ތިންވަނަ ކުއާޓާގައި އެސްޓީއޯއަށް 2.5 ބިލިއަން ރުފިޔާގެ އާމްދަނީއެއް

އެސްޓީއޯގެ އަހަރީ އާއްމު ޖަލްސާއެއްގައި އެ ކުންފުނީގެ މެނޭޖިން ޑިރެކްޓަރު އަމްރު ތަފާސްހިސާބުތައް ކިޔައިދެނީ-- ފައިލް ފޮޓޯ: މިހާރު

އިދުހާމް ނައީމް، މިހާރު

29 އޮކްޓޯބަރ 2021 - 01:47

4 comments

މިހަަރުގެ ތިުން ވަނަ ކުއާޓާގައި އެސްޓީއޯއަށް އާމްދަނީގެ ގޮތުގައި 2.5 ބިލިއަން ރުފިޔާ ލިބިއްޖެ އެވެ.

އެ ކުންފުނިން ރޭ ނެރުނު ކުއާޓާލީ ރިޕޯޓު ދައްކާގޮތުގައި މިއީ މިދިޔަ އަހަރުގެ ތިންވަނަ ކުއާޓަރާ އަޅާބަލާއިރު އެއް ބިލިއަން ރުފިޔާގެ އިތުރުވުމެކެވެ. މިދިޔަ އަހަރުގެ ތިންވަނަ ކުއާޓާގައި އެ ކުންފުންޏަށް ލިބުނީ 1.56 ބިލިއަން ރުފިޔާ އެވެ.

އެސްޓީއޯއިން ބުނެފައިވާ ގޮތުގައި މިދިޔަ ކުއާޓާގައި ލިބުނު އާމްދަނީ އިތުރުވީ ތެލުގެ ވިޔަފާރިން ލިބުނު އާމްދަނީ އިތުރުވުމުންނެވެ. މިދިޔަ ކުއާޓާގައި ތެލުގެ ވިޔަފާރިން 1.7 ބިލިއަން ރުފިޔާ އެ ކުންފުންޏަށް ވަނީ ލިބިފަ އެވެ. އެހެނިހެން އާމްދަނީގެ ގޮތުގައި އެ ކުންފުންޏަށް ލިބުނީ 771.4 މިލިއަން ރުފިޔާ އެވެ.

މިދިޔަ އަހަރުގެ ތިންވަނަ ކުއާޓަރާ އަޅާބަލާއިރު މިއަހަރުގެ ތިން ވަނަ ކުއާޓާގައިި އެސްޓީއޯއަށް ލިބުނު ފައިދާ ވެސް ވަނީ އިތުރުވެފަ އެވެ. މިދިޔަ އަހަރުގެ ތިންވަނަ ކުއާޓާގައި ސާފު ފައިދާގެ ގޮތުގައި އެ ކުންފުންޏަށް 100.26 މިލިއަން ރުފިޔާ ލިބުނު އިރު މި އަހަރު ލިބުނީ 128.7 މިލިއަން ރުފިޔާ އެވެ.

އާމްދަނީ އާއި ސާފު ފައިދާ އިތުރުވެފައިވާއިރު އެހެން ކުއާޓާތަކާ އަޅާބަލާއިރު އެ ކުންފުނީގެ ހިންގުމުގެ ހަރަދު ވަނީ ފަސް ޕަސެންޓު ދަށްކޮށްފަ އެވެ. މިދިޔަ ކުއާޓާގައި އެ ކުންފުނީގެ ހިންގުމުގެ ހަރަދުގެ ގޮތުގައި ހޭދަ ކޮށްފައިވަނީ 753،463ރ. އެވެ.

އެސްޓީއޯއިން ވަނީ ކޮވިޑް-19ގެ ހާލަތުގައި ވެސް ކުންފުނީގެ މާލީ ނަތީޖާ ރަނގަޅު ކުރުމަށް މުވައްޒަފުން ކުރި މަސައްކަތް ފާހަގަކޮށްފަ އެވެ.

އެސްޓީއޯ މާލީ ބަޔާން

4 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މާކުންބޭ

29 October 2021

ލިބުނު ފައިސާ އިތުރުވި ކަމަށް ދައްކަނީ ތެލުގެ އަގު ބޮޑުވެގެން. އެހެންކަމުން ކޯސްޓް އޮފް ސޭލްސްވެސް ބޮޑުވާނެ އެއީ ކުންފުނި ހިންގުން ރަގަޅުވެ ފައިދާ އިތުރުވާނެކަމެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާކުންބެ

29 October 2021

އެހެންވެ ދޯ ފައިދާ ވެސް އިތުރުވީ؟ ކޮސްބެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

29 October 2021

އެތައްމިލިޔަން ޑޮލަރު ޙަރަދުކޮށްގެން ހުޅުމާލޭގައި ހަދާފައިވާ ހޮޓާ މެނޭޖްމަންޓް ބަޔަކަށް ދީގެން ހިންގޭގޮތް ނުވާނަމަ MACL ހޮޓާ ކުއްޔަށް ދީގެން އެއަރޕޯޓް ހޮޓަލެއްގެ ގޮތުގައި ހިންގާން ޙަވާލު ކޮށްލަންވީ ނޫންތޯ. # ނުވަތަ މާލޭގައި ހުރި އެސްޓީއޯގެ ގުދަންތަކުގައި ހުރިމުދާ ރައްކާކުރާ ތަނަކަށް އެތަން ހަދާފައި މާލޭގައި ހުރި ބިންތަކުގައި ފްލެޓް ގަދާފްލެޓް ވިއްކާންވީ ނޫންތޯ؟ އެފަދަ އިންވެސްޓެއް ވީރާނާވާން ދޫކޮށްލައިގެން ނުވާނެ.