އައްޑޫ އެއާޕޯޓުގައި ބޯޓުތަކެއް ޕާކްކޮށްފައި.-
27 ސެޕްޓެމްބަރ 2022 - 13:40
31 comments
ސ. ގަން އިންޓަނޭޝަނަލް އެއާޕޯޓު ބޮޑުކުރުމަށް ހިންގާ މަޝްރޫއުގައި ކުރިއަށް އޮތް ދެ ތިން މަސް ތެރޭގައި ސޮއިކުރާނެ ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް އިއްޔެ ވިދާޅުވެއްޖެ އެވެ.
އިންޑިއާ އިން ރާއްޖެ އަށް ދޫކޮށްފައިވާ ލައިން އޮފް ކްރެޑިޓްގެ ދަށުން، ގަން އިންޓަނޭޝަނަލް އެއާޕޯޓު ތަރައްގީކުރަން 17 މިލިއަން ޑޮލަރު (262 މިލިއަން ރުފިޔާ) ހަރަދުވާނެ ކަމަށް ސަރުކާރުން ލަފާކުރެ އެވެ.
އެ މަޝްރޫއުގެ ދަށުން ޑޮމެސްޓިކް ޓާމިނަލަކާއި ސަޕޯޓު އިންފްރާސްޓްރަކްޗާ ހަދާނެ އެވެ.
އިގްތިސާދާ ބެހޭ ވަޒީރު "މިހާރު" އަށް ވިދާޅުވީ، އެ މަޝްރޫއަށް ޝަރުތު ހަމަވާ ހަތް ކުންފުންޏެއްގެ މައުލޫމާތު އެގްޒިމް ބޭންކުން މި ފަހުން ފޮނުވާފައިވާ ކަމަށެވެ. އެ ކުންފުނިތަކުން ބީލަން ހުށަހެޅުމުގެ ފުރުސަތު އަންނަ ހަފުތާގައި ހުޅުވައިލާނެ ކަމަށް އޭނާ ވިދާޅުވި އެވެ.
ބީލަން މަރުހަލާ ނިންމައި، ފައްޔާޒު ވިދާޅުވިގޮތުގައި ކުރިއަށް އޮތް 2-3 މަސް ދުވަހުގެ ތެރޭގައި ގަން އެއާޕޯޓު ބޮޑުކުރަން ސޮއިކުރާނެ އެވެ.
އޭނާ ވިދާޅުވީ، ގަން އެއާޕޯޓާއެކު ރާއްޖޭގެ އިގުތިސޯދަށް ވަރަށް ބޮޑު ބަދަލެއް އަންނާނެ ކަމަށެވެ. ވަޒީފާތައް އުފެދި، ސިއްހަތާއި ތައުލީމީ ދާއިރާ ކުރިއަރައިގެންދާއިރު އެ ސަރަހައްދުގައި މީހުން އާބާދުވުން އިތުރުވެ، މާލެއަށް މީހުން ބަދަލުވުން މަދުވާނެ ކަމަށް ވިދާޅުވި އެވެ.
ގަން އެއާޕޯޓު ބޮޑުކުރުމުގެ މަޝްރޫއުގައި ސޮއިކުރަން ތައްޔާރުވިއިރު، ސަރުކާރުން ވަނީ ހދ. ހަނިމާދޫ އިންޓަނޭޝަނަލް އެއާޕޯޓު ބޮޑުކުރަން އިންޑިއާގެ ޖޭއެމްސީ ޕްރޮޖެކްޓްސް ކުންފުންޏާއެކު މިިދިޔަ އާދިއްތަ ދުވަހު ސޮއިކޮށްފަ އެވެ.
އެ މަޝްރޫއު ދެ އަހަރުގެ ތެރޭގައި ނިމުމުން އަހަރަކު 1.3 މިލިއަން ފަސެންޖަރުންނަށް ހިދުމަތް ދެވޭނެ ކަމަށް ފައްޔާޒު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހައްމަދު..
29 September 2022
ކޮބާ އިކޮނޮމިކ ޑައިވާސިފިކޭޝަން. ބޮޑު ރޯގާ އެއް އައީމާ، ޓޫރިސްޓުން އަންނަ ގައުމުތަކުގަ ހަގުރާމާކުރާތީ، ދުނިޔެއަށް ތަދުމަޑުކަމެއް އައީމާވެސް ރައްޔިތުން ބަޑަށް ނުޖެހޭ ގޮތަަށް ކަންކަން ރޭވުމަކީ ޒިއްމާދާރު ކަމާއެކު ވެރިކަންކުރުމް. އިގުތިސާދު ފުޅާކުރެވޭނީ އިންވެސްޓަރުންނަށް ކޮންފިޑެންސް ލިބޭގޮތަށް ދައުލަތުގެ ހިންގުމުގެ ނިޒާމު ބަދަލުވެ ދައުލަތަށް އާމްދަނީ އިތުރުކުރެވޭ ގޮތަށް ކަންކަން ބައްޓަންކޮށް ގެން.
ނަސީރު
28 September 2022
ކިތައްފަހަރުތޯ ތިގޮތަށް ސޮއިކުރަން ޖެހޭނީ؟؟؟!!! އެއާރޕޯޓައް އައިއެއްވެސް ބަދަލެއް ފާއިތުވި 4 އަހަރަށް ބެލިއަސް ފެންނާކަށްނެއް!؟؟؟ ހުސް ވާހަކަ
އަފްރާސިޔާބު
27 September 2022
އަޅެ މިމީހުންގެ ހޭބުއްދި ފިލާފަބާ މިތިބީ. ތި ގައުމުގެ އެއަރޕޯޓެއް ފައިދާކުރަނިވި ގޮތަކަށް ހިންގޭނެ ހަމަ އެއްވެސް ފޯމިއުލާއެއް ނޯންނާނެ. ހުވަދޫގައި އިންޓަނޭޝަނަލް އެއަރޕޯޓެއް ހަދާފައި ތިތަން ޑޮމެސްޓިކް ތަނަކަށް ބަދަލުކޮށްލަބަލަ. ނޫނީ އިންޑިއާގެ މިލިޓަރީ އަށް 99 އަހަރަށް ކުއްޔަށް ނުވަތަ ހިލޭ ދީބަލަ. ކޮން ކޮހެއް ސާލިހު ތިތަޅަނީ.
ހިޔާލީ އަލީ
27 September 2022
ގަން އެއަރޕޯޓު ކިތަންމެ ބޮޑުކުރިޔަސް ތިތަނަށް ދާކަށް ބަޔަކު ބޭނުމެއްނުވޭ، އައްޑޫ އުފަން ރައްޔިތުންވެސް ގެދޮރު ދޫކޮށްފާ މާލެއާއި ރާއްޖެއިން ބޭރުގަ ދިރިއުޅެނީ އައްޑޫގަ އުޅޭހިތްނުވާތީ، ކިތައް ފަހަރު ކިހާ ހަރަދެއް ގަމުގެ އެއަރޕޯޓަށް ކޮށްފިތޯ، އެހެންވިޔަސް ދުނިޔޭގެ އެއްވެސް ގައުމަކުން ދާއިމީކޮށް ބަޔަކު އައްނާކަށް ބޭނުމެއްނުވި. އެއަށްވުރެ މާ ބާރުބޮޑު ކުޑަހުވަދޫ އެއަރޕޯޓާއި މާފަރު އެއަރޕޯޓު އަދި ދަރަވަންދޫވެސް
ހިޔާޅީ ފޮލާ
27 September 2022
ކަލޯ ތިބުނި ބާރު ބޮޑު އެއާޕޯޓު ތަކަށް ޖައްސަނީ ގެއްލުމުގަ ހިނގާ މޯޑިވިއަން އާއި ޑޮމެސްޓިލް ފުލައިޓު.. އަދިވެސް ބޭރު އެއްޗެއް އައިޔާ އަންނަނީ ގަމަށް..... މީހަކު ވާހަކައެއް ދައްކާއިރަށް ކަމު ދެކޮޅު ނުބަލައި ރޯނު އެދުރު ހެދެ
ލޯން
27 September 2022
އާ ކަންކަން ނުކުރާނެ
ރޯސްޓަ ޑު
27 September 2022
ވެރި ކަމަށް އަންނަން އުޅޭ މީހުން ފަންޑިތަ އަށް ބުރެންޑު ނޭމަކަށް ބޭނުން ކުރާ އެއަރ ޕޯރޓު
ހިތަދޫ ހުސެން
27 September 2022
އަދިވެސް ގެސްޓުން ގެނެވޭނެ މަގު ފަހި ކުރާ ވާހަކައެއް ނެތް. އެހެންވީމާ ވިސްނޭ ތި ހަމަ ވޯޓަށް ޖަހާ މަޅިއެއްކަމަށް. ބޭކާރު ލޯނެއް، ބޭކާރު ޕްލޭނެއް!
މުޑަހަންޖާ
27 September 2022
ހުޅުމާލޭގަ ފޭސް 2 ހިއްކާފަ އެހިއްކި ބިމުގަ ފޮޓޯނަގަން ރީއްޗަކަށް 4 ބުރިޖު އަޅާފަ ދަށުން ކޮނެނަގައިގެން ފެންކޯރެއް ހެދީ 80 މިލިއަން ޑޮލަރަށް، އެވާހަކަ ޖެހީ ދެފަހަރު، އެއްފަހަރު އޮތީ ކޯރު އެބަހަދައޭ ދެން އޮތީ ނިމިއްޖެއޭ. އައްޑޫގަ 15 މިލިއަން ޑޮލަރުގެ ކުދިކުދި ކަންކަންވެސް އިންތިހާބު ވައުދުގަ ޖަހައިގެން އިރުއިރުކޮޅާ ސުރުހީހަދަހަދާ ދައުރުނިމޭއިރުވެސް އާވިގަނޑު އެރުވުމުގަ މިދަނީ.
އެއަރޕޯޓް
27 September 2022
މިހާރު އިންޓަރނޭޝަނަލް އެއަރޕޯޓެއް އޮންނަންވީ ހުވަދުއަތޮޅުގައި. ރިޒޯޓުތަކާ މާ ދުރުގައި އެއަރޕޯޓެއް ހެދުމުގެ ބޭނުމެއް ނެތް.
ބޮޑުމީހާ
27 September 2022
މިހާރު ހަފްތާއަކު އެންމެ އިންޓަރނޭޝަނަލް ފްލައިޓެއް ޖައްސަނީ އެއާޕޯޓުގެ ޖާގަ ނެތިގެންތަ. އައްޑޫގެ ދެބައިކުޅަ 1 ބައި މީހުން މާލޭގަ އުޅެނީ ސިއްޚީ ފަރުވާ އަދި ބޯހިޔާވެހިކަން.އައްޑޫ އިން ނުލިބޭތީތަ. ސަރުކާރުތަކުން މައްސަލަތަކަށް ފޯކަސް ނުކޮށް ލޯނު ނަގައިގެން ކިތަންމެ ވަރެއް ކުރިޔަސް ހަގީގީ މައްަަސަލަ ހައްލެއް ނުވާނެ.