އަމުރާ އެކު އޮފިސަރުން މިވަގުތަށް ސަލާމަތްވެއްޖެ

ފުލުހުންގެ ވަޒީފާއިން ވަކިކުރަން ނިންމި ހަތް އޮފިސަރުން: އޭގެ ތެރެއިން ތިން އޮފިސަރަކު ވަކިކުރުމުގެ ނިންމުމަށް އަމަލުކުރުން ހައި ކޯޓުން ވަނީ ހުއްޓުވާފައި. -- ފޮޓޯ: މިހުސާން އަބްދުލްޣަނީ (މޮހޯ)

24 އޮކްޓޯބަރ 2021 - 12:55

4 comments

ޕޮލިސް ބޯޑުގެ ނިންމުން ތަންފީޒުކުރަން ވަޒީފާ އިން ވަކިކުރަން ނޯޓިސް ފޮނުވި ހަތަރު އޮފިސަރަކު ސިވިލް ކޯޓުގެ އަމުރާ ހެދި މިވަގުތަށް ސަލާމަތްވެއްޖެ އެވެ.

ފުލުހުންގެ ހިދުމަތުގެ އާ ގާނޫނާ އެކު ބޯޑުން ނިންމީ ހަތް އޮފިސަރަކު އެއްފަރާތް ކުރާށެވެ. މިއީ ބޭއިންސާފެއް ކަމަށް ބުނެ އޮފިސަރުން ކޯޓަށް ހުށަހެޅި މައްސަލައިގައި މިދިޔަ ހަފުތާގައި އަމުރު އައީ އޮފިސަރުން ވަކިކުރި ނިންމުމަށް އަމަލުކުރުން ފަސްކުރުމަށެވެ.

އޭރު ދެ އެސިސްޓެންޓް ކޮމިޝަނަރުން ކަަމަށްވާ މުހައްމަދު ޖަމްޝީދާއި އަހްމަދު މުހައްމަދު (ޓޫފޯ) ވަޒީފާ އިން ވަކިކޮށް ހަތަރު އޮފިސަރަކު މި މަހު 20ގައި ވަކިކުރަން އޮތީ ނޯޓިސް ދީފަ އެވެ. މީގެތެރެއިން އެކަކު ކޯޓަށް މައްސަލަ ހުށަނާޅަ އެވެ.

ކޯޓުގައި ފަސް އޮފިސަރަކު ތަމްސީލްކުރައްވާ ދިވެހި ޗެމްބާސްގެ ލޯޔަރުންނާ އެކު މި މައްސަލައިގައި މަސައްކަތްކުރައްވާ އަލީ ސައީދު ވިދާޅުވީ އަމުރާ އެކު އޮފިސަރުން ވަކިކުރި ކަމުގެ ނޯޓިސް ނުފޮނުވާ ކަަމަށެވެ. އެހެންކަމުން، ޗީފް ސުޕްރިންޓެންޑެންޓް އަބްދުﷲ ޝަރީފް އާއި ސުޕްރިންޓެންޑެންޓް މުހައްމަދު ދާއޫދުގެ އިތުރުން ސުޕްރިންޓެންޑެންޓް އިސްމާއިލް ޝަމީމް އަދި ފުލުހުންގެ ވަޒީފާ އިން ވަތްކެއް ނުވެ އެވެ.

މި އޮފިސަރުންގެ އިތުރުން ދެން ނޯޓިސް ހަވާލުކުރީ އެސިސްޓެންޓް ކޮމިޝަނަރު ފަރުހާދު ފިކުރީއާ އެވެ.

ހައި ކޯޓަށް އޮފިސަރުންގެ ފަރާތުން މައްސަލަ ހުށަހެޅީ ފުލުހުންގެ މުއައްސަސާގައި ހިދުމަތްކުރުމުގައި ދިގު މާޒީއެއް އޮތް އެ އޮފިސަރުން ވަކިކުރަން ނިންމުމުގައި ބޭއިންސާފު ކަންކަން ހިނގާފައިވާ ކަމަށް ތުހުމަތުކޮށެވެ. ދިފާއުގައި ބަސްބުނުމަށާއި ޖަވާބުދާރީވާން ފުރުސަތު ނުދީ ކަންކޮށްފައިވާ ގޮތުން އޮފިސަރުންގެ ދުސްތޫރީ އަދި ގާނޫނީ ހައްގުތަކެއް ގެއްލިފައިވާ ކަމަށް ވެސް އޮފިސަރުން ވިދާޅުވެ އެވެ.

Police board ge ninmun: Officerun dhekenee target eh kamah

The most trusted news source in the Maldives

Mihaaru

އޮފިސަރުން ވަކިކުރަން ނިންމައި ޕޮލިސް ބޯޑުން ނެރުނު ބަޔާނުގައި ބުނެފައި އޮތީ، ޕޮލިސް ކޮމިޝަނަރު ފިޔަވައި ސުޕްރިންޓެންޑެންޓުން ފެށިގެން މަތީ ރޭންކްތަކުގެ އޮފިސަރުން، ފުލުހަކަށް ވީތީ އެ މީހުންނަށް ލިބިދީފައިވާ ބާރާއި އިހްތިޔާރު ނަހަމަ ގޮތުގައި ބޭނުންކޮށްފައިވޭތޯ ބަލާފައިވާ ކަމަށެވެ. ލާއިންސާނީ އަނިޔާވެރި އަމަލެއް އަދި ކޮރަޕްޝަންގެ އަމަލެއް ހިންގާފައިވާ ކަމަށް ތުހުމަތު ކުރެވޭ މައްސަލަތަކާ ގުޅިގެން ބަލަން ޖެހޭ ކަންކަން ވެސް ބެލި ކަމަށެވެ. އެކަމަކު އޮފިސަރުން ދެކެވަޑައިގަންނަވާ ގޮތުގައި ގާނޫނެއް ހެދީ އަދި ބޯޑުގެ ނިންމުން އައީ ވެސް ވަކި އޮފިސަރުންތަކަކަށް ޓާގެޓްކޮށްގެންނެވެ. އާ ގާނޫނުގެ ކުރިން ވެސް ފުލުހުންގެ ހިދުމަތުގައި އިދާރީ ފިޔަވަޅު އެޅޭ ކަމަށާއި ގާނޫނު ފަހުން ހަދައި ވަކި އޮފިސަރުންތަކެއްގެ މައްސަލަ ބެލުމަކީ އިންސާފެއް ނޫން ކަމަށް އެ އޮފިސަރުން ވިދާޅުވެ އެވެ.

ފުލުހުން ހޯމްލޭންޑް ސެކިއުރިޓީ މިނިސްޓްރީ ސިވިލް ކޯޓް

4 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަހަލްދީބު

24 October 2021

ފުލުހުންގެ މުއައްސަސާގައި ހިދުމަތްކުރުމުގައި ދިގު މާޒީއެއް އޮތުމަކީ ވަޒީފާއިން ވަކިކުރުން މަޑު ޖައްސާލަންޖެހޭ ކަމެއް ނޫންކަންނޭގެ! 40-30 އަހަރު ހިދުމަތްކޮށްފަވެސް ކިތަންމެ ބޮޑު ގޯހެއްވެސް ހަދާފާނެހަމަ! ނޫނީ ތިޔަމީހުންގެ ސަބަބަނުން ކިތައް ފުލުހުންގެ ހައްގު ގެއްލިފަ އޮވެދާނެބާ؟