މި އަހަރު މާޗު 23 އިން އޭޕްރީލް 3 އަށް ރާއްޖޭގައި ބާއްވަން ހަމަޖެހިފައިވާ 20 އަހަރުން ދަށުގެ ސާފް ޗެމްޕިއަންޝިޕަށް ދިވެހިރާއްޖޭގެ ގައުމީ ސްކޮޑު އެކުލަވާލުމަށް އޯޕަން ސިލެކްޝަނެއް ކުރިއަށް ގެންދަން އެފްއޭއެމުން ނިންމައިފި އެވެ.
އެފްއޭއެމް އިން ހާމަ ކޮށްފައިވާ ގޮތުގައި ސިލެކްޝަން ކުރިއަށް ދާނީ 31 ޖެނުއަރީ 2025ގެ ހަވީރު 15:30 އިން 18:00 އަށް ގަލޮޅު ރަސްމީ ފުޓްބޯޅަ ދަނޑުގަ އެވެ.
ވިހި އަހަރުން ދަށުގެ ގައުމީ ސިލެކްޝަންގައި ބައިވެރިވެވޭނީ، 2007، 2008 އަދި 2009 ގައި އުފަންވެފައިވާ ކުދިންނަށް ކަމަށް އެފްއޭއެމް އިން ހާމަ ކޮށްފައިވެ އެވެ.
ދެކުނު އޭޝިއާގެ އުމުރުފުރާގެ މުބާރާތެއް ރާއްޖޭގައި ފުރަތަމަ ފަހަރަށް ބާއްވަން ތައްޔާރު ވަމުން އަންނަ އިރު، މި މުބާރާތުގައި ރާއްޖެ ލައްވާލީ ނޭޕާލާއި ބޫޓާން އަދި ސްރީ ލަންކާއާ އެކު ގުރޫޕް އޭގަ އެވެ.
ސާފްގެ ހަތް ގައުމު ވާދަކުރާ މުބާރާތުގެ ގުރޫޕް ބީފައި ހިމެނެނީ ބަންގްލަދޭޝް އާއި އިންޑިއާ އަދި ޕާކިސްތާނެވެ.