ގައުމީ ޓީމުގެ ކޯޗް ކޫޕްމަން ---- ފައިލް ފޮޓޯ: އެފްއޭއެމް
23 ޖޫން 2021 - 13:22
12 comments
ވޯލްޑް ކަޕް ކޮލިފިކޭޝަންގައި ރާއްޖެ ކުޅުނު ފަހު މެޗުގައި، ފިލިޕީންސްއާ އެއްވަރު ކުރުމަށް ފަހު ގައުމީ ޓީމުގެ ކޯޗު މާޓިން ކޫޕްމަން ބުނީ، ރަނގަޅަށް ތައްޔާރު ވެވުނުނަމަ ފިލިޕީންސް ބަލި ކުރެވޭނެ ކަމަށެވެ.
ނޮވެމްބަރު 2018 ގައި މެލޭޝިއާއާ ދެކޮޅަށް ކުޅުނު މެޗަށް ފަހު، އޭރުގެ ގައުމީ ކޯޗު ޕީޓާ ޝެގަޓް ބުނެފައި ވަނީ ތައްޔާރުވާން އިތުރު އެއް ދުވަސް ލިބުނު ނަމަވެސް މެޗުން ރަނގަޅު ނަތީޖާއެއް ނެރޭނެ ކަމަށެވެ. އޭގެ ކުރިން މަސައްކަތް ކުރި ކޯޗުން ކަމަށްވާ، ޑަރެންސް ސްޓްވާޓް އާއި ރިކީ ހާބަޓް އަދި ވެލިޒާ ޕޮޕޯފް އާއި އެންޑްރޭސް ކުރުސިއާނީ އާއި އިސްތަވާން އުރުބާނީ އަށް ވެސް ރާއްޖޭގެ ކޯޗުކަމުގައި ހުރެ އެންމެ ފަސޭހަ ޖަވަބަށް ވަނީ ބަހަނާގެ ލަފުޒުތަކެކެވެ.
ކޮލިފިކޭޝަން ފެށި ފަހުން ވެސް ކޯޗު ކޫޕްމަން ދެއްކި އެއް ވާހަކައަކީ ޕްރެކްޓިސް ކުރާނެ ދަނޑެއް ނުލިބި ހޮޓަލުގެ ބޯލް ރޫމެއްގައި ޕްރެކްޓިސް ކުރަން ނުވަ ދުވަސް ހޭދަ ކުރަން ޖެހުނު ވާހަކަ އެވެ.
ކްލަބު އީގަލްސްގެ ކޯޗު ޝާޒްލީ މުހައްމަދު (ޝާޒް) ބުނީ، ބަހަނާ ދެއްކުން ހުއްޓާލާފައި އަސްލު މައްސަލަ އަށް އެޑްރެސް ކުރަން ޖެހޭ ކަމަށެވެ. އޭނާ ބުނިގޮތުގައި މައްސަލަ އަށް އެޑްރެސް ނުކޮށް މުބާރާތަށް ތައްޔާރުވާން ގައުމީ ޓީމަށް އެއް އަހަރު ދިނަސް ގައުމީ ޓީމު ވަރުގަދަ ނުވާނެ އެވެ.
ޝާޒް: އަސްލު މައްސަލަ އަށް އެޑްރެސް ކުރަން ބުނި.
އޭނާ ބުނީ ހުރިހާ ޓީމެއް ވެސް އުޅެނީ ޕެންޑެމިކެއްގެ ތެރޭގައި ކަމަށާއި އެ ގޮތަށް އުޅޭ އިރު އެކަމުގެ އަސަރު ކުޑަ ކުރެވޭނެ ގޮތަކަށް ރާއްޖެއިން ވެސް މަސައްކަތް ކުރަން ޖެހޭނެ ކަމަށެވެ. އޭނާ ބުނީ، އޭއެފްސީ ކަޕްގައި ބެންގަލޫރާ ދެކޮޅަށް ކުޅެން ތައްޔާރުވާ އިރު އީގަލްސް އަށް ވެސް އުނދަގޫ ތަކެއް އެބަހުރި ކަމަށެވެ. ހަމަ އެ އުނދަގޫ ބެންގަލޫރަށް ވެސް ހުންނާނެ ކަމަށް އޭނާ ބުންޏެވެ.
"ހުރިހާ އެކްސްކިއުޒެއް ދައްކާފައި މިސާލަކަށް މޮޅުވި ނަމަ، އެއީ ދެން އީގަލްސް ޓީމު މޮޅުވެގެން ނޫނީ އަޅުގަނޑު މޮޅު ވެގެން ވީ ކަމެއް ނޫންތާ. އެ ހުރިހާ އެކްސްކިއުޒަކާ އެކު މޮޅުވެގެން ނުކުމެއްޖެއްޔާ ދެން އަޅުގަނޑުގެ މޮޅު ކަމެއް އޭގައި ނެތީ،" ޝާޒް ބުންޏެވެ.
"ބެންގަލޫރަކަށް ވެސް ނުހުންނާނެ މާ ބޮޑު ޗާންސްތަކެއް ހަމަ އެ މީހުންވެސް ޕެންޑެމިކެއްގެ ތެރޭގައި މި އުޅެނީ. ނެޝަނަލް ޓީމު ކުޅުނަސް އަނެއް ކޮޅުން ނުކުންނަ ޓީމަށް ވެސް ޕެންޑެމިކްގެ އަސަރު ކުރާނެ."
ޕެންޑެމިކް ނެތި ރަނގަޅަށް ޕްރެކްޓިސް ކުރަން ފުރުސަތު ލިބުނަސް އަދި ޕެންޑެމިކް ތެރޭގައި ޕްރެކްޓިސް ކުރަން ލިބުނަސް ހޯދާނީ އަނެއް ޓީމު ބަލި ކުރެވޭނެ ގޮތެކެވެ. ހަމަ އެގޮތަށް ޕެންޑެމިކެއްގައި ތެރޭގައި އުޅުނަސް އަދި ޕެންޑެމިކެއްގެ ތެރޭގައި ނެތަސް އަނެއް ޓީމުވެސް ބަލާނީ ރާއްޖެ ބަލި ކުރެވޭނެ ގޮތެކެވެ.
"ހުރިހާ ޓީމެއް ވެސް އުޅެނީ އެއް ޕެންޑެމިކްގެ ތެރޭގައި. އެހެންވީމަ ދެ ޓީމު ވެސް މި އުޅެނީ އެއް ބެޓަލްއެއްގެ ތެރޭގައި،" ޝާޒް ބުންޏެވެ.
ދުބާއީގައި ކުރިއަށް ގެންދިޔަ ގައުމީ ޓީމުގެ ޓްރޭނިންގެ ތެރެއިން ---- ފައިލް ފޮޓޯ: އެފްއެއެމް
މުބާރާތްތަކާއި ލީގު މެދުކަނޑާލަފައި ގައުމީ ޓީމު ޓްރޭން ކުރަން ހުސް ކުރިޔަސް ގައުމީ ޓީމު ވަރުގަދަ ވާނެ ފޯމިއުލާއެއް އެއަކުން ނުހޯދޭނެ ކަމަށް ޝާޒް ބުންޏެވެ. އޭނާ ބުނިގޮތުގައި ދުނިޔޭގެ އެއްވެސް ހިސާބެއްގައި ގައުމީ ޓީމަށް ތައްޔާރުވާން ލީގު މެދުކަނޑާލާފައި އެހާ ގިނަ މުއްދަތެއް ނުނަގަ އެވެ. އެންމެ ކުރިއަރާފައިވާ ގައުމުތަކުގެ ގައުމީ ޓީމުތައް ވަރުގަދަ ވަނީ އެ ގައުމުތަކުގެ ޑޮމެސްޓިކް ލީގު ވަރުގަދަ ވެގެން ނޫނީ އެ ތަންތާގެ ކުޅުންތެރިން ބޭރުގެ ލީގުތަކުގައި ކުޅެގެންކަން ޝާޒް ފާހަގަކުރި އެވެ.
"ޕެންޑެމިކް ނެތި އަދި ޓްރޭން ކުރަން ވަގުތު ލިބިގެން ޓްރޭން ކުރިޔަސް ބައިވަރު އުނދަގޫތައް ހުންނާނެ. މިސާލަކަށް ބުނަންޏާ އިންޖަރީ ވެސް ގިނަ ވެދާނެ. ޕެންޑެމިކެއްގެ ތެރޭގައި ވީމަ އިންޖަރީ މަދު ވެސް ވެދާނެ. މިފަހަރު ސީޒަންގައި ލީގުގެ ތިން ވަނަ ބުރު ކުޅެ އެފްއޭ ކަޕް ކުޅެ ޕްރެޒިޑެންޓް ކަޕް ކުޅުނު ނަމަ އިންޖަރީސް ގިނަ ވެދާނެ ޕެންޑެމިކް ތެރޭގައި ވެސް އެޑްވާންޓޭޖު އަދި ޑިސްއެޑްވާންޓޭޖް ވެސް ހުންނާނެ."
ގައުމީ ޓީމު ވަރުގަދަ ވަނީ ގިނަ ދުވަހު ޓްރޭން ކޮށްގެން ނޫން ކަމަށް ޝާޒް ބުންނެވެ. ޓީމު ވަރުގަދަ ވަނީ ލީގު ވަރުގަދަވެފައި، ކްލަބުތައް ވަރުގަދަވެފައި ކްލަބުތަކުގެ ކުޅުންތެރިން ކޮލިޓީ ރަނގަޅު ވެގެންކަން ޝާޒް ބުންޏެވެ.
"ދެން އެއަށް ވުރެ އިތުރަށް ގައުމީ ޓީމު ވަރުގަދަ ވާނީ ރާއްޖޭގެ ކުޅުންތެރިން ބޭރުގެ ލީގުތަކުގައި ކުޅެގެން،" ޝާޒް ބުންޏެވެ.
ގައުމީ ޓީމުގެ ޓްރޭނިންގެ ތެރެއިން ފައިލް ފޮޓޯ: އެފްއޭއެމް
ޔުނައިޓެޑް އެރަބް އެމިރޭޓްސްގެ ދުބާއިގައި ކުޅުނު ކޮލިފިކޭޝަންގައި ސީރިއާއާ ދެކޮޅަށް ރާއްޖެ ކުޅުނު މެޗުގައި، ޓީމުގެ ވާތު ބެކަށް ކުޅުވީ ސެންޓްރަލް މިޑްފީލްޑަރަކަށް ކުޅޭ އައިސަމް އިބްރާހިމް (ޓޯނީ) އެވެ. ޝާޒް ބުނީ ލެފްޓް ބެކަށް ކުޅޭ މޮޅު ކުޅުންތެރިން ރާއްޖޭގައި ތިބިއިރު އެ އޮޕްޝަންތަކުގެ ބޭނުން ހިފޭނެ ގޮތަށް ގައުމީ ޓީމު ޕޫލް އެކުލަވާލެވިދާނެ ކަމަށެވެ.
"ކުޅުންތެރިޔަކު އާންމުކޮށް ކުޅޭ ޕޮޒިޝަން ބަދަލު ކޮށްގެން މެޗެއް ކުޅެން ޖެހިދާނެ ކްލަބުގައި ނަމަ. އެއީ ކްލަބުގައި އޮޕްޝަންތައް މަދުވާނެ، އެކަމަކު ގައުމީ ޓީމަށް އެކި ކްލަބުތަކުން ކުޅުންތެރިން ގެންދާއިރު އޮޕްޝަންތައް ހުހެއް ނުވާނެ. ރާއްޖޭގައި ގައުމީ ޓީމު ނަގާއިރު މި ވަގުތު ބަލަން މިިއޮތީ ލީގުގައި މިއޮތް އަށް ޓީމަށް. ކޮންމެ ޓީމެއްގައި ތިބޭނެ އެ މަގާމަށް ކުޅޭ އަށް ކުޅުންތެރިން އެހެންވީމަ އެ މަގާމަށް ކުޅޭނެ އަށް ކުޅުންތެރިން ތިބޭނެ، ޝާޒް ބުންޏެވެ.
"މިސާލަކަށް މާޒިޔާގެ ލެފްޓް ބެކް ޔާމީން ވެސް ނެގޭނެތާ،" ޝާޒް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Important Links
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ެ32ހޔ
24 June 2021
ބުންވަރެއް ނުހުރެ ،ލައިނުގަނެގެން ބޮޑު ބޯޅަ ކުޅެނީ...ކޯޗުން ބަދަލުވިޔަސް ވީކަމެއް ނެތެއްނު
ކަރީމް22
24 June 2021
ފުރަތަމަ ކަމަކަށް ރާއްޖޭގެ ހުރިހާ ހިސާބަކުން ކުޅުންތެރިން ހޯދަން ވިސްނުން ރަނގަޅު
ފަރުހާންބިން ވިޔާމް‘
23 June 2021
އަހަރެންނަށް އޭރުވެސް ބުނިން ދަނގަޑޭމެން‘އޮއްޕުމެން ޖީލުދިޔާމަ ރާއްޖޭގަ ފުޓުބޯޅަދިޔައްޔޭ.ފުޓުސަލް މުޅިރާއްޖެއަށް ތާރަފްކޮށްފަ މިޔުޅެނި ބޮޑުބޯޅައެއްގަ ޖަހާލަން ނޭގިގެން ރަގަޅަށް‘.
ސޫރަބޭ
23 June 2021
ގައުމީ ޓީމް ނަގާފަ އޮތީ ވަކިބައެއްގެ ނުފޫޒުން ކަން އިނގޭ ، ދިވެހި ބާސްކެޓްގަ ވެސް ޓީމް ނަގާހެން ތިއޮތީ ނަގާފަ
ބެލުންތެރިން
23 June 2021
ދިވެހިރާއްޖޭ އެބަކުޅޭ ދިވެހީންގެ ފެންވަރު ގައި. އިތުރަށް މޮޅުވެވޭނީ އެހެން ގައުމުތަކުގެ ފެންވަރު ދައްވެ ގެން. މެލޭޝުޔާއަކީ ވެސް ދިވެހިންގެ 33 ގުނަ ޕޮޕިޔުލޭޝަނެއް. ކުޅޭނެ ބިމާ ވަސީލަތްތައް އޮތް ބައެއް. ދެމެޗުން އެއްމެޗު މޮޅުވެވޭނި އެމީހުން ވަރަށް ފެންވަރު ދަށްވެ ގެން. ދިވެހިން ވޯލްޑްކަޕަށް ކޮލިފައި ވުން އެއީ ޔޫރަޕާ ސައުތްއެމެރިކާ ނޫން ބަޔަކު ވޯލްޑްކަޕް ވިންކުރުން ކަހަލަ ކަމެއް.
ވަކުންޖު
23 June 2021
ދިވެހިންގެ މައްސަަލައަކީ އުޅެނީ ދުނިޔެވީ ހުރިހާ އުފަލެއްވެސް ހޯދަން. ސިގިރެޓްވެސް ބޯންޖެހޭ، މަޖާނަގަން ދަންވަރު ހޭލާވެސް ތިބެންޖެހޭ، ދެންގޮސް ހެދިކާ ޑަޒަނެއް ކާލައިގެން ނިދާނީ، ހޭލާނީ އަނެއްދުވަހު ޕްރެކްޓިހަށް. އެތަނުގަ ހަދާނީ އެމީހުންނަށް ހެދުނު އެއްޗެއް، ކޯޗުން ތިބޭނީ އޮލަ ވާހަކައިގަ، ދެން ބޯޅަ ދެކޮޅަށް ތަޅާލަފައި ގެއަށްދާ މަގުމަތިން ފެގެއް ބޮވޭތޯ ބަލާނީ، ދެން ކޯޗެއް ކުޅެވޭނީ. ކަމަކުން މޮޅުވަން އެހެންކަމެއް ދޫކޮއްލުމަކީ ދަންނައެއްޗެއްނުން.
އެބީ
23 June 2021
ދުނިޔޭގެ މަޝްހޫރު ތަރިން އެތިބެނީ ކޯކު ފަދަ ބޭކާރު ބުއިންތަކާއި ދުރުގަ. އެކަމަކު ރާއްޖޭގައި ފުޓްބޯޅަ ކުޅޭ މީހުންގެ ބަނޑުކެއުމަކީ އެނަޖީ ބުއިމާއި ފިޒީ ބުއިންތަކާއި ދުންފަތް. ދެން ވާނީ އެކަހަލަ ގޮތެއް
ނަގިއްޔާ
23 June 2021
ރާއްޖޭގެ މައްސަލަ ވަރަށް ސާފު. އަހަރުމެންނަށް މިއުޅެނީ އަހަރުމެންގެ ފެންވަރު އޮޅިގެން. އަހަރުމެންނަށް ހީވާކަހަަލަ، ހުނަރުވެރި ކުޅުންތެރިން ތިބީމަ ނިމުނީއޭ. ނުވިސްނާ އަހަރުމެންގެ ލީގުގެ ފެންވަރު. ތަންކޮޅެއް ރަގަޅުހެން ހީވާ ކުލަބުންްވެސް ފިޒިކަލް ފިޓްނަސް ރަގަޅަށް ނަހަދާ، ކުޑަކޮށް ދުވެލައިގެންވެސް ދެންހުރި ޓީމުތަ ބިލުކުރެވުނީމަ ނިމުނީ. އެހެންވީމަ، ފުރަތަމަ ކުރަންވީ ކަމަކީ ލީގު ފެންވަރު ރަގަޅު ކުރެވޭތޯ ބެލުން އޭގެ ފަހުން އެހެންކަމަކާ ވިސްނަންވީ.
ބާލައާދަނު
23 June 2021
ޝާޒުގެ ވާހަކައަށް ތާއީދު ކުރަމެވެ. އޭގެ އިތުރަށް ވާދަވެރި މެޗު ކުޅެން ލިބޭލެއް މަދު ވުމަކީ ވެސް މައްސަލައެކެވެ.
ޝޯމޭން
23 June 2021
ރާއްޖޭގެ އެތެރޭގަ ފުރަތަމަ ރަނގަޅު ޑިސިޕްލިންޑް ކުޅުންތެރިން އުފެއްދޭނެ ނިޒާމެއް ގާއިމުކޮށްބަލަ. ކްލަބުތައްވެސް ތަޅާފޮޅާ ގޭންގުނަންތަކަށް ނިސްބަތްވާކަހަލަ ނަންތަކާ މޮޅެތި އިނގިރޭސި ނަންނަން ނުކިޔާ ރަށުގެ ނުވަތަ އަވަށުގެ ނަންކިޔާފަ ގައުމީ ލީގުބާއްވަބަލަ. ކޮން ނިއުރޭޑިއަންޓެއް މާޒިޔާ އެއް ވިކްޓަރީއެއްތަ. ދެން ތިކުޅޭ ކުޅުންތެރިންވެސް ތަންކޮޅެއް ރަނގަޅަށް ކަސްރަތުކުރުވާ ރަނގަޅު ޑައިޓެއް ފޮލޯކޮށް ކޮފީ ސިގިރެޓު ނުބޯކަހަލަ ގޮތެއް ވެއްޖެއްޔާ ރަނގަޅުވާނެ.
ޕެންޑެމިކޯ
23 June 2021
ތިއެއްވެސް ނޫން އަސްލު މައްސަލައަކީ. ތިހުރިހާ ހާސަރެއް ގޮވާނެ ކަމެއްނެތް. ކީކޭ ކިޔަން ތިއުޅެނީ. ހުސް ޕެންޑެމިކޭ ނުން ތި ކިޔުނީ. ބުނަންތަ ވާހަކައެއް. ދެއިރު ކާ ބޭހެއްހެން ކޯޗުން ބަދަލުކޮށް އެކި ނަން ނަމުގަ މީސް މީހުން ލިޔަކަސް ހަމަ މަސައްކަތް ކޮށް، ޓްރެއިން ކޮށް، ކުޅުންތެރިންގެ ފިސިކަލް ފިޓްނެސް ރަނގަޅު ނުކޮށް ލާހިކެއް ނޫން ރާއްޖެ ފުޓްބޯޅަ ކުރިއަރުވާކަށް. ޝާޒަކަސް މިހާރު ތިވާހަކަ ތި ދައްކަނީ ކޮންބޭނުމެއްގައި ކަން ބުނެދީބަލަ.