ހައި ކޯޓް: ފުލުހުންގެ އޮފިސަރުން ވަކިކުރުމުގެ މައްސަލަ ވަނީ ހައި ކޯޓަށް ހުށަހަޅާފައި. -- ފޮޓޯ: މިހާރު
18 އޮކްޓޯބަރ 2021 - 13:34
5 comments
ޕޮލިސް ބޯޑުގެ ލަފާގެ މަތިން ފުލުހުންގެ ވަޒީފާއިން ވަކިކުރަން ނިންމާފައިވާ ފުލުހުންގެ އިސް އޮފިސަރުން ވަޒީފާއިން ވަކިކުރުން މަޑުޖައްސާލެވެން ނެތް ކަމަށް ސިވިލް ކޯޓުން ނިންމުމުން އެ އޮފިސަރުންގެ ފަރާތުން އެ މައްސަލަ ހައި ކޯޓުގައި އިސްތިއުނާފް ކޮޮށްފި އެވެ.
ފުލުހުންގެ ގާނޫނުގެ ދަށުން ޕޮލިސް ބޯޑުން ދިން ލަފައާ އެކު، ފުލުހުންގެ ވަޒީފާއިން ހަތް އޮފިސަރަކު ވަކިކުރަން ނިންމުމުން އޭގެ ތެރެއިން ފަސް އޮފިސަރަކު ވަނީ އެ މައްސަލަ ސިވިލް ކޯޓަށް ހުށަހަޅައިފަ އެވެ. އެއީ އެސިސްޓެންޓް ކޮމިޝަނާ އޮފް ޕޮލިސް މުހައްމަދު ޖަމްޝީދާއި އެސިސްޓެންޓް ކޮމިޝަނާ އޮފް ޕޮލިސް އަހުމަދު މުހައްމަދާއި ޗީފް ސުޕްރިޓެންޑެންޓް އޮފް ޕޮލިސް އަބްދުﷲ ޝަރީފްގެ އިތުރުން ސުޕްރިޓެންޑެންޓް އޮފް ޕޮލިސް މުހައްމަދު ދާއޫދު އަދި ސުޕްރިޓެންޑެންޓް އޮފް ޕޮލިސް އިސްމާއިލް ޝަމީމެވެ.
އެ މައްސަލަ ސިވިލް ކޯޓުން ނިމެންދެން އެ މީހުން ވަޒީފާއިން ވަކިކުރުން ފަސްކުރުމުގެ ވަގުތީ އަމުރަކަށް އެ މީހުންގެ ފަރާތުން އެދުނަސް، އެ ކޯޓުން މިދިޔަ ހަފުތާގައި ނިންމީ އެފަދަ އަމުރެއް ނެރެދެވެން ނެތް ކަމަށެވެ.
އެ ނިންމުން އެ މީހުންގެ ފަރާތުން ހައި ކޯޓުގައި އިސްތިއުނާފް ކުރުމުން އެ މައްސަލާގެ ޝަރީއަތް މާދަމާ ފަށަން ހައި ކޯޓުން ވަނީ ހަމަޖައްސައިފަ އެވެ.
އެ އޮފިސަރުން ވަކިކުރުން މަޑުޖައްސާލުމުގެ އަމުރު ނެރެ ނުދޭން ސިވިލް ކޯޓުން ނިންމިއިރު، އެ ކޯޓުން ވަނީ އެ މައްސަލާގެ ޝަރީއަތް ވެސް ސިއްރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދުން999
18 October 2021
މީބޯބުރާތި ވެފައި ތިބި އޮފިސަރުންތަކެއްބާ؟ އެމީހަކު ގާނޫނާ ހިލާފަށް ކަމެއްކުރިނަމަ އެކަމުގެ އުގޫބާތް އެމީަކަށް ލިބެންވާނެ. މި އޮފިސަރުން ކަނޑާލަން މާލަސްވެއްޖެެ. އަދިވެސް މިފަދަ މީހަކު ހުރިޔާަ ކަނޑާލާ.
ބެގޯނިއާއައްޔަ
18 October 2021
ޕާޓީގެ ރަޖިސްޓްރީގަނެތަސް ތިބޭކަލުންނަކީ ޕާޓީގެ އެންމެ އިސްސަފުގަ ހަރަކާތްތެރިވާ ބޭފުޅުން ތީގެން ބައެއްބޭފުޅުން ޕާޓީގެ ރައީސްއާއެކު އޭނަ ގޭގަ އޮންނަ ބައްދަލުވުންތަކުގަ ބައިވެރިވޭ
ޖެކް
18 October 2021
ސިވިލް ކޯޓަގައި އޮތް ހިޔާ ފުލެޓްގެ މައްސަލައިގެ އަޕްޑޭޓެއް ލިބޭތޯ ނޫސްވެރިން މަސައްކަތް ކޮށްދީބަލަ! މިއީ އެތައް ސިވިލް ސަރވަންޓުން އިންތިޒާރުކުރާ ބޯހިޔާވަހިކަމުގެ އަސާސީ ހައްގާ ގުޅިފައިވާ މައްސަލައެއް! އޮފިސަރުންނަށް ކާމިޔާބު އެދެން! ރާއްޖޭގަ މިވަތު އޮތް އެންމެ އިންސާފުވެރި ފަނޑިޔާރުން ނިސްބަތުން ގިނައީ ހައި ކޯޓުގައި ކަމުގަ ގިނަ ރައްޔަތުން ގަބޫލުކުރޭ
ޑޮކްޓާރ. ބަނާނާ
18 October 2021
ދިވެހިރާއްޖެއަށް މިކިޔާ ހުޅަގުގެ "ޑިމޮކްރާތީ" ގެނެސް ދޮންވެ ފައްކާވިއިރު މިއަދު ރާްއޖޭއިން މިފެންނަނީ ދުވަހަކުވެސް ދިވެހިރައްޔިތަކަށް ވިސްނުމަށް އެއިރު ގެނޭވޭނެފަދަ މަންޒަރު ތަކެއް ނޫން ކަން ޔަގީން. މިއަދު އަލުގަޑުމެން މިތިބީ ހުރިހާ ގޮތަކުން ބިކަވެ ނިކަމެތިވެ އުފާވެރިކަން ގެއްލިފަ! އެވިދާޅުވާ " ދިމޮކްރާތީ" އިން ވަކި ބަޔަކަށް ފޮނި މީރުކަން ލިބުނު އިރު ނިކަމެތި ދިވެހި ރައްޔިތު މީހާ ކަރުތެރޭގައި ލަނީ ހިތި ހަބަރުގެ ރަހަ އިގޭތޯ؟
ޑަންޑަނާސް
18 October 2021
މިތާ ސަލާމަތުން ކޮމެންޓް ކުރެވެނީވެސް ތިބުނާ ޑިމޮކްރެސީ އަައިމާ. ހިތިރަހަލަޔޭވެސް ބުނެވެނީ އެޔާހެދި. އެހެންނޫންނަމަ އެހެންބުނެގެންވެސް އޮންނާނީ ޖަލުގަ.