މީގެ ކުރިން ބޭއްވި ރަސްމިއްޔާތެއްގައި ޖެންޑާ މިނިސްޓަރު ޒެނީޝާ ބައިވެރިވެވަޑައިގަންނަވަނީ.-- ފޮޓޯ: ނިޝާން އަލީ/ މިހާރު
28 އޮކްޓޯބަރ 2021 - 13:36
10 comments
ވިލިމާލޭގައި ހުންނަ ކުޑަކުދިންގެ ހިޔާއާ ގުޅޭ މައްސަލައެއްގައި ކުރީގެ ޖެންޑާ މިނިސްޓަރު ޒެނީޝާ ޝަހީދު ޒަކީއަށް ދައުވާ ކޮށްދިނުމަށް އެދި ޕްރޮސެކިއުޓާ ޖެނެރަލް (ޕީޖީ) އޮފީހަށް ފޮނުވައިފި އެވެ. ނަމަވެސް އޭނާގެ މައްޗަށް ދައުވާ ކޮށްދޭން އެދުނީ ސީދާ ކޮން ކަމަކާ ގުޅިގެން ކަމެއް ކަމާ ގުޅޭ އެއްވެސް އިދާރާއަކުން ސާފުކޮށެއް ނުދިނެވެ.
ޕީޖީ އޮފީހުގެ މީޑިއާ އޮފިޝަލް އަދި ޕަބްލިކް ޕްރޮސެކިއުޓާ އަހުމަދު ޝަފީއު "މިހާރު" އަށް މިއަދު ވިދާޅުވީ، ހިއުމަން ރައިޓްސް ކޮމިޝަން (އެޗްއާރުސީއެމް) އިން ތަހުގީގު ކުރި މައްސަލައެއްގައި ޖެންޑާ މިނިސްޓްރީ އާއި ފުލުހުންނާއި ދައުލަތުގެ ކަމާގުޅޭ ބައެއް މުއައްސަސާތަކުގެ މުވައްޒަފުން އަދި އިސްވެރިންނަށް ދައުވާ ކޮށްދިނުމަށް އެދި އެ ކޮމިޝަނުން ހުށަހަޅާފައިވާ ކަމަށެވެ.
އެ މައްސަލައިގައި އިހުމާލުވި ކަމަށް އެޗްއާރުސީއެމުން ތުހުމަތު ކުރެވޭ ގިނަ ބަޔަކު އެބަތިބި ކަމަށް އޭނާ ވިދާޅުވި ނަމަވެސް އޭގެ ތަފުސީލެއް ނުދެއްވަ އެވެ. އެކަމަކު އެނގިފައިވާ ގޮތުގައި ކުޑަކުދިންގެ ހިޔާގެ މައްސަލައާ ގުޅޭގޮތުން ދައުވާ ކޮށްދިނުމަށް އެދުނު މީހުންގެ ތެރޭގައި ޒެނީޝާ ހިމެނެ އެވެ.
ޝަފީއު ވިދާޅުވިގޮތުގައި، ދައުވާތަކާ ގުޅޭގޮތުން އެޗްއާރުސީއެމާއެކު މަޝްވަރާ ކުރަމުން އަންނައިރު، އަންނަ ހަފުތާގައި ގޮތެއް ނިންމުމަށް މަސައްކަތް ކުރާނެ އެވެ.
އެކަމާ ގުޅޭގޮތުން އެޗްއާރުސީއެމުން ބުނީ ހިޔާއާ ގުޅުން ހުރި މައްސަަލަތަކެއް ތަހުގީގުކޮށް ދައުވާ ކޮށްދިނުމަށް އެދި ޕީޖީ އޮފީހަށް ފޮނުވާފައިވާ ކަމަށެވެ. އެކަމަކު އިތުރު ތަފުސީލެއް ނުދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލީއާ
29 October 2021
ޒެނީޝާ މިނިސްޓަރަކަށް ވުމުގެ މާކުރިން އާކްގެ ފަރާތުން ކުޑަކުދިންގެ ހިޔާގައި ތިބޭ ކުދިން ނަށް ކޮންމެ ސުކޫލް ބަންދެއްގައި އެމް އެންޑީއެފް އަދި ޕޮލިހާ ގުޅިގެން އެތައް ހަރަކާތް ތަކެއް ކުރިއަގެން ގޮސްދޭ. ކުދިން ނަށް ފަތަން ދަސްކޮށް ދިނުމާ، ބާސްކެޓް ކުޅެން، ސިނަމާ އަށް ފިލްމް ބަލަން ގެންދިއުން ފަދަ އެތައް ކަމެއް ކޮށްދޭ. މިނިސްޓަރަކަށް ވުމުން އެކަންތައް މިނިސްޓްރީގެ ފަރާތުން ކުރިއް ގެއްދޔައީ.
ދުނޔާ
29 October 2021
ދެން ހޮވޭ ސަރުކާރެއްގައި އެޗްއާރުސީއެމުގެ މިހާރުގެ މެންބަރުންނަށް ދައުވާކުރާ މަންޒަރު ފެންނާނެ. ތިޔަ 5 މީހުންނަށް އެތައް ދައުވާއެއް ކުރެވޭނެ ހެކި އެބަހުރި.
އަޖައިބެއް
29 October 2021
މި ނޫނީ ދަޢުވާ ކުރާނެ ކަމެއް ކުރި މިނިސްޓަރަކު ނެތީބާ؟ މިލިއަނުން ދައުލަތުގެ ޚަޒާނާއަށް ޚިޔާނާތްތެެރިވެ، އަމިއްލަ އިހުމާލުން ކުދިން މަރުވެ، މުއައްޒަފުންނަށް ޖިންސީ ގޯނާކޮށް، ދައުލަތުގެ މުދަލުން ވަައްކަންކޮށް، މިލިއަނުން ރިޝްވަތުހިފި މިނިސްޓަރުން ހަައްތާވެސް. ކުރީ ސަރުކާރޭ ކިޔައިގެން އަންހެން މިނިސްޓަރަކަށް ދަޢުވާކޮށްގެން ކޮން މިސާލެއް ދައްކަން މިއުޅެނީ؟ ދައުވާ ކުރަންޖެހޭ މީހުން ތިޔަ ތިބީ މަޤާމުތަކުގަ މިހާރުވެސް.
ބޮޑުމީހާ
28 October 2021
ރަގަޅު ކުޑައެއް ބޮޑެއް ބަލާނެ ކަމެއް ނެތް. ގޯސްކޮށް ކަމެއް ހިގާފަ އޮތިއްޔާ ދައުވާކުރަންވީ. މިނިވަން މުއައްސަސާތަކުގެ ބޭނުމަކީ އެއީ. ދެން އުންސުރު ހަމަކުރާ ޕީޖީ ހަދާނީ ކޯއްޗެއްކަމެއް ނޭގެ
ކޮކޯ
28 October 2021
ކުރީސަރުކާރަށަ ދައުވާ ދައުވާ މިސަރުކާރަށަ ބަދަލު ބަދަލު
އޮޅިގެންނޫޚެ
28 October 2021
ތިދައުވާކުރަން ފޮނުވިމީހާ ކުއްވެރިވާނީ. މާލެ ބޭފުޅުންނާ ދެކޮޅަށް ދައުވާކުރެވޭތަ. އޮޅިގެން ނޫޅެ. ޝަހީދު ޒަކީއަކީ އިއްޒަތްތެރިއެއް. އެމްޑީޕީ އާއިލާއެއް.
އަސްލުހިލާލީ
28 October 2021
ރާއްޖޭ ގިނަ މީހުއްނަކީ ހިލާލީ ދަރިކޮަޅު މީހުން އެހެންވީމަ ތިޔަ ބޭފުޅުވަންތަ ކަމަކީ އޮންނަށްޖެހޭ އެއްޗެނޫން.މަވެސް ތިބޭފުޅާ ވެސް ޝަހީދު ޒަކީވެސް އެއީ އިންޒަތްތެރިން.
ސަސް
28 October 2021
މީނާ ޖެންޑަރ މިނިސްޓްރީ ހިންގީ މީނަގެ ބަޑީސްތައް ގެނެސްގެން! ހުރިހާ ސިވިލް ސަރވަންޓުން ހަވާސާއިން ބޭރުކޮށްގެން! ކަމެއް ހިނގާފަ އޮތްނަމަ ފުރިހަމަ ޒިންމާ ނަގަންޖެހޭނެކަމާދު ޝައްކެއްވެސްނެތް!
ބަދު
28 October 2021
ތިތަން ހަމަ ތިގޮތައް ފެންނާނެ އިބޫސޯލިހް ރައީސް އޮފީހަށާ ތަންތަނައް ހާންދާން މީހުންލައިގެން ވެރިކަން ހިންގި ގޮތް އަދި ހަމަ މިގޮތައް ދައުވާވެސް ކުރާތަން އަންނާނެ.
ޖެކް
28 October 2021
ތިޔަ ދައުވާ ކުރެވޭނެ ކަމާމެދު ޝައްކު! ޒެނީޝާ އަކީ އެމް.ޑީ.ޕީގެ ޝާހީ ޚާންދާނާއި ލާމެހިފައިވާ ފަރާތެއް!