ކޭ ޕާކް ރެޒިޑެންސްގެ ކުރެހުމެއް--
05 ސެޕްޓެމްބަރ 2021 - 18:05
2 comments
ހުޅުމާލޭގެ ސެންޓްރަލް ޕާކު ސަރަހައްދުގައި އިމާރާތް ކުރަމުން އަންނަ ކޭ ޕާކް ރެޒިޑެންސް ނިންމައި އަންނަ އަހަރު އެ ތަނުގައި މީހުން ދިރިއުޅެން ފަށާނެ ކަމަށް އެ މަސައްކަތް ކުރާ ހަމްބޯ ކުންފުނިން މިއަދު ބުނެފި އެވެ.
އެ ކުންފުނިން ބޭއްވި ނޫސްވެރިންގެ ބައްދަލުވުމެއްގައި ހަމްބޯ އިން ވަނީ ކޭ ޕާކުގެ މަސައްކަތް ނުނިމި ގިނަ ދުވަސް ވާތީ މާފަށް އެދިފަ އެވެ. އަދި މި އަހަރު ނިމުމުގެ ކުރިން އެޕާޓްމަންޓުތަކުގެ މަސައްކަތް ނިންމާނެ ކަމުގެ ޔަގީންކަން ދޭ ކަމަށް އެ ކުންފުނިން ބުންޏެވެ.
މި އިމާރާތުގެ މަސައްކަތުގެ ބޮޑު ބައެއް ނިމިފައިވާއިރު، މިހާރު ކުރަމުން އަންނަނީ އެތެރޭގެ މަސައްކަތްތަކެވެ. އެގޮތުން ފިނިޝިން އަށް ބޭނުންވާ ހުރިހާ ސާމާނެއް މިހާރު ސައިޓަށް ގެންގޮސްފައިވާ ކަމަށާއި އަންނަ މަހުގެ ނިޔަލަށް އިލެކްޓްރޯނިކް ސާމާނު ވެސް ގެންދާނެ ކަމަށް ހަންބޯއިން ބުންޏެވެ.
މި އިމާރާތުގައި މުޅިން ވެސް ބޭނުންކުރަނީ ދެކުނު ކޮރެއާގެ އުފެއްދުންތަކެވެ.
ކޭ ޕާކް ރެޒިޑެންސަކީ ކޮރެއަން ސްޓައިލަށް ތަރައްގީކުރާ މިކްސް-ޔޫސް ރެސިޑެންޝަލް އެޕާޓުމަންޓުތަކެކެވެ. ޖުމުލަ 14 ބުރީގެ މި އިމާރާތުގައި 110 އެޕާޓްމަންޓް ހިމެނޭނެ އެވެ.
މި އިމާރާތުގެ އަމަލީ މަސައްކަތް ފެށީ 2017 ވަނަ އަހަރު އެވެ. އޭރު ލަފާކުރީ އިމާރާތުގެ ހުރިހާ މަސައްކަތެއް ނިމި، މިދިޔަ އަހަރު އެޕާޓުމަންޓްތަކުގައި މީހުންނަށް ދިރިއުޅެން ފެށޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަށުމީހާ
06 September 2021
ތި އިމާރާތުގާ ދިރިއުޅެވޭނީ ކިހާވާރެއްގެ މުށްސަދި ބަޔަކައްބާ
ދިސްވޭދޯ
05 September 2021
ހުޅުމާލެ ފަދަ ޑިމާންޑް ބޮޑު ތަނެއްގައި ރިއަލް އެސްޓޭޓް އުސޫލުން ކުރާ ވިޔަފާރި އަށް އެތައް އަހަރު ތަކެއް ނަގަނީ މި އިމްތިޚާނުން އިނގޭ އެއްޗަކީ ހުޅުމާލޭގައި އިމާރާތް ކުރާ ހުރިހާ ރިއަލް އެސްޓޭޓް ވިޔަފާރި އިމާރާތް ތައް ދޭންވީ އެމްޓީސީސީ އަށޭ އިމާރާތުގެ މޮޑެލް ވެސް ބަދަލު ކޮށްލަންވީ އަޅާނީ ސްލެބް އެކަނި ދެން ސްލެބް ވިއްކާލުމުން ވެރިފަރާތުން ބޭނުންވާ ޑިޒައިނަށް ހަދާނީ ދެ ސްލެބް ދޭތެރޭ އުސްމިނުގައި 6 މީޓަރު ދެން ސްލެބް ތޮރުފައިގެން އެމްއީޕީ ނާޅާނެއޭ