މިނިސްޓަރު، ޓީޗަރުންގެ ދުވަސް ފާހަގަކުރެއްވީ ރާއްޖޭގެ ހުރިހާ ޓީޗަރުންނާ އެކު

އެޑިއުކޭޝަން މިނިސްޓަރު ޑރ. އައިޝަތު އަލީ ރާއްޖޭގެ ހުރިހާ ޓީޗަރުންނާ ބައްދަލުކުރައްވަނީ.--

އާސިމާ ނިޒާރު، މިހާރު

05 އޮކްޓޯބަރ 2021 - 17:36

ޓީޗަރުންގެ ދުވަސް ފާހަގަކުރުމަށް އެޑިއުކޭޝަން މިނިސްޓަރު ޑރ. އައިޝަތު އަލީ ރާއްޖޭގެ ހުރިހާ ޓީޗަރުންނާ މިއަދު ބައްދަލުކުރައްވައިފި އެވެ.

ވާޗުއަލްކޮށް ބޭއްވި ރަސްމިއްޔާތުގައި 200 އަށް ވުރެ ގިނަ ސްކޫލުގެ 9،000 އަށްވުރެ ގިނަ ޓީޗަރުންނާ ބައްދަލުކުރައްވައި ދުވަހުގެ ތަހުނިޔާ ވިދާޅުވެ މިނިސްޓަރު ވަނީ ހިތްވަރު ދެއްވައިފަ އެވެ.

އެ ރަސްމިއްޔާތުގައި ވާހަކަދައްކަވަމުން މިނިސްޓަރު ވިދާޅުވީ ގެއާ މުޖުތަމައުގެ ކަންކަން ރާވައި ތަރުތީބުކުރުމުގައި ޓީޗަރުންގެ ދައުރު ވަރަށް މުހިއްމު ކަމަށެވެ. ވަޒީފާގެ ޒިންމާގެ ބޭރުން ދަރިވަރުންގެ ހާލުބަލައި، އެ ކުދިންގެ ވާހަކަތައް އަޑުއަހައި، އަޅާލައި އޯގާތެރިވަމުން އަންނަނީ ޓީޗަރުން ކަމަށް ވެސް އޭނާ ފާހަގަކުރެއްވި އެވެ.

ކޮވިޑުގެ ސަބަބުން ތައުލީމީ ދާއިރާއަށް އައިސްފައިވާ އަދި ކުރަމުންދާ ނޭދެވޭ އަސަރު ކުޑަކުރުމަށްޓަކައި ޓީޗަރުން ކޮށްފައިވަނީ އަގުހުރި ހިދުމަތެއް ކަމަށާއި އެ ގޮންޖެހުންތައް އަދި ވެސް އޮތީ ކުރިއަށް ކަމަށް މިނިސްޓަރު ވިދާޅުވި އެވެ.

މި ބައްދަލުކުރެއްވުމުގައި މިނިސްޓަރ @aisthly ވަނީ ކިޔަވައިދިނުން އިހުއޮތްގޮތަށް އިޢާދަކުރުމުގެ ބުރަ މަސައްކަތުގައި މުދައްރިސުންގެ ދައުރާމެދު ވާހަކަފުޅު ދައްކަވާފައި. 2/2
— Ministry of Education (@MoEdumv) October 5, 2021

"ދަރިވަރުންގެ ކިޔެވުން އާއްމު ހާލަތަކަށް ގެނައުމަށްޓަކައި ކުރަންޖެހޭ މަސައްކަތްތައް ގިނަގުނަ. ނަމަވެސް ކާރިސާއިން ލިބުނު އިބުރަތުން ފިލަވަޅު ލިބި ޓީޗަރުންގެ ހިތްވަރާ އެކު އީޖާދީ ވިސްނުންތަކުން މުސްތަގުބަލްގެ ތަސައްވަރު ކުރަހާލަ ދީފި. އެ ކުރެހުންތަކަށް ހަގީގީ ކުލަ ގެނައުމަށްޓަކައި މުދައްރިސުންނަށް އަޅުގަނޑުމެން އެންމެންގެ އެހީތެރިކަން ބޭނުންވޭ،" ވާޗުއަލްކޮށް ބޭއްވި ރަސްމިއްޔާތުގައި މިނިސްޓަރު ވިދާޅުވި އެވެ.

އޭނާ ވިދާޅުވީ ޓީޗަރުން ކުރާ މަސައްކަތާ އެކަށީގެންވާ އުޖޫރައާ އިނާޔަތްތައް ބޭނުންވާ ކަމަށެވެ. އެ ކަންކަމަށް ވިސްނައި ޓީޗަރުންނަށް އެފަދަ ތަމްރީނުތަކެއް ފަށާފައިވާ ކަމަށާއި އިތުރު ވަސީލަތްތައް ފޯރުކޮށްދިނުމުގެ މަސައްކަތްތައް ވެސް ކުރިއަށްދާ ކަމަށް ވިދާޅުވި އެވެ.

އަންނަ އަހަރު ޓީޗަރުންގެ މުސާރައަށް ހެޔޮ ބަދަލު އަންނާނެ ކަމުގެ އުފާވެރި ހަބަރު ރައީސް އިބްރާހިމް މުހައްމަދު ސޯލިހު ދެއްވާފައިވާކަމަށް މިނިސްޓަރު ވިދާޅުވި އެވެ.

ސްކޫލް ޓީޗަރުން އެޑިއުކޭޝަން މިނިސްޓްރީ ޓީޗަރުންގެ ދުވަސް ޑރ. އާއިޝަތު އަލީ، އެޑިއުކޭޝަން މިނިސްޓަރު

7 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑުމީހާ

06 October 2021

މުދައްރިސުން މުސާރަ ކުޑަވެގެން ހަޅުތާލުކުރާއިރު ބައްދަލުކޮށްނުލެވޭ. ފޮޓޯ ނަގައި ދައްކަންކުރާ ކަންތައްތައް ތީ ހުސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮޅުވާލި ޕއޗޑ

06 October 2021

ސެޓްފިކެޓަކަށްވުރެ ކޮލިޓީ ހުންނަ ބަޔަކު މިނިސްޓަރުންނަށްވާންޖެހޭނީ...ފޭކު ސެލްފީ މިނިސްޓަރުން ކަމަކުނުދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަފަރުކައްދަ

05 October 2021

ކަލޭނޭ ވަރަށް މޮޅުކަމެއް ތިޔަކުރެވުނީ. ފޮޓޯ މިނިސްޓަރ ދަރިވަރުން މިއަދު ސްކޫލަށް ދާން ނުޖެހުނީ ތިޔަކަންކޮށް ޙަބަރަށް އަރުވަންދޯ. ދަރިވަރުންނަށް ލިބެންޖެހޭ އަސާސީ ޙިދްމަތްތަކާ އެދުރުންގެ މުސާރަ ބޮޑުކޮށްބަލަ. ވާރޗުއަލްކޮން ކޮހޭ ނުކިޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައްދަލުކުރާށޭ

05 October 2021

އެޑިއުކޭޝަން މިނިސްޓަރު ރާއްޖޭގައި ތިބި ހުރިހާ ދިވެހި ޓީޗަރުންނާއި ބައްދަލު ކުރި ގޮތަށް ވާރޗުއަލް މީޓިންގްސް ތައް އެހެން މިނިސްޓަރުންނަށް ވެސް ކުރިއަށް ގެންދެވޭނެއޭ މާލޭގެ ވިޔަފާރި ކުންފުނި ތަކަށް ދިމާވެފައިވާ ބިމުގެ މައްސަލަ ތަކާއި ގުޅޭ ގޮތުން ދިރާސާ އެއް ހަދަން އެކުންފުނި ތަކުގެ ވެރިންނާއި އިކޮން މިނިސްޓަރަށް ސީރީސް އެއްގޮތަށް ބައްދަލު ކުރެވޭނެއޭ ތިމާވެށި މިނިސްޓަރަށް އެމިިނިސްޓަރުގެ ދާއިރާގެ ތިމާވެށި ވިޔަފާރި ކުރާ މީހުންނާއި އެކު ވާރޗުއަލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިސްވޭއިން

05 October 2021

ޓެކްނޮލޮޖީ ވީ އެންމެ ބޮޑު އަދަަދަކަށް ބޭނުން ކޮށް ސަރުކާރުގެ ޚަރަދު ތައް ކުޑަވެސް ކުރަންވީއޭ އެޑިއުކޭޝަން މިނިސްޓަރަށް ވާރޗުއަލް ކޮށް ބޭއްވޭނެއޭ ކޮންމެ ދުވަހަކު މާލެ ސަރަހައްދުގެ 100 ބެލެނިވެރިންނާއި އެކު ވެސް ބައްދަލުވުން ތައް އެއީ މަމެންނަށް ޔަގީންވާ ކަމެކޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

05 October 2021

މާސްޓާރސް ފެންވަރުގެ ޓީޗަރުން ނަށް ކުޑަ މުސާރައެއް ލިބޭ އިރު އޭލެވެލް ފެންވަރު ނެތް މިނިސްޓަރުގެ ނާއިބުން ހުރމު މަކީ ބަލައި ގަނެވޭނެ ކަމެއް ނޫނެވެ. މިކަންބަދަލު ކުރަން ޖެހެ އެވެ. ނާއިބުންގެ ވެސް ފެންވަރެއް ހުންނަން ޖެހެ އެވެ.