30 ސެޕްޓެމްބަރ 2021 - 12:37
6 comments
އައްޑޫގައި ޓޫރިޒަމް ދާއިރާގެ ފުޅާކުރަން ފަށާފައިވާ މަސައްކަތުގެ ދަށުން ޓޫރިޒަމް ޒޯންތަކުގައި މިހާރު ވެސް 4،140 އެނދު ތެރައްގީކުރުމުގެ މަސައްކަތް ފެށިފައިވާ ކަމަށް އައްޑޫ ސިޓީ ކައުންސިލުން ބުނެފި އެވެ.
އައްޑޫ ޓޫރިޒަމްގެ މުސްތަގުބަލާ ބެހޭ ގޮތުން ރޭ ކުލަބްހައުސްގައި ބޭއްވި ޕެނެލް ޑިސްކަޝަންގައި މޭޔަރު އަލީ ނިޒާރު ވިދާޅުވީ އައްޑޫގެ ޓޫރިޒަމްގެ ހަތަރު ޒޯނުން ޖުމްލަ 95 ބިން ދޫކުރަން ހަމަޖެހިފައިވާ އިރު، އޭގެ ތެރެއިން މިހާރު ވެސް 50 ބިމެއް ދޫކޮށްފައިވާ ކަމަށެވެ. މި ސަރުކާރުގެ ފަސް އަހަރުގެ ތެރޭގައި އައްޑޫގައި 8،000 އެނދު ތަރައްގީކުރުމަކީ ސަރުކާރުގެ ވައުދެކެވެ.
އެހެންވެ އެ ވައުދު ފުއްދަން ބުރަކޮށް މަސައްކަތްކުރައްވާނެ ކަމަށް ނިޒާރު ވިދާޅުވި އެވެ. އޭނާ ވިދާޅުވި ގޮތުގައި ޓޫރިޒަމް ޒޯންތަކުން ދޫކުރާ ބިންތަކުގައި ތަރައްގީކުރެވޭ ތަންތަނާ އެކު އައްޑޫގެ އިގުތިސާދު ކުރިއަރައި، އައްޑު އަކީ ތަފާތު ރަހަތަކުގެ ޓޫރިޒަމް އޮންނަ ތަނެއްގެ ގޮތުގައި ވެސް ފާހަގަކުރެވިގެން ދާނެ ކަމަށެވެ.
އައްޑޫގެ ޓޫރިޒަމް ޒޯންތަކުން ދޫކުރާ ބިންތައް ހަވާލުކުރަން ފެށީ މި އަހަރުގެ މާޗް މަހުގެ ތެރޭގަ އެވެ. އަދި އެތަންތަނުގެ ލޭންޑްސްކޭޕިން މަސައްކަތްތައް ވެސް ވަރަށް ބާރަށް އަންނަނީ ކުރެވެމުންނެވެ. އެގޮތުން މިހާރު ވެސް މީދޫގެ ޓޫރިޒަމް ޒޯނަކީ ޗާލު މަންޒަރުތަކެއް ފެންނަ ތަނެއް ކަމަށް ނިޒާރު ވިދާޅުވި އެވެ.
"މި މަޝްރޫއުގެ ފުރަތަމަ ސްޓެޕެއް ގޮތަށް އައްޑޫގެ ހަތަރު ސަރަހައްދެއްގައި ޓޫރިޒަމް ޒޯންތައް ގާއިމުވެވި އެ ޒޯންތަކުގައި [މިހާރު ވެސް] ހަތަރުހާސް އެއްސަތޭކަ ސާޅީސް އެނދު ގާއިމުކިރުމުގެ މަސައްކަތް ފެށިފައި ވަނީ،" އޭނާ ވިދާޅުވި އެވެ.
ނިޒާރު ވިދާޅުވީ ޓޫރިޒަމް ޒޯންތަކުން ހަވާލުކުރި 50 ބިމާ އެކީ އެއީ 1،295 އެނދު ތަރައްގީވެގެން ދާނެ ކަމަށެވެ.
"މިއީ މިހާރު އައްޑޫގައި ހުރި އެނދުގެ ނިސްބަަތަށް ބަލާ އިރު ދާދި އެއްވަރުގެ އަދަދެއް،" ނިޒާރު ވިދާޅުވި އެވެ.
އޭނާ ވިދާޅުވި ގޮތުގައި ބާކީ އޮތް 45 ބިން ވެސް ވަރަށް އަވަހަށް ދޫކުރުމުގެ މަސައްކަތްތައް ފެށޭނެ އެވެ. ނިޒާރު ވިދާޅުވީ ޓޫރިޒަމް ޒޯންތަކުގައި ފުރަތަމަ މަރުހަލާގައި ތަރައްގީކުރެވޭ ތަންތަނުގެ އެނދުގެ އަދަދު މި ވަގުތު 4،140 ގައި ހުރި ނަމަވެސް އެއްބަސްވުންތަކަށް ގެނެެވޭ ބަދަލުތަކާ އެކު އިމާރާތްތައް ކުރިއަށް ވުރެ އުސްކޮށް ހެދޭނެ ގޮތް ވުމަކީ އެނދުގެ ނިސްބަތް އިތުރުވެގެން ދާނެ ކަމެއް ކަމަށެވެ.
"އެހެންވެ ވިސްނުމަކީ އެ އަދަދު ފަސްހާސް އެނދަށް ބަދަލުވެވޭނެ ގޮތަކަށް މަސައްކަތްކުރުން. އެގޮތުން މަޝްވަރާ ލިބެން ޖެހޭ ފަރާތްތަކުން މަޝްވަރާ ލޮބުގެން މި ބަލަނީ އެކަން އެގޮތަށްވޭތޯ. އަދި ހަމަމިއާ އެކު މި ތަންތަނަށް އިންވެސްޓްކުރެވޭނެ ގޮތްތަކެއް ހޯދުމަށްޓަކައި ބޭންކްތަކާ ގުޅުމުގެ މަސައްކަތް ވެސް ފެށިފައި ވަނީ،" ނިޒާރު ވިދާޅުވި އެވެ. "މީގެ އިތުރުން މި ތަންތަނަށް އިންވެސްޓްކުރަން ތިބި ފަރާތްތަކަށް ފައިނޭންސް ހޯދުމަށް ސަރުކާރުގެ ކަމާ ގުޅުން ހުރި ފަރާތްތަތަކާ ވެސް މަޝްވަރާކުރެވޭނެ."
އެ މަޝްވަރާތަކަށް ކައުންސކުން އަންނަ މަހުގެ ތެރޭގައި މާލެ އަށް ދަތުރެއް ވެސް ކުރަން ހަމަޖެހިފައިވާ ކަމަށް ކައުންސިލުން ބުންޏެވެ.
"މިތަންތަން ތަރައްގީކުރުމަކީ އެންމެ މުހިއްމު އެެއް ކަންތައްތައް ކަމަށް ދެކިގެން އަޅުގަނޑުމެން މަސައްކަތްކުރަނީ." ނިޒާރު ވުދާޅުވި އެވެ.
އައްޑޫގެ ޓޫރިޒަމް ޒޯންތަކަކީ ހިތަދޫ "މާމެން ބީޗް ޓޫރިޒަމް ޒޯން" އިން 30 ބިން، ހުޅުދޫ "ކޭވައް ބީޗް" މާފިޝި ޓޫރިޒަމް ޒޯނާއި "ކޯގަންނު ބީޗް" މުލިމަތި ޓޫރިޒަމް ޒޯނާއި އަދި ފޭދޫ "ސަވާ ބީޗް" ދިގިހެރަ ޓޫރިޒަމް ޒޯނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާައައްޑޫ
30 September 2021
އައްޑޫގައިވެސް ކޮންމެވެސް އެއްމިނިސްޓްރީއެއް ހިންގަބަލަ. މިހާރު އެންމެނައްވެސް އިގޭ އޮންލައިންކޮށް މަސައްކަތްކުރުމުގެ ޒަމާނީ އުސޫލް.މާލެ އަންނަންޖެހުނަސް އެއީ ގަޑިއިރެއްގެ ދަތުރުދޯ. މާލޭގައިވެސް ގެއަށްފޯރާނީ އެހާ ވަގުތުން. މާލޭގައި މިއުޅޭ ތަރައްގީ މީހުން އެތާއުޅެންފެށީމަ އިސާހިތަކު ބިލްޑިންގ އެޅި، ބްރިޖް އެޅި، މޯލްތަކާއި، ބޭންކްތަކާއި، ރެސްޓޯރަންޓްތައް ހުޅުވިގެންދާނެ. ހަމައެންމެ މިނިސްޓްރީއެއް ބަދަލުކޮއްލަބަލަ. ސިޓީއެއްވިއްޔާ އެވެސް
އޮނަރަބްލް އަފީފު ދީދީ
30 September 2021
ކައުންސިލުން ދޫކުރި ބިންތަކުގައި "ގެސްޓްހައުސް އޮށް ވަޅުކައިގެން ގެސްޓްހައުސް ފަޅާތޯ ބަލާންތިބުމުގެ ބަދަލުގައި" އެކުއެކީގައި ކުރާންޖެހޭ އެތައްކަމެއް ހުރިކަން މޭޔަރަށް އެގިވަޑައިގަންނަވާންޖެހޭ. # އައްޑޫގެ 50 އަހަރުގެ ޑިވޮލޯޕްމަންޓް ޕްލޭން (ކޮޅުމަޑުލާއި އައްޑުއާއިދޭތެރޭ ހުރި ރަށްތައް ކަނޑާއި ވައިގެމަގުން ގުޅާލުމާއިއެކު) އެކުލަވާލުމަށްޓަކާ ފުރަތަމަ ބޭނުންވާ ޕްރޮފެޝަނަލް ކޮންސަލްޓެންޓުންގެ ޓީމެއް އެކުލަވާލައިގެން މަސައްކަތް ކަރުދާހަށް ބަދަލުކުރައްވާ.
އަހުމަދު ބާ
30 September 2021
ކިހާވަރަކުން ދާނެބާ؟
ރަސްރީތި
30 September 2021
ތިޔަ އިންވެސްޓް ކުރުމައް ވުރެމާރަނގަޅުވާނެ ޑުރަގްނައްތާލެވެތޯބަލަ ގައުމުގެ އާބާދީ މަތިކުރެވޭތޯ ބެލިއްޔާ ގެސްޓް ހައުސް ހަދާފަ ކަރަންޓް ވައިރުކޮއްނިމޭއިރައް ނަރުކޮޅު ކޮށާލައިގެން ޕާއްޓެން ފާޅުގަދާނެ ކުރެެވޭކަމެއްނޯވޭ ސަރިއްޔަތެއް ނުކުރެވޭ ދެންކޮން ގެސްޓް ހައުސްސެއްތޯ އަޅާތަރއްގީކުރެވޭނީ އޭގެންގެސްޓްހައުސް އަޅަންމަސަތްކުރާނެ ދިވެއްސަކުނުލިބޭ ދޭތެރެދުރުކޮއެް އައްޑަނަހޯދައިގެންތިބީމަ އެއައްޑަނަތަކަކީ މަސަތްކަތްކުރާއެއްޗެއްނޫން ޅައުމުރުގަ ކައިވެނިކރވނ
އޮނަރަބްލް އަފީފު ދީދީ
30 September 2021
އައްޑޫ އެކަންޏެއްނޫން. ކޮޅުމަޑުލުން އައްޑުއަށްހިމެނޭ ދެކުނުރީޖަންގައި އިޤްތިސޯދީ އެއްވެސްޙަރަކާތެއް ހިންގުމަށް މާލޭސަރުކާރު ތައްޔާރެއްނޫން. # ފުޓްބޯޅަ ވޯލްޑްކަޕް ފަދަ ކުޅިވަރުއިވެންޓްތަކަކީ ދުނިޔޭގެ ޤައުމުތަކުން އެޤައުމުގެ ރަށްފުށަށްދިރުންގެނެސް ދުނިޔެއަށްހުޅުވާލަން ބޭނުންކުރާ ފުރުސަތަކަށްހަދާ. # ގޭންއެއަރޕޯޓާއި މިސަރަޙައްދަށް ޓްއަރިޒަމް ގެނައުމުގެ ވިސްނުންހުރިނަމަ ކީއްވެގެން ސަރުކަރުން SAFF Championship ފުޓްބޯޅަ މުބާރާތް އައްޑޫގައި ނުބޭއްވީ؟!
ޢަބްލާހި
30 September 2021
ޓޫރިޒަމް ފުޅާކުރުމުގައި ސަރުކާރުން ޒޯންތައް ހަމަޖައްސައި، ބިން ދޫކުރުމުންވެސް އެބިންތައް ލިބުނު މަދުބައެއް ނޫނީ އެކަމާއިގެން އުޅޭތަނެއް ނުފެނޭ... ހީވާ ކަހަލަ، 10 ފްލައިޓުން 3000 ފަތުރުވެރިން 24 ގަޑިއިރުތެރޭ އައީމައޭ ބިންތައް ލިބުނު މީހުން ގެސްޓްހައުސް ޢިމާރާތްކުރުމާމެދު ވިސްނާލާނީވެސް.. އަހަރުމެން މިއުޅެނީ އަބަދުވެސް ފާޑުކިޔުމުގައި އަވަދިނެތި، ތަރައްގީގައިވެސް ފަރުދީ ޒިންމާއަކީ މުހިއްމު އެއްޗެއްކަން އެނގޭ މީހުން މަދު.