ފެލިވަރު އައިސް ޕްލާންޓުގައި މަސް ފިނިކުރުމަށް ބަހައްޓާފައި-- ފޮޓޯ:ނިޝާން އަލީ/ މިހާރު
22 އޮކްޓޯބަރ 2019 - 14:29
5 comments
ގަނޑުކުރި މަސް އަންނަ ޑިސެމްބަރު މަހުން ފެށިގެން މިފްކޯ އިން ވިއްކުން ހުއްޓާލާނެ ކަމަށް އެ ކުންފުނިން ބުނެފި އެވެ.
މިފްކޯގެ ސީއީއޯ އިސްމާއިލް ފައުޒީ ވިދާޅުވީ، މިފްކޯ އިން ވިއްކާ މަހުގެ ބާވަތްތަކަކީ 100 ޕަސެންޓް ޕްރޮސެސްޑް މަހަށް، އަންނަ ޑިސެމްބަރު މަހުން ފެށިގެން ހަދާނެ ކަމަށެވެ. އެގޮތުން ތައިލެންޑަށް ފޮނުވާ މަސް އެ ގައުމުގެ ފެކްޓްރީއެއްގައި ޕްރޮސެސްކުރުމަށް ފަހު، ބޭރުގެ އެހެން ކުންފުނިތަކަށް ވިއްކުމަށް ހަމަޖެހިފައިވާ ކަމަށް އޭނާ ވިދާޅުވި އެވެ. އެގޮތުން ކުންފުނީގެ ގެއްލުން ކުޑަކުރެވޭނެ ކަމަށް އޭނާ ވިދާޅުވި އެވެ.
"މިކަން ކުރަނީ އައިޓީއެފްސީ [އިންޓަނޭޝަނަލް އިސްލާމިކް ޓްރޭޑް ފައިނޭންސް ކޯޕަރޭޝަން] ލޯން އެހީގެ ދަށުން. މިކަން ކުރުމަށް ވާންޖެހޭ އެންމެ ފަހުގެ ތައްޔާރީތައް މިހާރު ވަނީ،" އޭނާ ވިދާޅުވި އެވެ.
ފެލިވަރު އައިސް ޕްލާންޓުގައި މަސް ފިނިކުރަން-- ފޮޓޯ:ނިޝާން އަލީ/ މިހާރު
މިމަހު ކުރީކޮޅު އައިޓީއެފްސީން ވަނީ ރާއްޖެއަށް 1.5 ބިލިއަން ޑޮލަރުގެ ލޯނު އެހީ ދިނުމަށް އެއްބަސްވެފަ އެވެ.
ރާއްޖެއިން އެކްސްޕޯޓުކުރާ މަހުގެ 70 ޕަސެންޓަކީ ގަނޑުކުރި މަހުގެ ގޮތުގައި ތައިލެންޑަށް ވިއްކާ މަހެވެ. ތައިލެންޑުގެ މަސް ފެކްޓްރީތައް މެދުވެރިކޮށް ރާއްޖޭގައި ބާނާ މަސް ޕްރޮސެސްކުރުމަށް ނިންމާފައި ވާއިރު މިހާރު ވެސް ކޫއްޑޫ އާއި ފެލިވަރުން އަންނަނީ ރާއްޖޭގައި ބާނާ މަސް ޕްރޮސެސްކޮށް ވިއްކަމުންނެވެ. އެ ދެ ތަނުން ޕްރޮސެސް ކުރެވެނީ ރާއްޖޭގައި ބާނާ މަހުގެ ގާތްގަނޑަކަށް 30 ޕަސެންޓެވެ.
ފެލިވަރުން ބަންދުކުރާ މަސް ދަޅުތައް-- ފޮޓޯ: ނިޝާން އަލީ/ މިހާރު
އިސްމާއިލް ވިދާޅުވީ ކުރިއަށް އޮތްތަނުގައި، ރާއްޖޭގައި ބާނާ ހުރިހާ މަހެއް ރާއްޖޭގައި ޕްރޮސެސް ކުރުމަށް ކޫއްޑޫ އާއި ފެލިވަރުގެ ކެޕޭސިޓީ އިތުރު ކުރާނެ ކަމަށެވެ. އެކަން ކުރުމަށް ބޭނުންވާ ފަންޑު ހޯދުމުގެ މަސައްކަތް ކުރާ ކަމަށް އޭނާ ވިދާޅުވި އެވެ. އޭނާ ވިދާޅުވީ، އަންނަ އަހަރުގެ ތެރޭގައި މިކަމުގެ އަމަލީ މަސައްކަތް ފަށާނެ ކަަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހެނދުނު
27 October 2019
ދިވެހިރާއްޖޭގައި ހަދާފައިހުރި 2 ފެކްޓްރީ އަޕްގްރޭޑް ކުރުމަށް މި 1.5 ބިލިޔަން ޑޮލަރު ބޭނުން ކުރިނަމައެވެ. ބޮޑު 2 ރަށެއް އެވަނީ އެކަމަށް ހުސްކުރެވިފައެވެ. ޖާގަ އެބައޮތެވެ. ހަމަ އެކަނި ޖެހޭނީ ކެޕޭސިޓީ އިތުރުކޮށްލާށެވެ. އައިސްޕްލާންޓް ހަދާފައި ހުންނަ ރަށްރަށުގައި މަސް ސްޓޯ ކުރެވޭ ތަނެއް ހަދާލަނިކޮށް ކުދި ބޯޓްތަކެއް ގެންގޮސް 20 ޓަނު މަސް ކިރުވާކަށް ނުޖެހޭނެއެވެ. މިވެރިންގެ އިޚްލާޞްތެރިކަމެއް އެބަހުރިބާއެވެ. މަމެންނަށް ބުނެވޭނީ އެހެން ހެދިނަމައެވެ.
ގަމާރު
23 October 2019
1.5 ބިލިއަން ޑޮލަރުންވެސް ނުވެގެން އިތުރަށް ހޯދާވާހަކަ މިދައްކަނީ. ފުކެއް ބޮޑުވަރު ދޯ؟
ޒަރީ
23 October 2019
ތިވެސް ބޭރުގައުމެއްގެ ބައެއްލައްވާ ދަޅުގައި ބަންދުކުރާ ގޮތަށް ހެދުމުގެ ބަދަލުގައި ރާއްޖޭގައި ކުރާނަމަ އިތުރުމީހުންނަށް ވަޒީފާ ލިބި އެހެނިހެން ފައިދާވުންވެސް ގާތް. އަމިއްލަ ފައިމައްޗަށް ތެދުވުމުގެ ޤާބިލްކަން ހޯދަންޖެހޭ. އަދި މިފްކޯގެ ކަނޑުއޮތްގިރިން ކަންނެލި ގަނެވޭނެގޮތްވެސް ހަދަންޖެހޭ.
ރާޖާ
27 October 2019
%100 ތާއީދު.. އެކަމަކު މިގައުމަށް ލޯބި ހުރި ބަޔަކު ސިޔާސީ ދާއިރާގަ ތިބި ކަމަށް ނުބެލެވޭ.
ނަސީދު
23 October 2019
ޑީލްހަދާލީ މިދެން ކިހާދެރަވެއްޖެކަމެއް ބާނާމަސްކޮޅުވެސް މިސަރުކާރައް ދަޅުގައި ބަންދުކުރުނުގެ ގާބިލުކަން ނެތީ މީއަދި ކުރަމުން އައި ކަމެއް ދެންކިހިނެތްތޯ އަދި ފެއްކްޓިރީއެއްއަޅައިގެ މިކަންމިވެރިންކުރާނީ