ކޮންރެޑް މޯލްޑިވްސް ރަންގަލީގައި ހަދާ ކަނޑުއަޑީގެ ގެ: މި ގެ މިއަހަރު ފަހުކޮޅު ހުޅުވާނެ. ފޮޓޯ: ޓެލެގްރާފް
17 އެޕްރީލް 2018 - 19:25
14 comments
ދުނިޔޭގެ ކަނޑު އަޑީގައި ހަދާ އެންމެ ފުރަތަމަ ގެ ކޮންރެޑް މޯލްޑިވްސް ރަންގަލި ރިސޯޓުގައި ހަދަން ފަށައިފި އެވެ.
އެ ރިސޯޓުން މިއަދު ނެރުނު ނޫސްބަޔާނެއްގައި ބުނެފައި ވަނީ 15 މިލިއަން ޑޮލަރު (231.3 މިލިއަން ރުފިޔާ) ހަރަދުކޮށްގެން ރަންގަލީގެ ފަޅުތެރޭގައި ހަދާ ނުވަ މީހުންގެ ޖާގައިގެ ގޭގެ މަސައްކަތް މި އަހަރުގެ ފަހު ކުއާޓަރުގައި ނިމޭނެ ކަމަށެވެ. އަދި އެތަން އަންނަ ނޮވެމްބަރު މަހު ހުޅުވާނެ ކަމަށް ވެސް ކޮންރެޑުން ބުންޏެވެ.
"މުރަކަ" ނަމުގައި ތަރައްގީކުރާ ކަނޑު އަޑީގެ ގެއަކީ ރާއްޖެ އަންނަ ޓޫރިސްޓުން ހައިރާންވާ ފަދަ ތަނަކަށް ވެގެންދާނެ ކަމަށް އެ ރިސޯޓުން ދެކެ އެވެ.
މީގެ 20 އަހަރު ކުރިން ރާއްޖޭގައި ހުޅުވި ފުރަތަމަ އިންޓަނޭޝަނަލް ބްރޭންޑްގެ ހޮޓަލުގައި މީގެ ކުރިން ވަނީ "އިތާ"ގެ ނަމުގައި ކަނޑުއަޑީގެ ރެސްޓޯރަންޓެއް ވެސް ހުޅުވައިފަ އެވެ. މިއީ ދުނިޔޭގައި ހެދި އެންމެ ފުރަތަމަ ކަނޑުއަޑީގެ ރެސްޓޯރަންޓެވެ. މުރަކަ ރެސިޑެންސް ހަދަން ފެށީ، އިތާ ރެސްޓޯރަންޓް ހުޅުވިތާ މިމަހު 13 އަހަރު ފުރުމާ ދިމާކޮށެވެ.
ކޮންރެޑް މޯލްޑިވްސްގައި "މުރަކަ" ނަމުގައި ހަދާ ގޭ ކުރެހުމެއް. ފޮޓޯ: ޓެލެގްރާފް
"ކަނޑުއަޑީގެ ގެ ހަދަނީ ކަނޑުއަޑީގެ ގުދުރަތީ ރީތިކަމާއި ދިރުންތައް ފެންނަ ގޮތަށް. އެގޮތުން މުރަކަ ޑިޒައިންކޮށްފައި ވާނީ އެނބުރޭ ކޮންމެ ދިމާލަކުން ވެސް އިންޑިއާ ކަނޑުގެ ރީތިކަން ފެންނަ ގޮތަށް،" ކޮންރެޑުން ނެރުނު ނޫސްބަޔާނެއްގައި ބުނެފައިވެ އެވެ.
ކޮންރެޑްގައި އެ ގެ ހެދުމުގައި އިސްކޮށް އުޅުއްވަނީ އެ ރަށުގެ ވެރިފަރާތް ކަމަށްވާ ކްރައުން ކޮމްޕެނީގެ އެއް ހިއްސާދާރު އަހުމަދު ސަލީމާއި އެކުއޭރިމްތައް ހެދުމުގައި މަޝްހޫރު ނިއުޒިލޭންޑްގެ އެމް ޖޭ މާފީ ލިމިޓެޑްގެ ލީޑިން އިންޖިނިއަރު މައިކް މާފީއާ ދެ ބޭފުޅުންނެވެ.
ދެ ބުރިއަށް ހަދާ އެ ގޭގެ ނިދާ ކޮޓަރި ހުންނަނީ ކަނޑުއަޑީގަ އެވެ. ކިންގް ސައިޒުގެ ބެޑް ރޫމަކާއި ލިވިން އޭރިއާ އަދި ފާޚާނާއެއް ކަނޑުއަޑީގައި ހުންނަ ސުއިޓްގައި ހުރެ އެވެ. ވަށް ސިޑިއަކުން ފައިބަން ޖެހޭ އެ ސުއިޓް ހުންނަނީ ކަނޑުގެ ލޮނުގަނޑަށް ވުރެ 16.4 ފޫޓު އަޑީގަ އެވެ.
މުރަކަ ރެސިޑެންސްގެ މަތީ ފްލޯގައި ހިމެނެނީ ޓުވިން ސައިޒްގެ ބެޑްރޫމަކާއި ޕައުޑާ ރޫމް، ޖިމް، ބަޓްލާސް ކުއާޓާއަކާއި ޕްރައިވެޓް ސެކިއުރިޓީ ކުއާޓަރަކާއި ގުޅިފައި ހުންނަ ލިވިން ރޫމަކާއި ބަދިގެއެއް އަދި ޑައިނިން އަކާއި ބާ އެކެވެ. އަދި އެ ވިލާގެ ފަހަތުގައި އިރު އަރައިގެން އަންނަ މަންޒަރު ރީތިކޮށް ފެންނަ ގޮތަށް ހަދާ ޑެކްގައި އިންފިނިޓީ ސުވިމިން ޕޫލެއް ވެސް ހަދަން ނިންމާފައިވެ އެވެ. އެ ފްލޯގައި އިތުރު ކިންގް ސައިޒުގެ ބެޑްރޫމަކާއި މޫދު ފެންނަ ގޮތަށް އޮވެވޭ ބާތުޓަބެއް ހިމެނޭ ފާޚާނާއެއް ވެސް އެތަނުގައި ހުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގެދާނޯމޮސް
19 April 2018
ދިރޭ މަސްމަހާ މެސްސަކީވެސް ޝަހުވާނީ ކަންކަމަށް ލޯއަޅާ ތަކެއްޗެވެ. ޝަހުވާނީ ކަންކަން ކުރުމަށް މިފަދަ ހާމަކޮށް ހުރުމުން ނަފްސާނީ ޝޮކްތަށް ލިބޭނެ ކަން ދަންނާނެ ނަމައެވެ. އެހެނީ ގެސްޓުން ގެ ރޫމްތަކަށް އިރުގެ ދޯދި އެއް ވަންނަ ގޮތަށް ހުސްޓަސް އެމީހުން ޝަކުވާ ކުރާކަމެވެ. ކަމެއް އިތުރުކޮށްލާނަމަ ސީތްރޫ ކޮށްނުފެންނަހެން މަދިރި ގެ ފަދައެއްޗެއް ބެޑްގައި ބެހެއްޓުން ރަނގަޅެވެ.
ކުޑަމަނިކު
18 April 2018
ކޮންސެޕްޓް ރަނގަޅު... އެކަމަކު ލަފާކުރެވެނީ މިތާގައި ނިދަން ގިނަމީހުން ބިރުގަންނާނެކަމައް... ނިދާފައިތިއްބާ އެއްވެސްކަހަލަ ހާދިސާއެއްދިމާވެ އެތެރެއަށް ލޮނުގަނޑުވަދެގެންފިއްޔާ، ހޭވެރިކަންވެގެން ސަލާމަތްވާން ވަރަށް އުނދަގުވާނެތީ. މޫދުއަޑީގެ ރެސްޓޯރަންޓްއެއްގައި ތިބުމާއި ތަފާތުވާނެހެން ހީވަނީ!
އައިސް
18 April 2018
މަމެން ރަށުމީހުން ނިކަމެތިވެއްޖެ ދިވެހިރާއްޖެ މީހެކޭބުނަންލަދުގަންނަ ހިސާބައްގޮއްސި އާދައިގެ މަސްވެރިޔާ ރިސޯޓެއްގެ ފަޅަކާ ފަރަކާ ކައިރިވެސްނުވެވޭ. ގެއްލުންވެދާނެތީ ނަގިލިލާތީޔޯ؟ އެކަމު މިލިޔަނަރައް ފަރުމަތީގައި ސިމެންތިއާގަލާ އަޅައިގެން އިމާރާތް ހަދަނީ މަމެންނަށްވާފައިދާއެއްނެތް އަޅާފުލެޓްވެސް މަގަންނާނެ ގޮތެއްނެތް މަގޭ މަސައްކަތް ހުއްޓާލަންޖެހިއްޖެ ފަރެއްނެތް މަގޭ ޕިކުނިކުދާނެ ރަށެއްނެތް މައަތަކު ލާރިއެއްނެތް މަގޭމަސައްކަތް ހުއްޓުވައިފި މިލިއަނަރައް ލިބޭލާރިން މަގޭ ރަށުމީހާއަށް ލިބޭއެއްޗެއްނެތް" މަގޭދިވެހިރާއްޖެ މާގޭބޯހަލާކު "
ޑޮން
18 April 2018
މަރުޙަބާ ޢަފީފު.... މިއީ ޗަމްޕާ ޢަފީފުގެ ވަރަށްބޮޑު ޑްރީމެއް.
ހަސީނާ
18 April 2018
ހާދަ ބޮލަށްތުރާވާ ކަހަލަ ހެޑްލައިނެކޭ ، ކިޔަން އުޅެއުޅެ ބޮލުގަ ރިއްސައިގެންފި ?
ޑައިރީ
18 April 2018
ދެން ބާކީ އޮތް ބައި ކިޔާލެވޭވަރުވިތަ އަނެއްކާ؟
ސަލީމު އިދުރީސް
18 April 2018
ކަޑުއަޑީގަޔާތައްންތާ ގެއަޅައިގެން، ގައުމުގެ ގުދުރަތީ ރީތިކަން ވިއްކައިގެން މަދުބަޔަކު މިލިނަރުނައް ވިއަސް ރައްޔިތުންގެ ދިރިއުޅުމުގެ ފެންވަރުމަތި ނުވަންޏާ ތީކޮންމެހެން ރައްޔިތުންނައް މުހިންމު ހަބަރެއްނޫން
އަތްފުނާ
17 April 2018
ރާްއްޖޭގެ ކަނޑުތަކަކިީވެސް އެއްގަމުފަދައިން އިންވެސްޓް ކުރެވިދާނެ ތަނެއްކަން މި އޮތީ ކަށަވަރުކޮށްފައި.މުސްތަގުބަލްގައި ރާއްޖޭގެ ކަނޑުތަކުގައިވެސް ރިސޯޓްގެ ބޮޑުބައެއް ހެދިދާނެ އަދި އެކަމުގެ އިންޖީނެރުން މި ދުނިޔޭގައި އިންށާ ﷲ އެބަތިިބި
ކެނެޑީ
17 April 2018
ސަޅި ހުވަފެން ފެންނާނެ ދޯ ތިތާ ނިދާއިރު
ދަތްގިނަ މިޔަރު
19 April 2018
އާނ..އަދި އެންމެ ސަޅިވާނީ ބިރުވެރި ހުވަފެނެއް ފެނިގެން ކުއްލިއަކަށް ހޭލެވޭއިރު ކުރިމަތިން ބޮޑު ސިންގާމިޔަރެއް އަނގަ ތަންމިނަށް،ހުޅުވައިގެން އޮންނަތަން ފެނުނީމަ...މީހާގެ ހަމަހޭވެރިކަން ނުގެއްލިއްޖެއްޔާ ކިތަންމެހާވެސް ރަނގަޅު.
މަރޭމިތުރާ
17 April 2018
ތަފާތު ހާސްއުފާ ލިބޭނެ މަންޒިލެއް! ނަފާނުލިބި ނުދާނެ ކަނޑުގެ ގެއެއް!
މަރޭމިތުރާ
17 April 2018
ކަނޑުގެއަޑީ ނިދާލުމީ އުފާނުލިބި ނުދާނެކަމެއް! ކަނޑުގެ އަޑީގެ މަންމަންޒަރުތައް ފެނި އަޖައިބުވާކަމެއް!