ދިރާގުގެ މައި އޮފީސް:ފޮޓޯ: މިހާރު
04 ފެބުރުއަރީ 2020 - 22:04
10 comments
ދިރާގުން ދެވަނަ ސަބްމެރިން ކޭބަލެއް އެޅުމަށް އެއްބަސްވުމެއްގައި މިއަދު ސޮއިކޮށްފި އެވެ.
ދިރާގުން ވަނީ މި މަސައްކަތް ކުރުމަށްޓަކައި މަލްޓި-ޕާޓީ އެގްރީމެންޓެއްގައި ސޮއިކޮށްފަ އެވެ. ރާއްޖެ އާއި ސްރީލަންކާއާ ދެމެދު އަޅާ މި ސަބްމެރިން ކޭބަލްގެ މަސައްކަތް ކުރުމަށް ހަމަޖެހިފައި ވަނީ ވާވޭ އިންޓަނޭޝަނަލް ޕްރައިވެޓް ލިމިޓެޑާ ހަވާލުކޮށްގެންނެވެ.
ދިރާގުން ވަނީ މި މަސައްކަތަށް 8.4 މިލިއަން ޑޮލަރު ހަރަދު ކުރުމަށް ނިންމައިފަ އެވެ. އެތަނުން ބުނީ، މި ޕްރޮޖެކްޓް ނިމުމުން ރާއްޖެ އާއި ބޭރު ގައުމުތަކުގެ ބޭންޑްވިތް ރަނގަޅުކުރެވި، ނެޓްވޯކް ކަނެކްޓިވިޓީ އިތުރަށް ވަރުގަދަ ކުރެވޭނެ ކަމަށެވެ.
މި ކޭބަލްގެ 45 ޕަސެންޓްގެ ހިއްސާ ދިރާގުވާ އިރު ރާއްޖޭގައި މުއާސަލާތީ ހިދުމަތް ދޭ، އުރީދޫ މޯލްޑިވްސް އިން ވެސް މި ކޭބަލްގެ 45 ޕަސެންޓު ހިއްސާވެ އެވެ. ބާކީ 10 ޕަސެންޓު ހިއްސާވަނީ ސްރީލަންކާގެ މުއާސަލާތީ ހިދުމަތް ދޭ ކުންފުންޏެއް ކަމަށްވާ ޑައިލޮގް އެޒިއޭޓާ އެވެ.
މި ހާއްސަ ޕްރޮޖެކްޓްގެ ސަބަބުން ދިރާގުން ދޭ ހިދުމަތްތަކުގެ ފެންވަރު އިތުރަށް ރަނގަޅުކޮށް، ކަސްޓަމަރުންނަށް ބުރޫ ނާރާނެ ގޮތަށް ހިދުމަތްތައް ފުޅާ ކުރެވޭނެ ކަމަށް އެ ކުންފުނި ބުނެ އެވެ.
ދިރާގުން އެންމެ ފުރަތަމަ ސަބްމެރިން ކޭބަލެއް އެޅުމުގެ މަސައްކަތް ފެށީ 2011 ވަނަ އަހަރު އެވެ. ލަންކާ އާއި ރާއްޖެއާ ދެމެދު އެޅި 1،253 ކިލޯމީޓަރުގެ ދިގު މި ސަބްމެރިން ކޭބަލް މެދުވެރިކޮށް ދިރާގުން ބްރޯޑްބޭންޑް އިންޓަނެޓާއި އެ ނޫން ވެސް މުވާސަލާތީ ގިނަ ހިދުމަތްތަކެއް އަންނަނީ ދެމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔިތުންން
05 February 2020
ގުޅިގެން ރައްޔިތުން ފެލާ ދެކުންފުނި ތިޔައީ.. ބިޒްނަސް ޓާމްގައި ކިޔަނީ ޑޫޕޮލޮޖީ.. ނެޓް ބިލު ކުޑައެއް ނުވޭ.. ޖީޑީޕީ ޕަ ކެޕިޓާ ބޮޑުވިޔަސް ރައްޔިތު މީހާ ޖީބަށް ނުފެނޭ.. އިކޮނޮމީ މިއޮތީ ހުއްޓިފައި.. ވައިރަސް އަރައިގެން ސަރުކާރު ހޭދަކުޑަވާވަރަކަށް ރައްޔިތުންނަށް ގެއްލުން
ފިރާގް
05 February 2020
ދުނިޔޭގެ ލެއްވި ހުރިހާ ވަލެއް އެޅިޔަސް ތިވާނީ ތިޔަށް! މިއޮށް ކުޑަކުޑަ މާލޭގައި މޮބައިލް ކަވަރޭޖްނުލިބޭ އެތަކެއް ސަރަހައްދެއް އެބަހުރި ، ހިދުމަތަކަށް އެޕްލައިކޮށްގެން މަސްދުވަސްވާއިރު ކަހާތަން ހިރުވާވެސް ނުލާ! ދިރާގު ބޮޑު ރޯގާއަކަށްވެ ފަރުވާއެއްނެއް ބައްޔަކަށް ބަދަލުވެއްޖެ.
ހަސަނު
05 February 2020
ހަބަރު ކިޔަލީމާ އެނގުނީ އަދި މީ ދިރާގުން ކުރާ ކަމެއް ނޫންކަން.. އުރީދޫ ވެސް އެބައުޅޭ...
ވަހީދު
05 February 2020
ތިޔަ އަޅާނެ ކަމެއްނެތް. ނެޓްބިލްގެ އަގުބޮޑުކުރެވޭތޯ އުޅޭ.
5 ވައްތަރު
05 February 2020
ކިތަންމެ ގިނަ ކޭބަލެއް އެޅިޔަސް ނުކިއްސަރު ބިލް ފޮނުވުމެއް ނުހުއްޓޭ
ހަކީމް
05 February 2020
ދިރާގު އަދި އޫރިދޫ އަށްވެސް ކުރިއަށް އޮތްތަނުގައި ވާދަވެރި އަގެއްގައި ހިދުމަތް ލިބި ރަށްޔިތުންނަށް މީގެ ފައިދާ ލިބޭނެ ކަމަށް އުއްމީދު ކުރަން.
ރަބަރު
05 February 2020
ކިތައްމެ ގިނައިން ތިއެއްޗެއް އެޅިއަސް އިންޓަނެޓް ގަ މައްސަލަ ނުޖެހޭ ދުވަހެއް ނައާދޭ.
އަހްމަދުކަލޯ
05 February 2020
އެބަ ރަނގަޅުވޭ މީ މާގިނަ މީހުން އުޅޭ ތަނެއް ނޫން ކޮންމެބަޔަކު ވަކި ވަކިން ސަބްމެރިން ކޭބަލް އަޅާކަށް ގުޅިގެން ކުރީމަ އެނމެ ފައިދާ ވާނީ
ދުމޭ
05 February 2020
ކޭ މް އިން އަޅާފަ ދިރާގަށާ، އުރީދޫ އަށާ އާރު އޯ އެލް އަށާ އަދިވެސް ބޭނުންވާ ފަރާތްތަކަށް ކުއްޔަށް ދޭންވީ... ހުޅު މާލޭ ފޭސް 2 ގަ އެހެންހަދަން އެޗްޑީސީން ކުރި މަސައްކަތް ނުފޫޒުފޯރުވައިގެން ބަޔަކު މިސަރުކާރަށއ ދޮންކަޅުނާންގާ ބަދަލުކޮށްލީއޭވެސް ކިޔާ! ހީވަނީ ޖީބު ބޮޑުކޮށްލީހެން.
ޖުލައި
04 February 2020
ނެޓު ހެވެއްނުވޭ. ދެން ތިކޭބަލު ގެ އަގު ހޯދަން އިތުރައް ބޮޑުވާނީ