އަވަހާރަކޮށްލި ޔޫކޭ ޕާލަމެންޓް މެންބަރު ޑޭވިޑް. --ފޮޓޯ:ބީބީސީ
16 އޮކްޓޯބަރ 2021 - 13:04
7 comments
ލަންޑަން (އޮކްޓޯބަރު 16) - އިނގިރޭސި ޕާލަމެންޓުގެ ކޮންޒަވެޓިވް މެންބަރު ސާ ޑޭވިޑް އެމެސް އަވަހާރަކޮށްލާފައި ވަނީ ޓެރަރިސްޓް ހަމަލާއެއްގައި ކަމަށާއި އެ ހާދިސާ އިސްލާމީ ހަރުކަށި ފިކުރާ ގުޅުވައިފި އެވެ.
ވަޅިން ހަމަލާދީ ޑޭވިޑް އަވަހާރަކޮށްލާފައި ވަނީ އޭނާގެ ދާއިރާގެ މެންބަރުންނާ ވަކިވަކިން ބައްދަލުވުންތަކެއް ބާއްވަމުން ދަނިކޮށެވެ. ޑޭވިޑަށް ދިން ހަމަލާއާ ގުޅިގެން އެ ސަރަހައްދުން ވަނީ 25 އަހަރުގެ ފިރިހެނަކު ހައްޔަރުކޮށްފަ އެވެ.
މެޓްރޯޕޮލިޓަން ޕޮލިސް އިން ބުނީ ހައްޔަރުކޮށްފައި ވަނީ ސޯމާލިއާ ދަރިކޮޅުގެ އިނގިރޭސި ރައްޔިތެއް ކަމަށެވެ. މެޓުން ބުނީ ތަހުގުގައި ވަނީ ލަންޑަން ސަރަހައްދުގެ ދެ ގެއެއް ބަލައި ފާސްކޮށްފައި ކަމަށެވެ. ތަހުގީގުގައި އިސްކޮށް ހަރަކާތްތެރި ވަނީ ކައުންޓަ ޓެރަރިޒަމް ފުލުހުންނެވެ.
ސައުތުއެންޑް ވެސްޓް ތަމްސީލް ކުރައްވާ ޑޭވިޑް، 69، ދާއިރާގެ މީހުންނާ ބައްދަލު ކުރަން ބޭއްވި ބައްދަލުވުމުގައި ކޮންމެ މީހަކަށް ވެސް މައްސަލަތައް ހުށަހަޅައި ބަހުސް ކުރެވެ އެވެ.
ޑޭވިޑް، 69، ގެންދަވަނީ 1983 ވަނަ އަހަރުން ފެށިގެން ޕާލަމެންޓުގެ މެންބަރުކަން ކުރައްވަމުންނެވެ. އަދި މިހާރު ވެސް ކައިވެނި ބައްލަވައިގެން އުޅުއްވާ ޑޭވިޑަށް ފަސް ބޭފުޅުން ލިބިވަޑައިގެންފައިވެ އެވެ.
ޑޭވިޑަކީ ވޭތުވެދިޔަ ފަސް އަހަރު ތެރޭ އިނގިރޭސިވިލާތުގައި އަވަހާރަކޮށްލި ޕާލަމެންޓުގެ ދެ ވަނަ މެންބަރެވެ. ލޭބާ ޕާޓީގެ ޕާލަމެންޓުގެ މެންބަރެއް ކަމަށްވާ ޖޯ ކޮކްސް ވަނީ 2016 ވަނަ އަހަރު އަވަހާރަކޮށްލައިފަ އެވެ. ކޮކްސް ވެސް އަވަހާރަކޮށްލާފައި ވަނީ ދާއިރާގެ މެންބަރުންނާ ބައްދަލު ކުރައްވަނިކޮށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުދުހޭ
16 October 2021
މީ މިގައުމުގަ ހިނގި ކަމެއްނަމަ މިހާރު ހުރިހާ މެންބަރުން ފަށައިގެން ތިބޭނީ ދުވެދުވެ ތިބޭ ފުލުހުންނާއި ސިފައިން. އަދި އެމީހުން ނިދިކުރައްވާނީ 5 ތަރީގެ ހޮޓަލުގަ.
އެލް ޕަނީނޯ
16 October 2021
މެކްސިކޯ ކާޓެލް ތަކުގަ އުޅޭ މީހުން ހަރުކަށި ފިކުރު ތެރޭ ނުހިމެނޭތަ؟
ކކކކ
16 October 2021
ތިކަންދަނީ ކުރިޔައް، ލޭއޮހުރުވުން ދައްކައިދޭ ގޯރ ފޮޓޯތައް އެއޮތީ މުޅި ސޯޝަލްމީޑިޔާގަ، އެބަލާފަ ދެންނިކުންނަނީ ޓެރެރިޒަމްގެ އަމަލު ހިންގަން
ޙިނި
16 October 2021
ޜެފިއުޖީންނާ އެބަޔެއްގެ ސަގާފަތާ ތަފާތު މީިިހުުން ވަޒަންވެރިވާން ގައުމުތަކައް ނައަރުވަންވީ މިހެންވީމަ.
ލިކުއިޑު
16 October 2021
"ސޯމާލިއާ ދަރިކޮޅުގެ އިނގިރޭސި ރައްޔިތެއް"... އެއީ އެހެންވވީމަ އިނގިރޭސިއެއްތާ. އިނގިރޭސިންގެ ގާނޫނުގަ އެރަށު ރައްޔިތުން އޮންނަނީ ދަރިދަރިކޮޅަށް ބަހާފަތަ. އިނގިރޭސިއަކު އިނގިރޭސިއަކު މަރައިގެން ތިއުޅެނީ، ސޯމާލިއާ ބުރުންޑީއޭ ކިޔައިގެން ޕުރޮޕެގެންޑާ ފަތުރަނީ އިނގިރޭސި ސްޓޭޓް ޕުރުޕެގެންޑާ ޓީވީ ބީބީސީ ކަހަލަ ތަންތަނުން.
ޓިކްޓޮކް
16 October 2021
ލިޔުންތެރިޔާ އެއިޝާރަތް ކުރާ “އިސްލާމީ ހަރުކަށި ފިކުރު” ކިޔާ ފިކުރެއް ނޯވޭ. އޮންނަނީ ހައްދުފަހަނަ އެޅުމުގެ ފިކުރު.. އޭގެ އަނެއްކޮޅަކީ، ލާދީނީ ފިކުރު…!
ހަސަންބޭ
16 October 2021
އިސްލާމްދީނުގެ ނަމުގައި ، ނިވާފަތްގަނޑަކަށް ދީން ހަދައިގެން އުޅޭތީ، އެހެން އެއްޗެއްސާއި ވަކިކުރަން ކިޔާ ނަމެއް އެއީ. އެއީ ކޮންމެހެން 'ބާވައިލެއްވި' ދީން ހަރުކަށި ވާހަކައެއް ނޫން.