24 ނޮވެމްބަރ 2022 - 13:01
7 comments
ސަރުކާރުން ޓީޖީއެސްޓީ 12 ޕަސެންޓުން 16 ޕަސެންޓަށް ބޮޑުކުރުމުން، އަންނަ އަހަރުގެ ފުރަތަމަ ކުއާޓަރުގައި ޓޫރިޒަމް ދާއިރާގެ ވިޔަފާރިތަކަށް 50 މިލިއަން ޑޮލަރުގެ ގެއްލުންވާނެ ކަމަށް މަޓާޓޯއިން ބުނެފި އެވެ.
ޓޫރިޒަމް ދާއިރާގެ ގިނަ އަދަދެއްގެ ޓްރެވެލް އެޖެންޓުންނާއި ޓުއާ އޮޕަރޭޓަރުންގެ ހިމެނޭ މަޓާޓޯއިން ނެރުނު ބަޔާނުގައި ބުނެފައިވަނީ، ޓެކްސް ބޮޑު ކުރުމުގެ ސަބަބުން އަންނަ އަހަރުގެ ފުރަތަމަ ތިން މަހުގެ ބުކިންތައް ކެންސަލްވުން އިތުރުވެ، ޓޫރިޒަމް ހިދުމަތް ދޭ ތަންތަނުގެ އޮޕަރޭޝަނަށް ބޮޑު އަސަރެއް ކުރާނެ ކަމަށެވެ. ޓޫރިޒަމް ދާއިރާގެ ފެސިލިޓީތަކުގެ އާމްދަނީ ދަށްވެ، މުވައްޒަފުންނަށް ދޭ ސާވިސް ޗާޖުން ކޮންމެ މީހަކަށް ގާތްގަނޑަކަށް 2،000ރ. މަދުވާނެ ކަމަށް ވެސް މަޓާޓޯއިން ބުންޏެވެ.
ރާއްޖޭގެ އިގްތިސާދު މެނޭޖްކުރުމުގައި އަޅާ ފިޔަވަޅުތަކާ މެދު ކަންބޮޑުވާ ކަމަށް ވެސް ބަޔާނުގައި ވެއެވެ.
"ރާއްޖޭގެ ގްރޮސް ނެޝަނަލް އިންކަމްގެ 74 ޕަސެންޓް ޓޫރިޒަމަށް ނިސްބަތްވާ އިރު މިކަމުން އެންމެ ބޮޑަށް އަސަރު ކުރަނީ ކުދި، އަދި މެދުފަންތީގެ ވިޔަފާރިތަކަށް،" މަޓާޓޯގެ ބަޔާނުގައި ބުނެފައިވެ އެވެ.
މަޓާޓޯއިން ބުނީ ސަރުކާރުން ކުއްލިއަކަށް ގެނައި މި ބޮޑު ބަދަލާ ގުޅިގެން އެކަން ބަދަލު ކުރަން ބޭރުގެ ޓުއާ އޮޕަރޭޓަރުން ވެސް ސަރުކާރަށް ލޮބީ ކުރަމުން އަންނަ ކަމަށެވެ. މި ހާލަތުގައި ރާއްޖޭގެ އިގްތިސާދު ކުރިއަށް ގެންދިއުމަށް ޓެކްސް ބޮޑުކުރި ކުރުން ބަދަލު ކުރުމަށް މަޓާޓޯއިން ވަނީ ސަރުކާރަށް ގޮވައިލައިފަ އެވެ.
ޓޫރިޒަމް ދާއިރާއާ ގުޅޭ މިފަދަ ކަމެއް ނިންމުމުގައި އެ ދާއިރާގެ ފަރާތްތައް ބޭނުންވާ ގޮތައް ބެލުމެއް ނެތި ސަރުކާރުން މިފަދަ ނިންމުމެއް ނިންމުމުން މަޓާޓޯއިން ވަނީ ކަންބޮޑުވުން ފާޅުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓީޖީއެސްޓީ ދައްކަނީ ޓޫރިސްޓުން
24 November 2022
3 މަސްތެރޭ 50 މިލިއަން ޑޮލަރު ގެއްލޭ ވާހަކަ އެދައްކަނީ 50 މިލިއަން ޑޮލަރު ފޮރުވާ ވާހަކަ. ކުރިޔަށް އޮތީ ފިނި މޫސުމް. ގެސްޓުން އިންތިހާ އަށް ރާއްޖެ އަރާނެ. ރެޔަކަށް 30000 ޑޮލަރަށް ކޮޓަރި ވިއްކާހަ ސަރުކާރަށް މިއަންގަނީ ވިއްކުނީ 3000 ޑޮލަރަށޭ. ދެންބުނާނީ ވިކުނީ 1500 ޑޮލަރަށޭ. ޑޮލަރު ޖަމާ މިވަނީ ބޭރުގެ ބެންކް އެކައުންޓަކަށް. ދެން ބަލަމާ ހިނގާ 3 މަސް ތެރޭ ރާއްޖެ ޒިޔާރަތްކުރާ މީހުންގެ އަދަދު މިވަގުން ހިފަން. މިގައުމު ބަނގުރޫޓޫ ވޭތަ ބަޔަކު ބުނާއިރަށް؟
އުމޭއްތަ
24 November 2022
ބޮޑެތި މާސިންގާ ރިޒޯޓު އޯނަރުންހާ ހާލުގަ އުޅޭ ބަޔެއް މި ރާއްޖެއަކު ނޫޅޭ. މި މީހުން ރަނގަޅު ޒަކާތު ފަންޑުގައިވެސް ރަޖިސްޓްރީ ކުރަން
ކޮރަލް
24 November 2022
ސަރުކާރުގެ ހަރަދު ތައް ކުޑަ ކުރަން މަސައްކަތް ކުރާ ތަނެއް ނުފެނެ އެވެ. ގަވާއިދާ ހިލާފައް ވިޔަފާރި ކުރާ އަދި ޑްރަގް ވިއްކާ އަދި މަސާޖް ޕާލާ ހިންގާ ބިދޭސީން ޑިޕޯޓް ކުރާ ތަނެއްވެސް ނުފެނެ އެވެ. ދެން ޓެކްސް ބޮޑޫ ކޮށްލައިފި އެވެ. ފިހާ ރައެއްގަ ސޭޓަކަށް ބަހައްޓާ އިރަށް އަހަރެއް ނުވަނީސް އަމިއްލަ ފިހާރަ އެއް ހުޅުވަ އެވެ.
ޢިލްޔާސް ލަބީބް
24 November 2022
އިބްރާހިމްއައް ރައްޔިތުން ފެންނަނީ ރަން ފަރުބަދައެއްހެން. 2023 ގަ އެއްވެސް ރައްޔިތަކު އިބްރާހިމައް ވޯޓް ނުދޭން ގޮވާލަން. މިހާޜުން މިހާރައް ވެރިކަމުން ބާލަން ކުރެވެން ހުރި ހުރިހާ ކަމެއް ރައްޔިތުން ކުރަން ގޮވާލަން
ހަންޓޯޓޯ
24 November 2022
ސަރުކާރުން މާ ކުރިޔާލާ ތިޔަ ބަޔަކާ ބައްދަލުކޮށް މަޝްވަރާކުރިކަމަށް އޮތް ޚަބަރުތަކުގަ. ދެން އެކަމަށް ފަރުވާތެރި ނުވެ، ހަމައެކަނި ބިލެއް ފާސްކުރީމާ ގެއްލުން ވާނޭ ބުނެގެން ތިޔަކަން ފުލެއް ނުބެއްދޭނެ. ކަމެއް ވާން އުޅޭކަން އެނގި ހުރެ އެކަމަށް ފިޔަވަޅު ނާޅައި ތިބީތަ؟ ނޫނީ ހަމަ ބަހަނާއެއް ދައްކަނީތަ؟ ނޫނީ ހަމަ އޮޅުވައިލަނީތަ؟
އޮނަރަބްލް އަފީފު ދީދީ
24 November 2022
މަޓާޓޯ އަކީވެސް އެއްކަލަ މަކަރުވެރި ސައުދާޤަރުން (އެމީހުން އަމިއްލައަށް ބުނެއުޅޭ ގޮތުން ނަމަ ޕައިނީއަރުން.) ފަދަ ލަދުކުޑަ ބަޔަކަށްވީތޯ. # ރާއްޖޭގެ ޤުދުރަތީ ވަސީލަތް ބޭނުންކޮށްގެން މަދުބަޔަކު ދުނިޔޭގެ ނިސްބަތުންވެސް ބޮޑެތި މަހުޖަނުން ތަކަކަށް ވެފައިވާއިރު މިދެންނެވި މަހުޖަނުމީހާގެ ރިސޯޓާއި އެއްފަޅެއްގައި އޮންނަ ރަށުގައި ދިރިއުޅޭ ދިވެހި ރައްޔިތުން ސާފުބޯފެނާއި ނަރުދަމާފަދަ އަސާސީ ހިދުމަތްތަކުން މަޙުރޫމްވެފައިތިބިކަން މަޓާޓޯ އަށާއި މަޓީއަށް ނޭގޭތޯ.؟
ގުލްޒާރު
24 November 2022
ޓެކްސްބޮޑުކުރީމާ މަޓޯޓާވެސް ހަންޓޯޓޯވާނެ.