ޝެރަޓަން މޯލްޑިވްސްގެ ޕޫލާއި އެކު ތަރައްގީ ކުރި ބަންގަލޯ | ފޮޓޯ: ޝެރަޓަން
04 ޑިސެމްބަރ 2018 - 16:24
ޝެރަޓަން މޯލްޑިވްސް ފުލް މޫން ރިސޯޓް އެންޑް ސްޕާ 300 މިލިއަން ރުފިޔާގެ ބޮޑު މަރާމާތަކަށް ފަހު، އާ ރިސޯޓް ދައްކާލައިފި އެވެ.
އެ ރިސޯޓް އަލުން ޑިޒައިން ކޮށްފައި ވަނީ ރާއްޖޭގެ ސަގާފަތާއި ޒަމާނީ ކަންކަން އެއްކޮށްލައިގެން، ދުނިޔޭގެ ނަން މަޝްހޫރު ކުންފުންޏެއް ކަމަށްވާ ބުޓީކް މަލްޓި ޑިސިޕްލިނަރީ ޑިޒައިން ޕްރެކްޓިސް އެވެ.
ކ. ފުރަނަފުށީގައި ތަރައްގީ ކޮށްފައިވަނީ ޝެރަޓަން ރިސޯޓަކީ ފަސް ތަރީގެ ފެންވަރުގައި 176 ވިލާ އާއި އެކު ހިންގަމުން އަންނަ ރިސޯޓެކެވެ. އޭގެ އިތުރުން އެ ރިސޯޓުގައި ހަތް ރެސްޓޯރަންޓާއި، ބާތަކާއި، ޝައިން ސްޕާ އަދި ތިން ސުވިމިން ޕޫލް ހިމެނެ އެވެ.
ޝެރަޓަން މޯލްޑިވްސް ފުލް މޫން ރިސޯޓް އެންޑް ސްޕާ | ފޮޓޯ: ޝެރަޓަން
މަރާމާތަށް ފަހު، ޝެރަޓަން އިން ޖާގައިގެ ތަނަވަސް 10 ފެންވަރުގެ ވިލާ ވަނީ ޓޫރިސްޓުންނަށް ހުޅުވާލައިފަ އެވެ. އެގޮތުން ޑިލަކްސް ކޮޓެޖް، ކޮޓެޖް ވޯޓަ ބަންގަލޯއާއި ސުވިމިން ޕޫލް އާއި އެކު ފަރުމާ ކުރި ބަންގަލޯ ހިމެނެ އެވެ.
ޝެރަޓަން އިން ބުނި ގޮތުގައި ޕޫލް އާ އެކު ފަރުމާކުރި ބަންގަލޯތަކަކީ އާއިލާތަކް ހާއްސަ ކޮށްގެން ތަރައްގީކޮށްފައިވާ ތަނެއް ކަމަށެވެ. އެގޮތުން ކުޑަކުދިން ރައްކާތެރިކަމާއެކު މަޖާ ކުރުމަށް އެ ޕޫލް ބޭނުން ކުރަން ވަރަށް ރަނގަޅުވާނެ ކަމަށް ޝެރަޓަން އިން ބުންޏެވެ.
ޝެރަޓަން މޯލްޑިވްސްގެ ފީސްޓް ރެސްޓޯރަންޓް | ފޮޓޯ: ޝެރަޓަން
ޝެރަޓަން މޯލްޑިވްސް ފުލް މޫން ރިސޯޓް އެންޑް ސްޕާ އަކީ ވެލާނާ އިންޓަނޭޝަނަލް އެއާޕޯޓުން ލޯންޗެއްގައި 15 މިނެޓުން ދެވޭ ރިސޯޓެކެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ހެޔޮނުވާނެ
04 December 2018
ޝެރަޓަަން ދައްކާލުމަކުން އަދި ނުފުދޭ..މަށަށް ތިތަނަށް ދެވުން މުހިންމީ..ނީޑް ސްޕޮންސާރސް ޕުލީޒް!!
ސާއިދާ
04 December 2018
މަވެސް ގެންދާތި ދައިރުގަ.. ޕުލީޒްްްްްްްް
ހެޔޮނުވާނެ
04 December 2018
އޯކޭ ސާއީ ތިއީ ސައްކެއްވެސް އޮތްކަމެއް ނޫން..