ކ. މާފުށީ ޕިކްނިކް އައިލެންޑްގެ ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫއު ދަށުން، ބިން ހިއްކުމުގެ މަސައްކަތް ނިމިއްޖެ އެވެ.
މި މަޝްރޫއުގެ ދަށުން ގޮނޑުދޮށް ހިމާޔަތްކުރުމަށް ބޭނުންވާ ބޮޑުހިލައިގެ ފުރަތަމަ ޝިޕްމަންޓް ޕްރޮޖެކްޓް ސައިޓަށް ވަނީ ގެންގޮސްފަ އެވެ.
މި މަޝްރޫއު ދަށުން، ދެ ހެކްޓަރުގެ ބިން ހިއްކުމާއި ގޮނޑުދޮށް ހިމާޔަތްކުރުމުގެ މަސައްކަތް ހިމެނެ އެވެ. މި މަޝްރޫއަށް 10.8 މިލިއަން ރުފިޔާގެ ހޭދަވާނެ އެވެ.
މާފުށި ކައިރީ ޕިކްނިކް އައިލެންޑެއް ހަދާއިރު މާފުއްޓަށް ދިމާވެފައިވާ ބިމުގެ މައްސަލައަށް ހައްލެއް ހޯދުމަށް މާފުއްޓާ ކައިރިން ވަކި ރަށެއްގެ ގޮތުގައި 25 ހެކްޓަރުގެ ބިން ވަނީ ހިއްކާ ނިންމައިފަ އެވެ.
މާފުއްޓަކީ ލޯކަލް ޓޫރިޒަމް އެންމެ ފުޅާ ދާއިރާއެއްގައި އޮތް ރަށަށް ވާއިރު އަލަށް ހިއްކި ބައިން ވިޔަފާރިތަކަށް ބިން ދޫކުރުމަށް ވަނީ ނިންމައިފަ އެެވެ.