ވޯލްޑް ބޭންކް.
07 އޮކްޓޯބަރ 2021 - 13:56
12 comments
ރާއްޖޭގެ މާލީ ހާާލަތާއި ދަރަނީގެ ކަންތައްތައް ހަމަޖެއްސުމުގެ ގާބިލުކަން ދެމެހެއްޓެނިވި މިންގަނޑަކަށް ގެނައުމަށްޓަކައި މަޝްރޫއުތައް ލަސްކުރަން ޖެހޭ ކަމަށް ވޯލްޑް ބޭންކުން އަނެއްކާ ވެސް ބުނެފި އެވެ.
އެ ބޭންކުން މިއަދު ނެރުނު "ރީޖަނަލް އިކޮނޮމިކް އަޕްޑޭޓްސް" ރިޕޯޓްގައި ބުނީ ކޮވިޑް-19ގެ ބަލިމަޑުކަން ކުރިމަތިވުމުގެ ކުރިން ވެސް ރާއްޖެ އަށް ދަރަަނީގެ ރިސްކް އޮތީ ބޮޑުކޮށް ކަމަށާއި އެ ބަލިމަޑުކަމަށް ފަހު، އިތުރަށް ނެގި ދަރަންޏާ އެކު އެކަން އިތުރަށް ގޯސްވެފައިވާ ކަމަށެވެ. ކޮވިޑްގެ ސަބަބުން އިގްތިސާދު ހަލާކުވުމަށް ފަހު، އިގުތިސާދު އަލުން ބިނާކުރާއިރު، ދަރަނި މެނޭޖްކުރުމުގެ ހާލަތު ރަނގަޅު ކުރުމަކީ އެންމެ މުހިއްމު އެއްކަންތައް ކަމަށް ވެސ އެ ރިޕޯޓްގައި ވެ އެވެ.
"...އިގްތިސާދު ވަރުގަދަ ވަންދެން ބޮޑެތި ޕަބްލިކް އިންވެސްޓްމެންޓް ޕްރޮޖެކްޓްތައް ލަސްކުރުމަކީ މި ޕްރެޝަރުތައް ނައްތައިލުމަށް އެހީއަކަށް ވާނެ ކަމެކެވެ،" ރިޕޯޓުގައި ބުންޏެވެ.
ކޮވިޑްގެ ބަލިމަޑުކަމުގެ ސަބަަބުން ރާއްޖޭގެ އިގްތިސާދަށް ކުރިމަަތިވި ބޮޑު ހީނަރުކަމުން އަރައިގަނެވެންދެން މަޝްރޫއުތައް ލަސްކުރަން ވޯލްޑް ބޭންކުން މިދިޔަ އަހަރު ވެސް ލަފާދިނެވެ. އެ ބޭންކުން އޭރު ކަންބޮޑުވުން ފާޅުކުރީ އިގްތިސާދު އެހާ ބޮޑަށް ހީނަރުވުމުން ވެސް އެކަމަށް ރިއާޔަތް ނުކޮށް ސަރުކާރުން ހަރަދުކުރަމުން ގެންދާތީ އެވެ.
މި ފަހަރުގެ ރިޕޯޓްގައި ބުނީ، ސަރުކާރުގެ ރިކަރެންޓް ހަރަދު މިދިޔަ އަހަރު ނުވަ ޕަސެންޓަށް ކުޑަކުރި ނަމަވެސް ކެޕިޓަލް ހަރަދުތައް ހަތް ޕަސެންޓުން އިތުރު ކޮށްފައިވާ ކަމަށެވެ. އޭގެ ސަަބަބުން ރާއްޖޭގެ ޑެފިސިޓް އިތުރަށް ބޮޑުވެ، އިގްތިސާދީ ކުރިއެރުން ނެގެޓިވް ވި އެވެ.
ކޮވިޑާ ގުޅިގެން ރާއްޖޭގެ ބޯޑަރުތައް ބަންދުނުކުރި ނަމަ މި އަހަރު އެއް މިލިއަން ޓޫރިސްޓުން ޒިޔާރަތް ކުރާނެ އެވެ. އެއީ 2019 ވަނަ އަހަރު [ކޮވިޑް ބަލިމަޑުކަން ކުރިމަތިވުމުގެ ކުރިން] ޓޫރިސްޓުން އައި އަދަދުގެ 60 ޕަސެންޓެވެ. ވޯލްޑްބޭންކުން ލަފާކުރަނީ އެހެންވެ ރާއްޖޭގެ ޖީޑީޕީ 17 ޕަސެންޓް ކުރިއަރާނެ ކަމަށެވެ.
"ޓޫރިސްޓުން އަންނަ އަދަދުު [ކުރީގެ ހާލަތަށް] އިޔާދަވަމުން ދިޔަޔަސް، މެދުރާސްތާގައި ކަރެންޓް އެކައުންޓް ޑެފިސިޓް ފުޅާވަމުންދާނެ ކަމަށް ލަފާކުރެވެ އެވެ،" ވޯލްޑްބޭންކްގެ ރިޕޯޓްގައި ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާހާނެ
08 October 2021
މިވެރިކަމުގަ ތިބި މީހުންނެއް ނާހާނެ ތިޔަ ވާހަކަތަކެއް. އަދި އަޅައެއްވެސް ނުލާނެ. އެންމެ ފަހުން ދަރަނި މެނޭޖްނުކުރެވުނީމަ ބުނާނީ ޔާމީނު ކުރި ކަމެކޭ. އެ ނިމުނީ. ލޯންތައް ދައްކަން ޔާމީން ރާވަދީފަ ހުރި ކަންކަން މިމީހުންނަށް ހިންގާކަށް ނޭނގޭނެ. އެކަމުވެސް ޔާމީނު ނަންވާނީ ހުރިހާ ކަމެއްވެސް.
ޢަވަސް
07 October 2021
މައްޝޫރތައް އަވަސް ކުރަންޖެހެނީ!
ށަވިޔަނި
07 October 2021
ތިވާހަކަ އަޑުއެހުމަކީ އެމްޑީޕީގެ ވެއްޓުން. ގައުމު ވެއްޓުނަސް ޕާޓީ ވެއްޓިގެން ނުވާނެ. މިއީ މަށަށް ފެންނަގޮތެއްނޫން. ވެރިން ދެކޭނެގޮތްކަމަށް ލަފާކޮށްފަ ބުނިއެއްޗެއް.
ބޮޑުމީހާ
07 October 2021
އަދި ސްޓޭޓް މިނިސްޓަރެއް އައްޔަންކޮށްފަ، އޮމްބަޑުޕާސަން އޮފީހެއް ހަދާފަ ރިހަކައްކާ ކޮމިޝަނެއް ހެދީމަ ހުންނާނީ ރަގަޅަށް
ސްކިޕަރ
07 October 2021
ޝާހިދުއަށް މިނިސްޓަރު މުސާރަ (65،000 ރުފިޔާ) ދީފައި، ޔޫއެންގައި އޭނާ ދިރިއުޅުމަށް އިތުރު 1 ލައްކަ ރުފިޔާއާއި އެކު އެންމެ ފަރުދެއްގެ ހައިބަތު ބޮޑުކުރަް މަހަކު ދެލައްކަ ރުފިޔާ ބުރުވާލީމައި ހުންނާނީ ދިވެހީންގެ ދަރަނިތައް އަދާވެފައި.
ހަހަހާ
08 October 2021
މަސަރުކާރުގަ އުޅުނުއިރު މުސާރަވެސްކުޑަ. އެކަމަކު އިތުރުގަޑި ނުލިޔަން. ވެރިއަކު ބުނި ލިބޭ އެއްޗެއް ހޯދަންވާނެޔޯ. މަށަށްވުރެ ގިނައިން އިތުރުގަޑީގަ މަސައްކަތް ކުރިމީހަކު އެއިރު އެ އޮފީހުގަވެސްނެތް. އޮފީހުން ވެރިންނަށް ޓްރޭނިންގެ ނަމުގަ އޮންނަ އަހަރީ ދަތުރުވެސް ނުކުރަން.
ޕެސިފިކް
07 October 2021
ވޯލްޑް ބޭންކް މީހުންނަކީ މާމޮޅު ބައެއްތަ؟ ނުޖެހޭ އެއްވެސް މަޝްރޫއެއް ލަސްކުރަން.. އަގު ބޮޑުކޮށް ބޭރުގެ ކުންފުނި ތަކަށް ޕްރޮޖެކްޓްސް ދިނުން ހުއްޓާލަންވީ. އިންޑިޔާ ކުންފުނި ތަކަށް ނުދިނަސް ބްރިޖާ މަގުތަށް ހެދިދާނެ. ދިވެހި ކުންފުނި ތަކަށް ޕްރޮޖެކްޓްސް ދީ އެމީހުންގެ އެކްސްޕަޓީސް ނެތް ކަމެއް ވިއްޔާ ތަޖުރިބާ ހުރި ބޭރު ބަޔަކަށް ދީގެން އެކަމެއް ކުރެވޭނެ. މުޅި މަޝްރޫއު ދޭކަށް ނުޖެހޭނެ. އޭރުން ދިވެހި ކުންފުނިތަށް ކުރިއަރާ ޑޮލަރު ބޭރުވާ ވަރުވެސް މަދުވާނެ.
ރާޅު
07 October 2021
އެމްޑިޕީ ވެރިކަމަ އެރީ ރާއްޖެ ނިލަންކިޔަން
އައްބެ
07 October 2021
ބޭންކުން އެބުނަނީ ތިލަމާލެ ބުރިޖުގެ މަސައްކަތްފަދަ މިވަގުތައް އެހާ މުހިންމު ނޫން މަޝްރޫއުތައް ހުއްޓާލަންޖެހޭކަމަށް.
ދއިރީ
07 October 2021
ސޯސަލް ހައިން ސިން ފުލެޓް ލިބުނުބޭފުޅުންގެ މޯގޭޖް ދައްކަދޭން ޖެހޭ ސަރުކާރުން. ދެން ތިލަފުށި ބުރިޖް ވެސް އޮތީ ކުރިޔަ، ކޮންމެ ދެރަށަކުން އެއް ރަށުގަ އެބަޖެހޭ އެއާ ޕޯޓެއް އަޅަން. ޢެންމެންގެ މުސާރަ ބޮޑު ކޮއްދޭން ޖެހޭއެބަ. ގައުމީ ކޯޗު ސުޒޭން ޕުރެސަރައް ވެއްޓުނަސް އަހަރުންނެ ޕުރެސަރަކަ ނުވެއްޓޭނެ. ދަރަނި ނުދެއްކުނިއްޔާ ނުދެއްކުނީ، ލޯނު ދީފަ.
ކުޗީ
07 October 2021
މިއާޓިކަލް ކޮންމެވެސް މީހަކު މީހަރު ވެރިކަން ކުރަން ހުރި 'ވާނުވާގަ' ހުރި މީހާއަށް ދައްކަބަލަ. މ.ޑ.ޕ އަށް ވެސް ހުރި ބޮޑު ލަދެއް. ތަބަކަކަށް ލާފަ ދިނީމަ ވޯޓު ދިނީމަ މައްސަލަ އަކީ. ނާޝީދު މިކަމުގެ ފުރިހަމަ ޒިންމާ ނަގަން ޖެހޭ.