ކެފިޓަލީ: ރަހަ ނުބަލައި ދޫކޮށްނުލެވޭ ވަރުގެ ކޮފީއެއް

ދިވެހިންގެ ތެރޭގައި ކޮފީއަށް އޮންނަ ލޯތްބަކީ ބަދަލު ކުރެވޭނެ އެއްޗެއް ނޫނެވެ. ތަފާތު ބްރޭންޑުތަކުގެ އެކި ބާވަތްތަކުގެ ކޮފީ މިހާރު ރާއްޖޭން ލިބެން ހުންނައިރު އާ ރަހައެއް ދިވެހިންނާ ހަމައަށް ގެނައުމަކީ ފަސޭހަ ކަމެއް ނޫނެވެ. ނަމަވެސް އެސްޓްރަބޮން އިން މިވަނީ މިކަން ކޮށްފަ އެވެ. އެ ކުންފުނިން ރާއްޖެ އަށް ތައާރަފު ކުރި "ކެފިޓަލީ" ވެގެންދިޔައީ ކުޑަ ދުވަސްކޮޅެއްގެ ތެރޭގައި ދިވެހިންނަށް ވަރަށް ކަމުދިޔަ ބްރޭންޑަކަށެވެ.

އިޓަލީގެ އުފެއްދުމެއް ކަމަށްވާ ކެފިޓަލީ އަކީ ދުނިޔޭގެ ބާޒާރުގައި ވެސް ގިނަ ބައެއްގެ މަގުބޫލުކަން ހޯދާފައިވާ ބްރޭންޑެކެވެ. މި ބްރޭންޑަކީ އެތައް އަހަރެއްގެ ދިރާސާތަކަށް ފަހު، ކޮފީ ބުއިމަށް ލޯބި ކުރާ މީހުންނަށް އެންމެ ކަމުދާ ރަހަތަކަށް ބަލައި އުފައްދާ ކޮފީ ބްރޭންޑެކެވެ.

ކެފިޓަލީގެ އުފެއްދުންތަކުގެ ތެރޭގައި އެކި ފްލެވާތަކުގެ ކެޕްސޫލާއި ކޮފީ މެޝިން ހިމެނެ އެވެ. އެ ބްރޭންޑުގެ ކެޕްސޫލްތަކަކީ ކޮފީގެ އެހެނިހެން ބައެއް ބްރޭންޑުތަކުގެ މެޝިންތަކުގައި ވެސް ބޭނުން ކުރެވޭ ކެޕްސޫލްތަކެކެވެ.

މި ކޮފީ ބްރޭންޑުގެ އެންމެ ތަފާތު ކަމަކީ ރަހަތަކެވެ. ކުޑަ ދުވަސްކޮޅެއްގެ ތެރޭގައި މި ބްރޭންޑު ހޯދި ކާމިޔާބީގެ ސިއްރަކީ ވެސް މި އެވެ. އެސްޓްރަބޮން މެދުވެރިކޮށް ލިބެން ހުންނަ ކެފިޓަލީގެ ފްލެވާތަކުގެ ތެރޭގައި އާއްމުކޮށް ލިބެން ހުންނަ ކޮފީގެ އިތުރުން މޮކަޗީނޯ އާއި ޗޮކްލެޓާއި ގްރީން ޓީ އާއި މަސާލާ ޓީ ވެސް ހިމެނެ އެވެ. މިއީ ވަރަށް ފަހުން އެ ބްރޭންޑުގެ ދަށުން ތައާރަފު ކުރި ރަހަތަކެކެވެ.

އެސްޓްރަބޮން އިން ލިބެން ހުންނަ ކެފިޓަލީ ކޮފީ މެޝިންތަކަކީ ގޭގެއަށާއި ގެސްޓް ހައުސްތަކަށާއި ރިސޯޓުތަކުގެ އިތުރުން ކެފޭ ރެސްޓޯރެންޓުތަކުގައި ވެސް ބޭނުން ކުރެވޭ، ހުރިހާ މާހައުލަކާ ވެސް ގުޅޭ، ރީތި މެޝިންތަކެކެވެ. އަލަށް ވިޔަފާރި ފަށަން ބޭނުންވާ ފަރާތްތަކަށް އެސްޓްރަބޮން އިން އިންސްޓޯލްމަންޓަށް މެޝިން ލިބޭގޮތް ވެސް ހަދައިދޭނެ އެވެ. އަދި ރެގިއުލާކޮށް ނުވަތަ ބޮޑު އަދަދުތަކުން ކެޕްސޫލް އޯޑަރު ކުރާ ކަސްޓަމަރުންނަށް މެޝިން ހިލޭ ވެސް ދޫކުރާނެ އެވެ.

އެސްޓްރަބޮން އަކީ ޔޫރަޕުގެ ބޮޑެތި ބްރޭންޑުތައް ރާއްޖެ އަށް އެތެރެކޮށް، ފުޅާ ދާއިރާއެއްގައި ރިސޯޓު ސަޕްލައި ކުރާ ކުންފުންޏެކެވެ. އެ ކުންފުނިން ވިއްކާ ބްރޭންޑުތަކުގެ އުފެއްދުންތައް މިހާރު ވެސް ރާއްޖޭގެ ގިނަ ރިސޯޓުތަކުން ބޭނުން ކުރެ އެވެ.

އެސްޓްރާބޮން އިން ލިބެން ހުންނަ އިތުރު ބައެއް ބްރޭންޑުތަކުގެ ތެރޭގައި:

އައިއެފްބީ އޭސީ

އައިއެފްބީ އޭސީއަކީ ކުޑަ ވަގުތުކޮޅެއްގެ ތެރޭގައި މުޅި ކޮޓަރި ފިނިކޮށްލަދޭ ސްމާޓް ޓެކްނޮލޮޖީ އެކުލެވޭ އޭސީއެކެވެ. ލަގްޒަރީ އިހުސާސް ގެނުވައިދޭ މި އޭސީން 30 ފޫޓާ ހަމައަށް ފިނި ވައި ޖައްސާލަދޭނެ އެވެ. އެހެންވެ، ބޮޑު ޖާގަތަކަށް ވެސް މި އޭސީ ރަނގަޅުވާނެ އެވެ.

މި އޭސީ އިން ފިނި ކޮށްދޭނީ އެ ދުވަހެއްގެ ފިނިހޫނު މިނަށް ބަލައި އެންމެ އެކަށީގެންވާ ވަރަށެވެ. ނަމަވެސް ބޭނުންވާ ވަރަކަށް ރިމޯޓް ކޮންޓްރޯލުން ފިނި ކުރެވޭނެ އެވެ. މި އޭސީގެ އެންމެ ހާއްސަ އެއް ކަމަކީ ވައި ސާފުކޮށްދިނުމެވެ.

ހަރަދު ވެސް އެހާމެ ކުޑަ މި އޭސީތައް މިހާރު އެސްޓްރަބޮން އިން ލިބެން ހުންނައިރު، އިންސްޓޯލް ކޮށްދިނުމުގެ ހިދުމަތް ވެސް އެ ކުންފުނިން ދޭނެ އެވެ. އަދި ވޮރެންޓީ އާއި އާފްޓަސޭލް ސާވިސްގެ ހިދުމަތް ވެސް އެ ކުންފުނިން ފޯރުކޮށްދޭނެ އެވެ.

ޕަޕީލާ - ގްރެނައިޓް ކުކްވެއާ

ކާބޯތަކެތި ތައްޔާރު ކުރުމަށް ޕަޕީލާއަކީ އެންމެ ރަނގަޅު އެއް ބްރޭންޑެވެ. މި ބްރޭންޑުގެ ހުރިހާ ކައްކާ ސާމާނަކީ ވެސް ގްރެނައިޓް ބޭނުންކޮށްގެން އުފައްދާފައިވާ ކާބޯތަކެތި ތައްޔާރު ކުރަން ރައްކާތެރި ތަކެއްޗެވެ.

އާއްމުކޮށް ކައްކާއިރު ދިމާވާ އެންމެ ބޮޑު އުނދަގުލަކީ ކާއެއްޗެހި ތަވައިގައި ނުވަތަ ތެލީގައި ތަތްލުމެވެ. ނަމަވެސް ޕަޕީލާ ބްރޭންޑުގެ ކައްކާ ސާމާނުގައި ހުންނަ ގްރެނައިޓް ކޯޓުގެ ސަބަބުން ކާއެއްޗެހި ތަތެއް ނުލަވާނެ އެވެ. އަދި ކާއެއްޗެއްސާއި ތެޔޮ ފަދަ ތަކެތީގެ ސަބަބުން ބައެއް ތަކެތީގައި ކުލަ ހޭކުނު ނަމަވެސް ޕަޕީލާ ބްރޭންޑުގެ ތަކެތީގައި ކުލަ ވެސް ނުހޭކޭނެ އެވެ.

މި ބްރޭންޑުގެ ކައްކާ ސާމާނަކީ ބަލާލަން ވެސް އެހާމެ ރީތި ސާމާނުތަކެކެވެ. މިއީ ޒަމާނީ ބަދިގެތަކަށް ބަލައިގެން އެފަދަ ތަންތަނާ ގުޅޭ ގޮތަށް ޑިޒައިން ކޮށްފައިވާ ކައްކާ ސާމާނެވެ.

ޖޭ ކަޓްލަރީ

ކާއްކާ ސާމާނުގެ އިތުރުން ކާ މޭޒުމައްޗަށް އަރުވާ ތަކެއްޗަކީ ވެސް ރީތި ސާމާނަށް ވާން ޖެހެ އެވެ. އެގޮތުން، މޭޒު މައްޗަށް އަރުވާ ސަމްސަލާއި އުލާއި ވަޅި ވާން ޖެހޭނީ ބަދިގެ އާއި ކާގޭގެ ރީތިކަން އިތުރަށް ފުރިހަމަ ކޮށްލަދޭ ތަކެއްޗަށެވެ. މިއީ ރެސްޓޯރެންޓުތަކުން ހާއްސަ އިސްކަމެއް ވެސް ދޭން ޖެހޭ ކަމެކެވެ.

އެސްޓްރަބޮން އިން ވިއްކާ ސްޕެއިންގެ ޖޭ ބްރޭންޑުގެ ކަޓްލަރީއަކީ ރެސްޓޯރެންޓުތަކާއި ޒަމާނީ ބަދިގެތަކަށް އެންމެ ކަމުދާނެ އެއް ބްރޭންޑެވެ. ރިހި ކުލައިގެ ކަޓްލަރީއަކީ އާއްމުކޮށް ލަގްޒަރީ ކާގެތަކުގަ އާއި ރެސްޓޯރެންޓުތަކުގައި ބޭނުންކުރާ ތަކެއްޗަށްވާއިރު ޖޭ ކަޓްލަރީ ވެސް ހުންނަނީ ރިހި ކުލައިގަ އެވެ.

މި ކަޓްލަރީ ސެޓުގައި އާއްމުކޮށް ރެސްޓޯރެންޓުތަކުގެ މޭޒު މައްޗަށް ބޭނުންވާ ހުރިހާ ވައްތަރެއް އުލާ ސަމްސާ ހިމެނެ އެވެ. އެއީ ތަފާތު އެކި ބާވަތްތަކުގެ ކެއުންތަކާއި ބުއިންތަކަށް ހާއްސަ ތަކެއްޗެވެ.

މި ބްރޭންޑުތަކުގެ އިތުރުން ވެސް އެސްޓްރަބޮން އިން ރެސްޓޯރެންޓުތަކާއި ރިސޯޓުތައް އަދި ގޭގެއަށް ބޭނުން ގިނަ އަދަދެއްގެ ސާމާނު ލިބެން ހުރެ އެވެ. އެ ކުންފުނިން ވިއްކާ ހުރިހާ ބްރޭންޑުތަކަކީ ޔޫރަޕުގެ ގައުމުތަކުގައި މަގުބޫލުކަން ހޯދާފައިވާ ބްރޭންޑުތަކެކެވެ.

އެސްޓްރަބޮން އިން ވިއްކާ ތަކެތީގެ މައުލޫމާތު އެ ކުންފުނީގެ ވެބްސައިޓް (https://www.astrabon.net/) އާއި ފޭސްބުކް، ޓްވިޓާ އަދި އިންސްޓަގްރާމުގެ އިތުރުން ޔޫޓިއުބް ޕޭޖު މެދުވެރިކޮށް ލިބެން ހުންނާނެ އެވެ. އަދި އޯކިޑް މަގުގައި ހުންނަ އެ ކުންފުނީގެ ޝޯރޫމަށް ޒިޔާރަތް ކޮށްގެން ވެސް މިތަކެތި ބަލާލެވޭނެ އެވެ.