ޕްލޭނިން މިނިސްޓަރު މުހައްމަދު އަސްލަމް ރައްޔިތުންގެ މަޖިލީހުގެ މިއަދުގެ ޖަލްސާގައި މެމްބަރުންގެ ސުވާލުތަކަށް ޖަވާބުދެއްވަނީ. އޭނާ ވިދާޅުވީ އެހެން ރަށްރަށުގެ މީހުންނަށް ގޯތި ނުދިނުމުގެ ވިސްނުން ދޫކޮށްލަން ޖެހޭ ކަމަށް. ފޮޓޯ: ރައްޔިތުންގެ މަޖިލީހުގެ އިދާރާ.
13 އޮކްޓޯބަރ 2021 - 12:33
14 comments
ބިން އޮތް ރަށްތަކުން، އެހެން ރަށްރަށުގެ މީހުންނަށް ގޯތި ދިނުމުން ކުރިއެރުން އަންނާނެ ކަމަށާއި އެކަމުގައި ކައުންސިލްތަކުގެ ވިސްނުން ހުޅުވައިލަން ޖެހޭ ކަމަށް ހައުސިން މިނިސްޓަރު މުހައްމަދު އަސްލަމް މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި މެދު ހެންވޭރު ދާއިރާގެ މެމްބަރު އަދި އެމްޑީޕީގެ ޕާލަމެންޓްރީ ގްރޫޕްގެ ލީޑަރު އަލީ އާާޒިމް ކުރެއްވި ސުވާލަކަށް ޖަވާބުދެއްވަމުން އަސްލަމް ވިދާޅުވީ ރާއްޖޭގެ ރަށަކުން އެހެން ރަށެއްގެ މީހަކަށް ގޯއްޗެއް ދިނުމަކީ ގާނޫނީ ގޮތުން މަނާކަމެއް ނޫން ކަމަށާއި އެއްވެސް ރަށަކުން އެގޮތަށް ގޯތި ނުދޭ ކަމަށެވެ. އޭގެ މިސާލެއްގެ ގޮތުގައި އޭނާ ދެއްކެވީ ޅ. މާފިލާފުށިން ގޯތި ނެގި މީހުންނަށް ބަދަލުދިނުމުގެ ގޮތުން އެހެން ރަށްރަށުން ދޫކުރަން ސަރުކާރުން އެދުނު ގޯތިތައް ނުދީ އޮތްް އޮތުމެވެ.
ނަމަވެސް ރާއްޖޭގެ ނިޒާމު މިހާރު އޮތް ގޮތުން، މިނިސްޓްރީއަކުން ކައުންސިލަކަށް ވަކި ކަމެއް ކުރަަން މަޖުބޫރު ނުކުރެވޭނެ ކަމަށް ވެސް އޭނާ ވިދާޅުވި އެވެ.
"އަޅުގަނޑުމެން ތަންކޮޅެއް ބޮޑަށް ހުޅުވިލަން އެބަޖެހޭ. ކައުންސިލްތަކުން ވެސް، އެއީ ކޮންމެހެން ލާޒިމުކަމަކަށް ވެގެންނެއް ނޫން، ހެޔޮވިސްނުމުގައި ވިސްނައިފިއްޔާ، އެރަށަކަށް ބޭރުން ބަޔަކު ގެނެސްފިއްޔާ އެ އެރަށް ތަރައްގީވެގެން ދާނެ ކަމެއް،" އަސްލަމް ވިދާޅުވި އެވެ.
އޭނާ ވިދާޅުވީ އެގޮތަށް، އެހެން ރަށްރަށުގެ މީހުންނަށް ޖާގަ ދިނުމަކީ އޭނާ ކައުންސިލްތަކަށް ދެއްވާ ވަރަށް ވަރުގަދަ ލަފައެއް ކަމަށެވެ. މާލޭޭ މީހަކު އެހެން ރަށަކަށް ދިރިއުޅުން ބަދަލުކުރަން އެދޭ ނަމަ އެ ފުރުސަތު ދޭން އޭނާ ގޮވައިލެއްވި އެވެ. މާލެ ތަރައްގީކުރީ މާލޭމީހުންގެ ސަބަބުން ނޫން ކަމަށާއި އެހެން ރަށްރަށުން މީހުން އައިސްގެން ކަމަށާއި ހަމަ އެގޮތަށް ރަށްތައް ވެސް ތަރައްގީ ވާނީ އެހެން ރަށްރަށުން މީހުން ގޮސްގެން ކަމަށް ވެސް އޭނާ ވިދާޅުވި އެވެ.
"އެހެން ނަމަވެސް އެއްވެސް ރަށަކުން ނުދޭ. ހަމަ ދޭކަށް ބޭނުމެއް ނުވޭ. ހަމަ ސީދާ ރަށު މީހާއަށް ނޫން މީހަކަށް ދޭކަށް ބޭނުމެއް ނުވޭ، އެންމެ އިންޗިއެއް ވެސް،" އަސްލަމް ވިދާޅުވި އެވެ.
އޭނާ ވިދާޅުވި ގޮތުގައި ބައެއް ރަށްރަށުން ހިއްކާފައިވާ ބިންތަކުގެ 30 ޕަސެންޓްގެ 30 ޕަސެންޓް ނަމަވެސް ވިއްކާ ގޮތަށް ހަމަޖައްސާތޯ ބައެއް ކައުންސިލްތަކާ އޭނާ މަޝްވަރާކުރެއްވި އެވެ. ބިންް ވިއްކާފައި ލިބޭ ފައިސާ ކައުންސިލަށް ލިބޭ ގޮތަށް ވާހަކަ ދެއްކެވީމާ ވެސް ކައުންސިލްތަކުން އެއްބަސްނުވި ކަމަށް އޭނާ ވިދާޅުވި އެވެ.
އާޒިމް އަސްލަމާ ސުވާލުކުރައްވަމުން އާޒިމް ވިދާޅުވީ އަސްލަމް މިނިސްޓަރުކަމަށް ވަަޑައިގެންނެވިތާ ތިން އަހަރު ދުވަސް ވާއިރު ބޯހިޔާވަހިކަމާ ބެހޭ ގޮތުން މާލޭގެ ރައްޔިތުންނަށް މާ އުޖާލާ ވާހަކައެއް ނީވޭ ކަމަށެވެ. އަތޮޅުތަކުގައި ހިލޭ ވެސް ގޯތި ދޫޫކުރަމުން އަންނަ އިރު މާލޭގެ ރައްޔިތުންނަށް އެއްވެސް ލުޔެއް ނުލިބޭ އިރު އެއީ އިންސާފު ކަމަށް ގަބޫލުކުރައްވަންތޯ އާޒިމް އެއްސެވި އެވެ.
އަސްލަމް ވިދާޅުވީ މާލެ ނޫނަސަސް، ބިންފުރިފައިވާ ރަށްރަށުން ގޯތި ދޫނުކުރެވޭ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަލްދޯބަޖޭންގާ
14 October 2021
ކޮންމެސް އެއވެސް މީހަކައް ގޯއްޗެއްނުދޭތި ޙާއްސަކޮއް ޒުވާނަކައް އެއީ ޒަވާޖީހަޔާތެއް ފައްޓައިގެން އާބާދީ އިތުރުކޮއްފާނެކަމުގަބިރައް ދެންގޯތިނުދޭ އަނެއްސަބަބަކީ ރައްޔިރުމީހާ ތަނަވަސް ކަންމަތީގަ އުޅެންޏަކާ ބޭނުން ހާބަޔަކައް ވޯޓެއްނުދޭނެކަން އެނގޭތީ ހުރިހާ ސަރުކާރުތަކެއްގެ ބޭނުމަކީވެސް ގިނަދުވަހުވެރިކަމުގަތިބެން ވީމާ ރައްޔިތުމީހާކުލިނުދައްކާ އުޅެވެންޏާ ތަނަވަސްކަންމަތީގައުޅެނެނޫންތޯ މިމީހުންނައް ވޯޓެއްނުދޭނެނޫންތޯ މިހާރުކުލިދައކާފަ ރައްޔިތުމީހާބަނޑައް
ކަމޫލީ
13 October 2021
އަސްލަމް އަކީ ލާމަރުކަޒީނިޒާމް އާއި ސީދާ ދެކޮޅު، މާލެއަށް ބާރުތަށް ޖަމާކޮށް، ގ.ކެނެރީގެ ވިހަގަދަ ނަޝީދުގެ ޝާހީ ރަސްކަމެއް އުފައްދަން މަސައްކަތްކުރާ އެޖެންޓެއް! ކިޔަވައިގެން ހުރި ގައުމަށް ވުރެ އަމިއްލަ ފައިދާ އަދި ފައިސާ އަށް މަސައްކަތް ކުރާ މީހެއް!
އޮނަރަބްލް އަފީފު ދީދީ
13 October 2021
އައްޑޫސިޓީ، މާފިލާފުށި، ހަނިމާދޫ އަދި ލ.އަތޮޅުފަދަ ރަށްރަށުން "ހޮލިޑޭ ހޯމް" ހަދާން މާލޭމީހުން ނަގާފައިވާގޯތިތަކުގެ މައުލޫމާތު މާތޮޑާ އަސްލަމްއަށް ކައުންސިލްތަކުން ދޭންވެއްޖެ ނޫންތޯ. # މާތޮޑާ އަސްލަމް ތިބުނާގޮތަށް ރަށްވެހިވެފައިވާރަށްނޫން އެހެން ރަށްރަށުން ގޯތި ދޭންވާނީ ޕްރޮޕަޓީ ހޯލްޑިންގ ނުވަތަ ފްލެޓާއި ބިމާއިބެހޭ ޒަމާނީ ހަރުދަނާ ޤާނޫނު ތަކެއްގެ ތެރެއިން. އެހެން ނޫނީ ތިކަމުގެ ނާޖާއިޒު ފައިދާ މަދުބަޔަކު ނަގައި އެހެން މީހުން ހާލުގައި ޖައްސާނެ.
ޟގނޖވ
13 October 2021
އެގްޒޭކްލީ. މާލެމީހުންގެ ގޯތިތައް މި ލ އަތޮޅުގަ ބައިވަރު. ކޮންދޮގެއް ހަދާކަށް
އޮނަރަބްލް އަފީފު ދީދީ
13 October 2021
ދިރިއުޅޭނެ ފްލެޓާއި ބިމާއިބެހޭ ޤާނޫނު އިސްލާޙްކޮށް ފުރަތަމަ ބިމާއި ފްލެޓް ޓެކްސް ފުރީވެފައި އޭނާގެނަމުގައިގަންނަ 2 ވަނަ ބިމާއި ފުލެޓުން ދައުލަތަށް %50 ޓެކްސް އަދި 3 ވަނަ ފުލެޓާއިބިމުން ފެށިގެން އިތުރުކުރާ ކޮންމެ ފުލެޓަކާއިގޯއްޗަށް %100 ޓެކްސް ދައުލަތަށް ނަގާންޖެހޭގޮތަށް ޤާނޫނުގައިކަޑައަޅާ އަދި "ގޯއްޗާއި ފުލެޓް ލާޖެއްސުމަކީ ކުރެވޭނެކަމެއްނޫންކަމަށް" ވެސް ކަޑައަޅާ ހުރިހާ ރައްޔަތުންގެ ޙައްޤު ކަށަވަރުކުރުކޮށްދީފައިނޫނީ ތިކަން ކޮށްގެން ނުވާނެ.
އޮނަރަބްލް އަފީފު ދީދީ
13 October 2021
ތިއީ ނުކުރެވޭނެ ކަމެއްނޫން. އެކަމަކު ތިކަން ކުރާން ސަރުކާރުން ފުރުސަތު ހޯދާދޭންޖެހޭ. # މިކަން ކުރިމަށްޓަކާ ފުރަތަމަ ކުރާންޖެހޭކަމަކީ ކެލާ، ފިއްލަދޫ، ހަނިމާދޫ، ކާށިދޫ، ކުޑަހުވަދޫ، ތުލުސްދޫ، ތ. ގުރައިދޫ، ތިމަރަފުށި، ވިލުފުށި، ލ.ގުޅިފައިވާ ރަށްތައް، ހުވަދުއަތޮޅު ތިނަދޫ، ކޮލަމާފުށި، ވާދޫ، ފަރެސްމާތޮޑާ އަދި އައްޑޫގެ ބިން ހިއްކެންއޮތް އެންމެބޮޑަށް ހިއްކާ 18 އަހަރާއި 50 އަހަރާއިދެމެދު ބިމެއްނެތް ކޮންމެމީހަކަށް 01 ބިން ގަތުމަށް ފުރުސަތުހުޅުވާލުން.
ސޭވް ކިނޮޅަސް
13 October 2021
ރ. ކިނޮޅޮހުގެ ބަނދަރަށް ވެލިއެޅިގެން އެކަމުގެ ސަކުވާކުރާތާ މިހާރު އެތައް ދުވަހެއްވެއްޖެ. ތިމިނިސްޓްރީން އެކަމާއި އަޅާނުލާ. ކުޑަމިނުން ތިޔަ އަސްލަމުގެ މިނިސްޓްރީގެ އިންޖިނިއރަކުވެސް އެތަނަށް ނުގޮސް އެކްސްކަވޭރެއް އާޒިމު އެމް.ޓީ.ސީ.ސީ. ފޮނުވާގެން އެރަށުގެ އެތައް މިތަން ކޮނެނަގަނީ. މިއަދު އެކަލަ "ސާވް މޯލްޑިވްސް" ކްލަބް ހައުސްގެ ބައިގަނޑެއްވެސް ނެތް. ތިކޮނެގެން ނަގާވެލި ރަށުގެ ރައްޔިތުންގާތުގަ ކުޑަމިނުން އަހާލަން ރަގަނޅުތޯ ކޮންތާކަށްތޯ އަޅަންވީ.
ބޮޑުމީހާ
13 October 2021
މީނަގެ ވަޒީރުކަމުގައި ކުރިކަމެއް ދައްކަބަލަ
1828
16 October 2021
01- މޮޅު ވާހަކަ ދެއްކުން. 02- ރައްޔިތުން ގޮނބޯ ހެއްދުން.
ސުމާން
13 October 2021
އިބޫގެ ވައުދު އަސްލަމަށް ތިހުރީ ފުއްދިފަ.. ކޮބާ މާލޭމީހުނަށް ގޯތިދޭންބުނި ވައުދު..ވޯޓް ހޯދަން މިމީހުން ކޮންމެ ގަނޑެއްވެސް ގަނެފާނެ.
ގަމާރޭ ކީ ނަޒަރު ވާރޝަން 2.0
13 October 2021
ބަލަގަ. ތިހާ އޮޕަމް ކޮށްބަލަ ރައްޔިތުންގެ ފައިސާއިން އަޅާ ހުޅުމާލެ ފްލެޓް. ތިހާ އޮޕަން ކޮށްބަލަ ހުޅުމާލެ، ވިލިމާލެ، ގުޅީ ފަޅުން ބިންދޫކުރުންވެސް. އެއްޗެކޭ ނުކިޔާތީ ހީވަނީ ބޮލުގަ ތެތްކަމެއް ނެތިގެން އަނގައިން ނުބުނަނީކަމަށް އުތަ!
ޝޯމޭން
13 October 2021
އަސްލަމް އެއްވެސް ރަށެއްގަ ބިން އޮވެ އެހެން ރަށެއްގެ މީހަކަށް ބިން ދިނުން ގޯހެއްނޫން. އެކަމު ބިންދޭއިރު އިސްކަންދޭ ތަރުތީބުގަ ރަށުމީހާއަށް އިސްކަންދޭންވާނެދޯ. މާލޭ ރައްވެހިންނާ ޖެހުނީމަ މިރަށް މިއީ އެންމެންގެ ތަނެއް. ދެން މިހެން ބުނާމީހާ ގޯސްވާނީ. އެކަމު އެއުސޫލު އެހެން އެއްވެސް ރަށެއްގަ ނުހިނގާ. މިވެސް ހަމަ ރަށްވެހިންތިބި ރަށެކޭ.
އެނދިމަރިޔަނބު
13 October 2021
ތިކަމާ ދެކޮޅެއް ނޫން. ނަމަވެސް ހަމައެކަނި ބިންދޫކުރުން ހަމަ ނުކުރެވޭނެ. ބައިތުލްމާލުގެ އެއްކޮށް ކަހަލަގޮތަކަށް ހޭދަކުރަނީ މާލެ ތަރައްގީ ކުރަން. ރަށްރަށަށް ދެނީ 5 އަހަރުން ބަށި ކޯޓެއް. ތަރައްގީއަށް ކުރާ ހޭދަވެސް ހަމަހަމަ ކޮއްފަ ބިން ދިނުންވެސް ހަމަހަމަ ކުރަންވީ.
ހުސެންގެ ހަސަނު
14 October 2021
މާލެ އަކީ މާލެ. ޙުޅުމާލެއާއި ގުޅީފަޅު އެއީ ރައްޔިތުންގެ ޓެކްސް ލާރިން ހިއްކާފަ އޮތް ތަން ތަން. އެތަނުން ރާއްޖެތެރޭ މީހުންނެކޭ މާލޭ މީހާ އެކޭ ވާނީ ހަމަ ހަމަ. އެ އުސޫލުގެ ވާހަކަތަ ތިޔަ ދައްކަނީ؟ ޙަމަޖެހޭ އެއްޗެކޭ ކިޔާބަލަ.