މީޑިއާ ކައުންސިލްގެ މެމްބަރުން ރައްޔިތުންގެ މަޖިލީހުގެ ކޮމެޓީއެއް: ކުރިން އޮންނަ ގޮތުން ކައުންސިލަށް ކުރިމަތިލެވޭނީ ޑިގްރީއެއް އޮންނަ ފަރާތްތަކަށް.-- ފޮޓޯ: މީޑިއާ ކައުންސިލް
05 ޑިސެމްބަރ 2016 - 14:00
4 comments
މޯލްޑިވްސް މީޑިއާ ކައުންސިލަށް އާންމުންގެ ތެރެއިން ކުރިމަތިލާ ފަރާތްތަކުގެ ތައުލީމީ ޝަރުތު ދަށްކޮށް، މީޑިއާ ކައުންސިލް އިންތިޚާބުގެ އުސޫލަށް ހޯމް މިނިސްޓްރީން އިސްލާހު ގެނެސްފި އެވެ.
މީޑިއާ ކައުންސިލް އިންތިޚާބާ ބެހޭ އުސޫލު ކުރިން އޮންނަ ގޮތުން އެ ކައުންސިލްގެ މެމްބަރު ކަމަށް އާންމުންގެ ތެރެއިން ކުރިމަތިލާ ފަރާތްތަކަކީ ގާނޫނީ ދާއިރާއިން ނުވަތަ ދިވެހި ބަހުގެ ދާއިރާއިން ނުވަތަ ދީނީ އިލްމު ދާއިރާއިން ނުވަތަ އިޖްތިމާއީ ސައިންސްގެ ދާއިރާއިން ނުވަތަ އިންސާނީ ހައްގުތަކުގެ ދާއިރާއިން ޑިގްރީއެއް އޮންނަން މީހަކަށް ވާންޖެހޭނެ އެވެ.
އެކަމަކު އެ އުސޫލަށް އިއްޔެ ގެނައި އިސްލާހުގައިވާ ގޮތުން އެ ދާއިރާތަކުން ސެޓްފިކެޓް ލެވެލް ފަހެއްގެ ސެޓްފިކެޓަކާ އެއް ފެންވަރުގެ ސެޓްފިކެޓެއް އޮތް ނަމަ އާންމުންގެ ތެރެއިން އެ ކައުންސިލަށް ކުރިމަތިލެވޭނެ އެވެ.
އެ ބަދަލު ގެނައީ މިހާރު އިއުލާންކޮށްފައިވާ މީޑިއާ ކައުންސިލް އިންތިޚާބުގައި، އާންމުންގެ ތެރެއިން ކުރިމަތިލި ފަރާތްތަކުގެ ތެރެއިން އިއުލާން ކުރަންޖެހޭ އަދަދަށް ވުރެ މަދު މީހުންގެ ނަން ހޯމް މިނިސްޓްރީން އިއުލާންކޮށްފައި ވަނިކޮށެވެ.
މީޑިއާ ކައުންސިލްގެ ގާނޫނު އޮންނަ ގޮތުން އާންމުންގެ ތެރެއިން ކުރިމަތިލާ ފަރާތްތަކުގެ ތެރެއިން 14 މީހެއްގެ ނަން ހޯމް މިނިސްޓަރު އިއުލާން ކުރައްވަން ޖެހޭ ނަމަވެސް މިފަހަރުގެ އިންތިޚާބުގައި ހޯމް މިނިސްޓްރީން އިއުލާންކުރީ 12 މީހެއްގެ ނަމެވެ. އެ އިންތިޚާބަށް ކުރިމަތިލި ފަރާތްތަކުން ވަނީ އެކަމުގެ ޝަކުވާކޮށްފަ އެވެ.
އާންމުންގެ ތެރެއިން ކުރިމަތިލާ މީހުންގެ ތައުލީމީ ޝަރުތު ދަށް ކުރުމުގެ އިތުރުން މެމްބަރު ކަމަށް ކުރިމަތިލުމުގެ ފުރުސަތު ހުޅުވާލިކަން ހަމައެކަނި ސަރުކާރުގެ ގެޒެޓްގައި އިއުލާން ކުރާ ގޮތަށް ވެސް އުސޫލަށް ވަނީ ބަދަލު ގެނެސްފަ އެވެ. ކުރިން އޮންނަ ގޮތުން އެކަން އިއުލާން ކުރަންޖެހޭނީ ދައުލަތުގެ މީޑިއާ މެދުވެރިކޮށެވެ.
މިފަހަރުގެ މީޑިއާ ކައުންސިލް އިންތިޚާބާ ގުޅިގެން ހުށަހެޅި ޝަކުވާތަކާ ގުޅިގެން އިންތިޚާބު ފަސް ކުރުމަށް ފަހު އަންނަ ހޯމަ ދުވަހު އިންތިޚާބު ބާއްވަން މިހާރު ވަނީ ނިންމައިފަ އެވެ. އެކަމަކު އަލުން ރެޖިސްޓްރީ ކުރުމުގެ ފުރުސަތު ނުދޭނެ ކަމަށް ހޯމް މިނިސްޓްރީން ބުނެއެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބޫ
05 December 2016
މިހާރު އޮންނާނީ ހޮވަނވާމީހާ ސެލެކްޓް ކޮށް ނިމިފައި ﷲ އިރާދަ ފުޅުން މިހަރ މިއޮތް ބާރުތައް ތިރިވެސް ވާނެ. އެއިރުން ހަމަބިމަށް ތިރިވާނެ
ފެ
05 December 2016
ކިޔަވާނެކަމެއްނެތް އެއީމޮޔަކަމެއް
GAN Island
05 December 2016
ހޯމް މިނިސްޓްރީން އެބަޖެހޭ ރާއްޖޭގެ ސިއްޙީ ދާއިރާ އާއި ސިވިލް އޭވިއޭޝަން ދާއިރާ އަދި ދީނީ ޟޭހް ކަމާއި އެކައުންޓިންގ ގެ ދާއިރާ އަށް ވެސް ތިޔަފަދަ ގޮތަކަށް ކަޑައަޅަން. އެގޮތުން ރާއްޖޭގެ ހޮސްޕިޓަލް ތަކުގައި މިހާރު ތިއްބެވި Nurse Midwife Program އެއް ނުވަތަ ކޯހެއްގައި ހަމަ އެކަނި ފައިސާ ދައްކާ ބައިވެރިވެފައި ތިބި ނަރުހުން ނަކީ ވެސް Medical Doctor ނުވަތަ Surgeon އަދި ފިޒިޝަން ގެ ޒިންމާ ތަކާއި އެއްފެންވަރު ބައެއް ކަމަށް ހަމަޖެއްސިދާނެ. . . އަދި ސަތަރި ދޯނި ދުއްވުމުގެ ތަޖުރިބާ އާއި އެކު ޑްރޯން ދުއްވާ ފަރިތަކަމާއި އެކު ގައި ކޮންޕިއުޓަރ ގޭމް ކުޅެއުޅެވޭ ބިރުކުޑަމީހެއްނަމަ Commercial pilot license އެފަދަ މީހުންނަށް ދޫކުރެވިދާނެ ކަމަށް ވެސް ނިންމި ދާނެ. . . . އިސްލާމް ދީނުގެ ގިނަ ހުކުމް ރަކާއި ދީން އނުވަތަ އުޅެންވީގޮތް އަރަބިބަސް ނޭގިގެން ކުރިން ޝޭހަކަށް ނުވެވިފައި ހުއްޓަސް މިހާރު މިހުރިހާ އެއްޗެއް އިޤިރޭސިބަހަށް ތަރުޖަމާކޮށް އަރަބި ބަހަށް ވުރެ ގިނަ މައުލޫމާތާއި ރެފަރެންސް އިޤިރޭސި ބަހުން ލިބެން ހުންނާތީ ''ރަނގަޅަށް އިޤިރޭސި ބަސް އިކޭ ގޫގަލް ސާރޗްކޮށް ވިކިޕީޑިޔާ ގައި ހުންނަ މައުލޫމާތު އެއްގޮތްކޮށް ވާހަކަ ދައްކަން އިގޭ މީހުންނަކީ ހަމަ ޝޭޙުން ފަދަ ބައެއް'' ކަމަށް ވެސް ފަތުވާ ނެރެވިދާނެ. . . . 1+1 އެއީ 2 ކަމަށް އާދައިގެ މީހަކަށް ހީވިޔަސް އެއީ ''އަސްލު ދޭއް ނޫން'' ކަން އިގޭނީ ރާއްޖޭގައި ހިސާބު ބަލަހައްޓާ މީހުންނަށް. . . . އޮޓިޓަރ ޖެނަރަލް ގެ އޮފީހަށާއި އެންޓިކޮރަޕްޝަން ކޮމިޝަން އޮފް މޯލްޑިވްސް އަށް ދިމާވެފައިވާ ''އަސްލު މުވައްޒިފުންގެ މައްސަލަ'' ހައްލުކުރުމާއި އެކު MMPRC Corruption ފަދަ ހިޔާނާތުގެ މައްސަލަތައް ''ފެންމަތި ނުވާޏެ ގޮތަށް ހިސާބް ބަލަހައްޓާނެ މީހުން ހޯދުމަށް'' ވެސް ފަސޭހަ މިންގަނޑު ތަކެއް އެކުލަވާލަން ޖެހޭ.
ޚަޠީބު
05 December 2016
ހޮވަން ބޭނުންވާ ކޮންމެވެސް މީހަކު ކަޓާތީ ގޮތެއް ހަދާލީކަމަށް ބޮޑަށް ބެލެވެނީ.