ދުނިޔޭގެ އެންމެ ފުރަތަމަ ކަނޑުއަޑީ ވިލާ، ދަ މުރަކައިގެ މާސްޓަ ބެޑްރޫމް -- ފޮޓޯ: ކޮންރެޑް މޯލްޑިވްސް ރަންގިލި
03 ނޮވެމްބަރ 2018 - 16:17
15 comments
ދުނިޔޭގެ ފުރަތަމަ މޫދު އަޑީގެ ވިލާ، ކޮންރެޑް މޯލްޑިވްސް ރަންގަލި އައިލެންޑްގައި ހުޅުވައިފި އެވެ.
ޒަމާނީ ޓެކްނޮލޮޖީގެ އެހީގައި ފަރުމާކޮށް، ކޮންރެޑް ރިސޯޓުގެ މޫދު އަޑީގައި ހެދި ވިލާ އަށް ކިޔަނީ 'ދަ މުރަކަ' އެވެ. އެ ވިލާ ފަރުމާ ކުރުމުގައި އިސްކޮށް ހަރަކާތްތެރިވީ ކްރައުން ކުންފުނީގެ އެއް ޑިރެކްޓަރު އަދި އާކިޓެކްޓް، އަހުމަދް ސަލީމެވެ.
ދަ މުރަކައިގެ ކޮޓަރިއެއް: އާދައިގެ ބަޔަކަށް ޗުއްޓީ ހޭދައެއް ނުކުރެވޭނެ -- ފޮޓޯ: ކޮންރެޑް މޯލްޑިވްސް ރަންގިލި
ދެ ބުރިއަށް ޑިޒައިންކޮށްފައިވާ "ދަ މުރަކަ" ހަދަން 15 މިލިއަން ޑޮލަރު (231 މިލިއަން ރުފިޔާ) ހޭދަކުރި އެވެ. އެތަނުގައި ރެއެއް ހޭދަކޮށްލުމުގެ އަގަކީ 50،000 ޑޮލަރެވެ.
ވިލާގެ މަތީ ބައި ހުންނަނީ މޫދު މަތީގަ އެވެ. މޫދު ފަސް މީޓަރު އަޑީގައި ހުންނަނީ ނިދާ ކޮޓަރި އެވެ. އެ ބައި ހެދީ ސިންގަޕޫރުގަ އެވެ.
ދުނިޔޭގެ އެންމެ ފުރަތަމަ މޫދު އަޑީ ވިލާ، ދަ މުރަކައިގެ ޑެކް އަދި އިންފިނިޓީ ޕޫލް -- ފޮޓޯ: ކޮންރެޑް މޯލްޑިވްސް ރަންގިލި
މިމަހު އެއް ވަނަ ދުވަހު ފަތުރުވެރިންނަށް ހުޅުވާލީ 'ދަ މުރަކަ'އަށް މިހާރު ވެސް ފަތުރުވެރިންގެ ސަމާލުކަން ވަނީ ހުއްޓިފަ އެވެ. އަދި ދުނިޔޭގެ ބައެއް މީޑިއާތަކުން އެތަނާ ބެހޭ ގޮތުން އަންނަނީ ޚަބަރު ފަތުރަމުންނެވެ.
'ދަ މުރަކަ' އަކީ މޫދު އަޑީގައި ހަދާ ގޮތަށް ސަލީމް ޑިޒައިންކުރެއްވި ދެ ވަނަ ތަނެވެ. ކޮންރެޑް ރިސޯޓުގެ މޫދު އަޑީގައި ހަދާފައިވާ "އިތާ" އަކީ ވެސް އޭނާގެ ޑިޒައިނެވެ. މިއީ ދުނިޔޭގެ ފުރަތަމަ މޫދު އަޑީގެ ރެސްޓޯރެންޓެވެ.
ރާއްޖޭގެ ޓޫރިޒަމް ދާއިރާގައި ދުނިޔޭގެ ނަމޫނާއަކަށް ވާ ކަހަލަ ހިތްގައިމު އެތައް ތަނެއް މިހާރު ހިމެނެ އެވެ. އަދި ކުރިއަށް އޮތް ތަނުގައި ވަރަށް ތަފާތު ޑިޒަައިންތަކުގެ ރިސޯޓްތައް ވެސް އަންނަނީ ހަދަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔައުގޫބު
05 November 2018
ޤައުމުގަ އަބަދުވެސް އެއްބަޔަކު ބޭނުންވަނީ ފިތުނަ އުފައްދަން ހުއްޓާލަބަލަ ތިކަންތައް
ޖަނާބު
04 November 2018
ކޮންމެވެސް ކުއްޖަކު މިތަންކޮޅު އޮޅުންފިލުވަދީބަލަ. "ވިލާގެ މަތީ ބައި ހުންނަނީ މޫދު މަތީގަ އެވެ. މޫދު ފަސް މީޓަރު އަޑީގައި ހުންނަނީ ނިދާ ކޮޓަރި އެވެ. އެ ބައި ހެދީ ސިންގަޕޫރުގަ އެވެ." ވިލާގެ މަތީބައި ރާއްޖޭގައި ހުރެފައި ތިރީބައި ސިންގަޕޫރުގައި ހުންނަވާހަކަތަ؟ ނޫނީ ސިންގަޕޫރުން ކޮޓަރި ހަދައިގެން ގެނެސް ފެއްތީއޭތަ؟
އެޔާމީނު
05 November 2018
ތިޚަބަރުތަކުން ވާނުވާ ނޭނގުނިއްޔާ ރަނގަޅީ. ރާއްޖޭގައި ރެއަކަށް 50،000 ޔޫއެސް ޑޮލަރަށް މީހުން ނިދާއިރު އަހަރުން މިގައުމުގެ އަސްލު ރަށްވެހީން މިނިދަނީ 12 ފޫޓު 10 ކޮޓަރިއެއްގައި 5 މީހުން 6 މީހުންގެ ޢާއިލާއެއް.
އާދަން
05 November 2018
ތިބޭފުޅާ އަށްވެސް އެބުނާ ވާހަކަ ހަމަ ރަގަޅަށް އެނގޭނެ. މާ ކަންބޮޑު ކުރައްވާނެ ކަމެއްނެތް. ހަމަ ހަގީގަތުގައިވެސް ނޭގުނިއްޔާ ދެން އަމިއްލަޔަށް ތިމާގެ ވިސްނުމުގަ ހުރި ކޮށިކަމާއި ގަމާރުކަން ގަބޫލު ކުރައްވައިގެން ހުންނެވުން ރަގަޅުވާނެ. ސިކުނޑީގެ ގޮތުން އެހާ ނުކުޅެދިއްޖެ މީހަކު ފޯރަމްތަކުގައި މާ ގިނަ ވާހަކަ ދެއްކުން ރަގަޅެއް ނުވާނެ.
ދާދޭ އިސް އެން އިޑިއަޓް
04 November 2018
މިހާރުގެ ޒުވާނުން ބޭނުންވަނީ މަސައްކަތެއް ނުކޮއް ފައިސާ ހޯދަން. އޭގެ ހެއްކެއް ޔާމީންގެ ކެމްޕެއިންގައި ވަޒީފާތަކަށް ވެއްދި ގިނަ ޒުވާނުން އޮފީހަށް ކާޑު ޖަހާފަ އަބަދު ބޭރުގަ ނޫނީ ސިޔާސީ ކަންތަކުގަ އުޅުން.
ރޯޒް
04 November 2018
ވަރަށް އުފާވޭ ރާއްޖޭގަ ތިވަރު ފެންވަރު ރަނގަޅު ތަނެއް ހެދީމަ. އެކަމު އަހަރެންނަށް ތިތަން ހަމަލޮލުން ބލާލުނުގެ ފުރުސަތުވެސް ނުލިބޭނެ. ނުވާނެކަންތަކަށް އުންމީދެއް ނުކުރަން.
ދޮށީކޮއި ޢަލީގެ މުޙައްމަދު
05 November 2018
މަރުހަބާ އިބޫ އަންނި
ކަލް
03 November 2018
މޮޔަ ވާހަކަ ނުދަައްކާ. ތި ވަރު ތަނެއް ހަދާކައް 50މިލިއަން ހަރަދެއް ނުވާނެ.
ައަފީފު
04 November 2018
ރަނގަޅަށް ބަލާފަ ކޮމެންޓް ކޮށްބަލަ
އާދަނޫ
04 November 2018
50 ނޫން އިނީ. ރަނގަޅަށް ކިޔާބަލަ. 15 އިނީ
ހަބޭސް222
05 November 2018
އަދުރޭގެ ފޮތުން ކިޔެވި މީހަކަށް ވާނީ!
ނޫނު
03 November 2018
މައްސަލައެއްނެތެންނު ސަރުކާރަކަށް ރިސޯޓެއް ހިންގޭކަމަކަށް ނުވިވިއްޔާ!
އަލިފް
03 November 2018
ރިސޯޓް ތަކުގެ 80 ޕަސެންޓް އަކީ ބިދޭސީ މުވައްޒަފުންނެވެ. ގާނޫނު މުގުރާލާފައެވެ. ޒުވާނުންގެ ބޮޑު އާބާދީ ވަޒީފާނެތިއެވެ.
ހަކީމް
03 November 2018
ކިޔަވައިގެން ، ތަމްރީން ލިބިގެން ނިކުންމަ ޒުވާނުންނަށް ވަޒީފާ ލިބެއެވެ. އިޙްލާސް ތެރިކަމާއި އެކު ވަޒީފާގައި އުޅޭނަމަ ކުރިއެރުންވެސް ލިބެއެވެ. ރާއްޖޭގެ ގެސްޓް ހައުސްތަށް ވަރުބަލި ކަމެއް ނެތި އޮޕެރޭޓް ކުރާ ޒުވާން ވިޔަފާރި ވެރިންވެސް މަދެއް ނޫނެވެ.
ދާދޭ
03 November 2018
ވަޒީފާއަކީ ޕާޓްޓައިމް ކޮށް ރިސޯޓްތަކުގައި އަދާކުރެވޭނެ ވަޒީފާއަކަށް ހަދަނިކޮށް ރާއްޖޭގެ ޒުވާނުން އެވަޒީފާއަށް ވަންނާނެ. އަދި ހަފްތާއަކު އާދީއްތަ ބުާސްފަތި ހުކުރު ހޮނިހިރު އޮފް ވެސް ދޭންވާނެ. މިނޫންގޮތަކަށް ވިއްޔާ ނުދާނަން.