ވިޔަފާރި / ޑޮމެސްޓިކް އެއާޕޯޓުތައް

ފަޔާ ވެހިކަލް ހަލާކުވުމުން ފުނަދޫ އެއާޕޯޓަށް ދަތުރުތައް ހުއްޓާލައިފި

ށ. ފުނަދޫ އެއާޕޯޓު. ޓެކްނިކަލް މައްސަލައަކާ ގުޅިގެން އެއާޕޯޓުގެ އޮޕަރޭޝަން ވަނީ ހުއްޓާލާފައި --

ފާތިމަތު ޝަނާ މުހައްމަދު، މިހާރު

07 ޖޫން 2025 - 14:32

5 comments

ފުނަދޫ އެއާޕޯޓުގެ ފަޔާ ވެހިކަލް ހަލާކުވުމުން އެ އެއާޕޯޓުގެ އޮޕަރޭޝަން ވަގުތީ ގޮތުން ހުއްޓާލައިފި އެވެ.

ށ.ފުނަދޫ އެއާޕޯޓުގެ ދަތުރުތައް ނުކުރެވޭތީ، މޯލްޑިވިއަން އިން މިއަދަށް ޝެޑިއުލްކުރި ފްލައިޓް ވަނީ ނ. މާފަރަށް ޑައިވާޓުކޮށްފަ އެވެ. ފުނަދޫއިން ފުރަން ޓިކެޓް ގަތް ފަރާތްތަކަށް ކަނޑުމަގުން މާފަރަށް ދެވޭނެ އިންތިޒާމުތައް މޯލްޑިވިއަން އިން ހަމަޖައްސައި، ފުރުވާލާފައިވާ ކަމަށް އެ އެއާލައިން ހިންގާ އައިލެންޑް އޭވިއޭޝަން މެނޭޖިން ޑިރެކްޓަރު އިބްރާހިމް އިޔާސް ވިދާޅުވި އެވެ.

މޯލްޑިވިއަން އިން ވަނީ އެ އެއާލައިންގެ ސޯޝަލް މީޑިއާގައި ވެސް އެެކަން އިއުލާނުކޮށްފަ އެވެ. އިޔާސް ވިދާޅުވީ، ދަތުރުތައް ހުއްޓާލީ އެއާޕޯޓުގެ ޓެކްނިކަލް މައްސަލައަކާ ގުޅިގެން ކަމަށާއި އެ މައްސަލަ ހައްލުވާނެ ދުވަހެއް ނޭންގޭ ކަމަށެވެ.

pic.twitter.com/Yiwz3jPMCl
— MaldivianAero (@MaldivianAero) June 7, 2025

"މިހާރު" އަށް އެނގިފައިވާ ގޮތުގައި އެ އެއާޕޯޓުގެ ދަތުރުތައް ހުއްޓާލީ ފަޔާ ވެހިކަލްގެ މައްސަލައަކާ ގުޅިގެންނެވެ. މިދިޔަ އަހަރުގެ އޮކްޓޫބަރު މަހު ވެސް ފުނަދޫ އެއާޕޯޓުގެ ފަޔަ ޓްރަކް ހަލާކުވުމުން މޯލްޑިވިއަންގެ ދަތުރުތައް ކެންސަލްކޮށްފައިވެ އެވެ.

މޯލްޑިވިއަން އިން ހަފްތާއަކު ތިން ދަތުރު ފުނަދޫއަށް ކުރެ އެވެ. ހޮނިހިރު ދުވަހުގެ އިތުރުން ދެން ފޮނުދޫއަށް ދަތުރުތައް ކުރާނީ އަންގާރަ އާއި ބުރާސްފަތި ދުވަހު އެވެ.

ށ. ފުނަދޫ އެއާޕޯޓު ހުޅުވީ 2020 ވަނަ އަހަރު އެވެ. ރީޖަނަލް އެއާޕޯޓްސް އިން ހިންގާ އެ އެއާޕޯޓުގެ ރަންވޭގެ ދިގުމިނުގައި 1،200 މީޓަރު އަދި ފުޅާމިނުގައި 30 މީޓަރު ހުރެ އެވެ. ޓެކްސީވޭގައި 90 މީޓަރު ހުންނައިރު، އޭޕްރަންގެ ފުޅާމިނަކީ 50 މީޓަރެވެ. އެ އެއާޕޯޓުގެ އޭޕްރަންގެ ދިގު މިނަކީ 150 މީޓަރެވެ.

ޑޮމެސްޓިކް އެއާޕޯޓުތައް ފުނަދޫ އެއާޕޯޓް އިބްރާހިމް އިޔާސް (އެމްޑީ، އައިލެންޑް އޭވިއޭޝަން)

5 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޭކާރު

07 June 2025

އެންމެ ވެހިކަލެއް އޮވެގެން ނުފުދޭނެ ދެއްތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގިއްޔާ

07 June 2025

މިގައުމުގެ ހަލާކަކީ އެއްވެސް މިކަހަލަ ކްރިޓިކަލް ހާލަތަށް ވަގުތީ ބެކަޕެއްނެތީމަ. ހަލާކުވީމަ ބަންދުވީ. އެކަމެއް ހުއްޓުނީ. ދޯނީ ބީހުނީމަ ބީހުނީ. ހެޔޮ ފަސިންޖަރުން ކޮނޑަށްލައިގެން އެއްގަމަށް ގެންދަންޖެހުނަސް. ތި އައިޖީއެމް އެޗްގައިވެސް އިރުއިރުކޮޅާ ހަދަންޖެހޭ މުހިއްމު ޓެސްޓެއް ނެހެދޭނެ، މެޝިން ހަލާކުވެފައި، ކޮންމެވެސް ރިއޭޖެއްންޓެއްނެތީ، ސޮއިކުރަން ޖެހޭ ޑޮކްޓަރުނެތީ. ފަޅުރަށަކްވެސް ސީޓީ ކިއުނީމަ ނިމުނީ. މިގައުުގެ ހުރިހާކަމަކީވެސް ޕޮލިޓިކަލް ގޭމްސް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހުވެއި

07 June 2025

ކިތައްފަހަރު ތަކުރާރުވީމަތަ ކަމަކަށްވަނީ. ބެކަޕްސިސްޓަމެއް ނެތް މިވަރުން ކިހިނެތް. ހާދަ ގިނަކަންކަމުގައި އިންތިޒާމު ފުރިހަމައެއްނޫނޭ. ކޮންމެއެއްޗަކުން އެކަތިގަނޑު. ރަގަޅު މެއިންޓެނެސް ޗެކްލިސްޓެއްވެސް ނުގެންގުޅޭކަންނޭގެ. މިމީހުންގެ ޕްލޭން ބީ އަކީ މައްސަލަޖެހުނީ އެެއާރޕޯޓް ބަންދު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޅި އަލީ

07 June 2025

ފުނަދޫ ބޯޓުން ދަތުރުކުރާމީހުން މަދުކަމެން ފުނަދޫ މީހުން ޖެއްސި ސްޓަންޓެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަދޯ

07 June 2025

ފަޔާ ވެހިކަލްހަލާކުވެގެން ސްޕެއަރ ނުލިބިގެން އެއަރޕޯރޓް ބަންދު އެކަމަކު މިހާރުވެސް ސަރުކާރުގެ ޚަރަދުގައި ހުރިހާ ވަޒީރުން އެދަނީ ރާއްޖޭޭން ބޭރުގައި އެމެންގެ އާއިލާ އާއި އެކެބަނޑެ ބެއްޔާ އާއި ބެއްޔާގެ ބެއްޔާ މެންނަށް ދައުލަތުގެ ބަޖެޓުން ޚަރަދު ކޮށްގެން ފައިސާ ދީގެން މަޖާ ކުރަމުންނޭ އެކަމަށް އެކަނި ވެސް 10 ހާސް ފަޔަަރ ވެހިކަލް ގަންނާނެ ފައިސާ ވަނީ ތަޅާ ބުރުއްސާފައޭ މީ ރައީސް ޔާމީންގެ ވެރިކަމުގައި ފެނުނު ކަންކަމެއް ނޫނޭ މިވަގު ވެރިކަމުގައި މިފެންނަނީ