރާށްޖެ ޗައިނާ ސޭމް
މެންޓަލިސްޓް
02 December 2016
ހަމަ ރާއްޖޭގެ ކުރާކަހަލަ ކަންކަން މިފެންނަނީ ޗައިނާއިންވެސް ،، ދެންކީއްކުރަންތޯ މިހާރު ތިޔަމައްސަލަނިންމާ ސާބިތުނުވާކަމަށް ހެދުމުގެ ބޭނުމަކީ ، އޮޅުމަކުން މަރާލިމީހާ އަނބުރާ ދުނިޔެއަކަށް ނާންނާނެ ، ދެންއޮތްގޮތަކީ ތިޔަހުކުމް ގޯސްކޮށް ކުރީ ހުރިހާ ގާޒީންގެ މައްޗައް ގަސްދުގައި މީހަކު މެރިކަމުގެ ތުހުމަތުގައި އެމީހުން މެރުން ،،، އެނޫން އިންސާފެއް ތިޔަކަމުން ދެނެއް ނުހޯދޭނެ ، އޭރުން 2 ކޮޅު ހަމަހަމަވާނީ ،،
މަންސޫރު
02 December 2016
އެކަމަކު ރާއްޖޭގެ ފުރިހަމަ ކޯޓުތައް މެދުވެރިކޮއްގެން މީހުން ނުމެރިގެން ނުނިދިފައި ތިބި ބަޔަކު އެބަ އުޅޭ.