ބީއެމްއެލްގެ މޯބައިލް އަދި އިންޓަނެޓް ބޭންކިން މެދުކެނޑިއްޖެ

ފާތިމަތު އަޖްފާން، މިހާރު

30 ނޮވެމްބަރ 2025 - 22:35

ބޭންކް އޮފް މޯލްޑިވްސްގެ މޯބައިލް ބޭންކިން އާއި އިންޓަނެޓް ބޭންކިންގެ ހިދުމަތް މެދުކެނޑިއްޖެ އެވެ.

މީގެ ގަޑިއެއްހާއިރު ކުރިން ފެށިގެން ހިދުމަތް ހުއްޓުމަކަށް އައިސްފައި ވަނިކޮށް އެ ބޭންކުން ސޯޝަލް މީޑިއާގައި ބުނެފައިވާ ގޮތުގައި ހިދުމަތް ހުއްޓުމަކަށް އައީ ޓެކްނިކަލް މައްސަލައެއްގެ ސަބަބުންނެވެ.

އެ ބޭންކުން ބުނީ ވީހާވެސް އަވަހަކަށް މައްސަލަ ހައްލުކުރަން މަސައްކަތް ކުރަމުން އަންނަ ކަމަށެވެ.

Due to a technical issue, customers are facing interruptions to our Mobile and Internet Banking services. We are working to resolve this as soon as possible and our apologies for the inconvenience caused.
— Bank of Maldives (@bankofmaldives) November 30, 2025

މި މައްސަލަ ދިމާވެފައި ވިޔަސް ޕީއޯއެސް މެޝިނުން ކާޑުން ފައިސާ ދެއްކުމުގައި މައްސަލައެއް ދިމައެއް ނުވެ އެވެ.

ރާއްޖޭގައި އެންމެ ކަސްޓަމަރުން ގިނަ ބޭންކުގެ އިންޓަނެޓް ބޭންކިން އާއި މޯބައިލް ބޭންކިން އަށް ކުރިން ވެސް މައްސަލަ ދިމާވެ އެވެ. އާންމު ގޮތެއްގައި މި މައްސަލަތައް ކުޑަ އިރުކޮޅެއްގެ ތެރޭގައި ހައްލުވެ އެވެ.