ލޯނު އުސޫލުން ކުޓީނިއޯ އެސްޓަން ވިލާ އަށް

މުހައްމަދު ޒަޔާން ޒާހިރު، މިހާރު

07 ޖެނުއަރީ 2022 - 17:20

ބާމިންހަމް (ޖެނުއަރީ 7) - ސްޕެއިންގެ ބާސެލޯނާއަށް ކުޅެމުން ދިޔަ 29 އަހަރުގެ ބްރެޒިލް ވިންގާ ފިލިޕޭ ކުޓީނިއޯ, ލޯނު އުސޫލުން އިނގިރޭސި ޕްރިމިއާ ލީގުގެ ކުލަބް އެސްޓަން ވިލާ އަށް ބަދަލު ވެއްޖެ އެވެ.

ކުޓީނިއޯ އެސްޓަން ވިލާ އަށް ބަދަލުވީ ލޯނު އުސޫލުން މި ސީޒަނުގެ ނިޔަލަށެވެ. ލިވަޕޫލުުން 2018 ވަނަ އަހަރު ޖެނުއަރީގައި 120 މިލިއަން ޔޫރޯ (146 މިލިއަން ޕައުންޑް) އަށް ބާސެލޯނާ އަށް ބަދަލުވި ކުޓީނިއޯ ވަނީ އެސްޓަން ވިލާގެ މިހާރުގެ ކޯޗު ސްޓީވަން ޖެރާޑާ އެކު ލިވަޕޫލްގައި ކުޅެފަ އެވެ.

ކުޓީނިއޯ ލިވަޕޫލަށް ބަދަލުވީ 2013 ވަނަ އަހަރު ޖެނުއަރީގައި އިޓަލީގެ އިންޓަ މިލާނާ އެކު ތިން ސީޒަން ކުޅެފަ އެވެ. އޭނާ ވަނީ ލީގުގައި ލިވަޕޫލަށް ކުޅެދިން 152 މެޗުން 41 ގޯލު ޖަހައިދީފަ އެވެ.

Haalathu ge faidhaa nagai Aston Villa in Coutinho ah faara lanee

The most trusted news source in the Maldives

Mihaaru

އެސްޓާން ވިލާ އިން ކުޓީނިއޯގެ ސޮއި ހޯދީ އެވަޓަން އާއި އާސެނަލް އަދި ޓޮޓެންހަމްގެ އިތުރުން ނިއުކާސަލް ޔުނައިޓެޑާއި އޭނާ ކުރިން ކުޅުނު ލިވަޕޫލުން ވެސް އޭނާ ހޯދަން މަސައްކަތް ކުރަމުން ދަނިކޮށް ކަމަށް މީޑިއާތައް ބުނެ އެވެ.

އެސްޓަން ވިލާއިން މި ސީޒަނުގެ ނިޔަލަށް ލޯނު އުސޫލުން ކުޓީނިއޯ ގެންދިޔައީ އޭނާގެ މުސާރައިގެ 65 ޕަސެންޓް ދޭގޮތަށް އެއްބަސްވެގެންނެވެ.

ރިޕޯޓްތައް ބުނާ ގޮތުން ކުޓީނިއޯގެ ޑީލް އެސްޓަން ވިލާ އިން ދާއިމީ ކުރެވޭނީ ޖޫން މަހުގެ ކުރިން ބާސެލޯނާ އަށް 40 މިލިއަން ޔޫރޯގެ ޓްރާންސްފާ ފީއެއް ދައްކައިފަ އެވެ.

އެސްޓަން ވިލާއާ ގުޅެން، ކުރިޔަށް އޮތް ދެ ދުވަހުގެ ތެރޭގައި ކުޓީނިއޯ ބާސެލޯނާއިން ބާމިންހަމަށް ދަތުރު ކުރާނެ އެވެ.