އޭޝިއަން ކަޕް ކޮލިފައިން: ރާއްޖޭގެ ދެ ޓީމު ވެސް ސައުދީ އަށް

2019 ވަނަ އަހަރު ބޭއްވި އޭއެފްސީ 23 އަހަރުން ދަށުގެ ޗެމްޕިއަންޝިޕް ކޮލިފައިންގައި ރާއްޖޭން ސައުދީ އަރަބިއްޔާއާ ދެކޮޅަށް ކުޅުނު މެޗުގެ ތެރެއިން. އެފަހަރުގެ ކޮލިފައިން ގުރޫޕް ވެސް ހޯސްޓް ކުރީ ސައުދީ ގައި.-- ފައިލް ފޮޓޯ: އެފްއޭއެމް

މުހައްމަދު ޒަޔާން ޒާހިރު، މިހާރު

25 މެއި 2022 - 10:58

2 comments

އަންނަ އަހަރު ބާއްވަން އޭއެފްސީން ހަމަޖައްސާފައިވާ އޭއެފްސީގެ 17 އަހަރުން ދަށާއި 20 އަހަރުން ދަށުގެ އޭޝިއަން ކަޕްގެ ކޮލިފައިންގެ މެޗުތަކަށް ރާއްޖޭގެ ޒުވާން ދެ ޓީމު ވެސް ސައުދީ އަރަބިއާ އަށް ދާންޖެހިއްޖެ އެވެ.

އަންނަ ސެޕްޓެމްބަރު މަހު ފަށާ 20 އަހަރުން ދަށުގެ މުބާރާތުގެ ކޮލިފައިންގައި ރާއްޖެ ހިމެނެނީ ސައުދީ އަރަބިއްޔާ އާއި ޗައިނާ އަދި މިޔަންމާ އާއި އުޒްބަކިސްތާނާ އެކު ގުރޫޕް އޭގަ އެވެ.

🇺🇿 Uzbekistan beckons as the #AFCU20 Qualifiers take shape!

A chance at glory for our emerging young stars awaits 🤩

📆 10-18 September, 2022

4️⃣4️⃣ teams 1️⃣6️⃣ spots, 1️⃣ trophy, let's go! pic.twitter.com/T7BLaZ3HJr
— #AsianCup2023 (@afcasiancup) May 24, 2022

ފުރަތަމަ މެޗުގައި ރާއްޖޭން ނުކުންނާނީ ގުރޫޕުގައި އެންމެ ދަށްކޮށް ރޭންކްކޮށްފައިވާ އުޒްބަކިސްތާނާ ދެކޮޅަށެވެ. ދެވަނަ މެޗުގައި ސައުދީ އަރަބިއްޔާއާ ދެކޮޅަށް ކުޅުމަށް ފަހު، އެންމެ ފަހު މެޗުގެ ކުރިން ޗައިނާއާ ދެކޮޅަށް ނުކުންނާނެ އެވެ. އަދި ކޮލިފައިން ނިންމާލާނީ މިޔަންމާއާ ދެކޮޅަށް ކުޅުމަށް ފަހު އެވެ.

އޭއެފްސީގެ 17 އަހަރުން ދަށުގެ އޭޝިއަން ކަޕް ކޮލިފައިން ކުޅޭނީ އޮކްޓޯބަރު މަހު އެވެ. ސައުދީ އަރަބިޔާ އަދި މިޔަންމާއާ އެކު ރާއްޖެ ހިމެނެނީ ގުރޫޕް ޑީގަ އެވެ. ފަސް ޓީމު ހިމެނޭ މި ގުރޫޕުގައި ދެން ހިމެނެނީ އިންޑިއާ އާއި ކުވެއިތެވެ. މި ގުރޫޕުގައި އެންމެ ރޭންކް މަތީ ޓީމަކީ އިންޑިއާ އެވެ.

The road to 🇧🇭 Bahrain begins! #AFCU17 Qualifiers is set and we have the groups in place 😃

📆 October 1-9, 2022

4️⃣4️⃣ teams with 1️⃣6️⃣ spots up for grabs, who will fill them? pic.twitter.com/llLazBywL6
— #AsianCup2023 (@afcasiancup) May 24, 2022

މި އުމުރުފުރާގެ ކޮލިފައިންގައި ރާއްޖޭގެ ފުރަތަމަ މެޗުގައި ނުކުންނާނީ ގުރޫޕުގައި އެންމެ ދަށްކޮށް ރޭންކް ކުރެވިފައިވާ ކުވެއިތާ ދެކޮޅަށެވެ. އެއަށް ފަހު އިންޑިއާއާ ވާދަކޮށް، ދެން ނުކުންނާނީ ސައުދީއާ ދެކޮޅަށެވެ. އަދި ފަހު މެޗުގައި ނުކުންނާނީ މިޔަންމާއާ ދެކޮޅަށެވެ.

މިއީ އުމުރުފުރާގެ މުބާރާތްތައް އޭއެފްސީ ޗެމްޕިއަންޝިޕުން އޭއެފްސީ ކަޕަށް ރީބްރޭންޑް ކުރި ފަހުން މި ދެ އުމުރުފުރާގެ މުބާރާތް ވެސް ބާއްވާ ފުރަތަމަ ފަހަރެވެ. ރީބްރޭންޑް ކުރުމަށް ފަހު 23 އަހަރުން ދަށުގެ ފުރަތަމަ މުބާރާތް މި އަހަރުގެ ޖޫން މަހު ކުރިޔަށް ގެންދަން ވަނީ ހަމަޖެހިފަ އެވެ. މިދިޔަ އަހަރު ބޭއްވި ކޮލިފައިންގައި ރާއްޖޭން ވާދަކުރި ނަމަވެސް މުބާރާތަކަށް ނުހޮވެ އެވެ.

U-20 SAFF Championship July mahu India gai, Furathama match gai Raajje aai Nepal

The most trusted news source in the Maldives

Mihaaru

ރާއްޖޭގެ 20 އަހަރުން ދަށުގެ ޓީމު އޭޝިއަން ކަޕް ކޮލިފައިންގައި ސެޕްޓެމްބަރު މަހު ވާދަކުރުމުގެ ކުރިން ޖުލައި މަހު އިންޑިއާގައި ބާއްވާ 20 އަހަރުން ދަށުގެ ސާފް ޗެމްޕިއަންޝިޕުގައި ވާދަކުރާނެ އެވެ. މީގެ އިތުރުން 17 އަހަރުން ދަށުގެ އޭޝިއަން ކަޕް އޮކްޓޯބަރު މަހު ފެށުމުގެ ކުރިން ދެކުނު އޭޝިއާގެ ފުޓުބޯޅަ ފެޑެރޭޝަން (ސާފް) އިން އަންނަނީ 16 އަހަރުން ދަށުގެ ސާފް ޗެމްޕިއަންޝިޕް ސެޕްޓެމްބަރު މަހު ބާއްވަން ތައްޔާރު ވަމުންނެވެ.