ސ. ހިތަދޫގައި ހަދާފައިވާ ގެސްޓްހައުސްއެއް: ޓީޖީއެސްޓީ ދައްކަން ޖެހޭނީ ޓޫރިޒަމް މިނިސްޓްރީގެ ލައިސަންސް ލިބިފައިވާ ތަންތަނުން.
05 ޑިސެމްބަރ 2016 - 18:25
3 comments
ޓޫރިޒަމް ދާއިރާގެ ޖީއެސްޓީގެ ބޭނުމަށް ޓޫރިސްޓް ހޮޓަލެއް ނުވަތަ ގެސްޓްހައުސްއެއްގެ ސަރަހައްދު ކަނޑައެޅުމުގައި ބަލާނީ ޓޫރިޒަމް މިނިސްޓްރީން ދޫކޮށްފައިވާ އޮޕަރޭޓިން ލައިސަންސް ނުވަތަ އެހެން ލިޔުމަކަށް ކަމަށް މީރާ އިން މިއަދު ބުނެފި އެވެ.
އަންނަ މަހުގެ އެއްވަނަ ދުވަހުން ފެށިގެން އަމަލު ކުރާ ގޮތަށް ހަމަޖައްސައި، ދައުލަތުގެ ޓެކްސް އިދާރާ އިން ނެރެފައިވާ ޓެކްސް ރޫލިންއެއްގައި ވާ ގޮތުން ޓޫރިސްޓް ހޮޓަލެއް ނުވަތަ ގެސްޓްހައުސްއެއްގެ ސަރަހައްދުގެ ތެރޭގައި ހިންގާ ތަނަކުން ވިއްކާ މުދަލާއި ދޭ ހިދުމަތް ހިމެނޭނީ ޓޫރިޒަމް ދާއިރާގެ ޖީއެސްޓީގެ ތެރޭގަ އެވެ. އަދި އެ ސަރަހައްދުން ބޭރުގައި ހިންގާ ތަންތަނުން ވިއްކާ މުދަލާއި ދޭ ހިދުމަތްތައް ޓޫރިޒަމް ދާއިރާގެ ޖީއެސްޓީގެ ތެރޭގައި ނުހިމެނޭނެ ކަމަށް އެ ރޫލިންގައި ބުނެފައިވެ އެވެ.
ޓޫރިޒަމް ދާއިރާގެ ޖީއެސްޓީގެ ގޮތުގައި މިހާރު ނަގަނީ 12 ޕަސެންޓެވެ. އަދި ޓެކްސް ދައްކަން ޖެހެނީ އެމެރިކާ ޑޮލަރުންނެވެ. ނަމަވެސް އާއްމު ދާއިރާގެ ޖީއެސްޓީގެ ގޮތުގައި ނަގަނީ ހަ ޕަސެންޓެވެ. އަދި އެ ޓެކްސް ދައްކަން ޖެހެނީ ރުފިޔާއިންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަރ
06 December 2016
ދެން ގެސްޓް ހައުސްއަށްދާ ދިވެހި މީހާއަތުންވެސް ޓީޖީއެސްޓީ ނަގާނެދޯ؟
ޑާއޫދު
06 December 2016
ޜިސޯޓުތަކުގެ ބިދޭސީ މުއައްޒަފުންނަށް ކާންދޭން ރިސޯޓު ތަކުން އިންޕޯޓުކުރާ ފިޔާ އަލުވި ބިސް ތަރުކާރީ އަށް ޖީއެސްޓީ ދައްކަން ނުޖެހޭ ނަމަވެސް ރަށުމީހާ ގެ ގެސްޓު ހައުސް ލޭބަރުންނަށް ތަކެތި ގަނެވެނީ އިމްޕޯޓު ޑިއުޓީގެ އިތުރަށް ޖީސްޓީ ކަންނަތީ ފިހާރައަށް ދައްކާފަ. ކޮބާތޯ ސަރުކާރު ގެ އިންސާފު.
GAN Island
05 December 2016
ރާއްޖޭގައި ހިންގާ ހުރިހާ ރިސޯޓް ތަކަށް ކަހަލަ ގޮތަކަށް ވަނީ Import and Export Licenses ދޫކޮށްފައި. . . މީގެ ނަތީޖާ އަށް ވިސްނާއިރު މިއީ ޓެކްސް ގެ ފުރިހަމަ ނިޒާމާއި ފުށުއަރާ ދައުލަތަށް ލިބޭންޖެހޭ Revenue އެއް ގެއްލިގެން ދާނެ ކަމެއް. . . މިދަރު ހުޅުވިފައިވާތީ ގިނަ ރިސޯޓް ތަކުން އެތަންތަނަށް ބޭނުންވާ ކާބޯ ތަކެއްޗާއި އެހެނިހެން ސާމާނު އަމިއްލައަށް އެތެރެ ކުރުމުން ކާބޯ ތަކެތި ރިސޯޓް ތަކަށް ސީދާ އެތެރެ ކުރުމުގެ ސަބަބުން ވިޔަފާރި ކުރާ ތަންތަނުން ލިބޭން ޖެހޭ ގީއެސްޓީ ގެއްލޭނެ. . . އަދި ދިވެހިންނަށް ލުއިކޮށްދިނުމަށް ކާބޯތަކެތިން ޑިއުޓީ ނެގުން ހުއްޓާލާފައިވާތީ ރިސޯޓް ތަކަށް ސީދާ ކާބޯ ތަކެއްޗާއި އެހެނިހެން މުދާ ރިސޯޓް ގެ ނަމުގައި އެތެރެ ކުރުމަކީ ނާޖާއިޒު ފައިދާ އެއް. އަދި މުދާ އެތެރެކޮށް ވިއްކާ ވިޔަފާރިވެރިންނަށް ލިބޭނެ ވަރަށް ބޮޑޫ ގެއްލުމެއް.