މުނިފޫހިފިލުވުން

މެޒޯ މޯޑްގެ ލަވަތައް ކުޅުމުގެ ހުއްދަ ހަބޭސް ބޮޑުބެރު ބޭންޑަށް ދީފި

މެޒޯ މޯޑްގެ ލަވަތައް ކުޅުމުގެ ހުއްދަ ހަބޭސް އަށް ދިންކަމުގެ ލިޔުމާ އެކު މޯޑް އާއި އައްޔަ.

ދިވެހިންގެ ތެރޭގައި މަގުބޫލުވެގެން ދިޔަ އަމިއްލަ ރާގުގެ ގިނަ ލަތަކެއް ކިޔާފައިވާ މުހައްމަދު މާޖިދު (މެޒޯ މޯޑް) ގެ ލަވަތައް ކުޅުމުގެ ހުއްދަ ކުޅަދާނަ ބޮޑުބެރު ބޭންޑް ހަބޭސް އަށް ދީފި އެވެ.

އެ ހުއްދަ ދިން ކަމުގެ ލިޔުމުގައި މެޒޯ އާއި ހަބޭސް އިން ވަނީ ސޮއި ވެސްކޮށްފަ އެވެ.

ހަބޭސް ބޮޑުބެރު ބޭންޑްގެ ވެރިޔާ އަލީ ޝިފާއު (އައްޔަ) ބުނީ މެޒޯގެ ލަވަތައް ކުޅެން ރަސްމީކޮށް ހުއްދަ ލިބުމުން، ވަރަށް ބޮޑަށް އުފާވެ ހިތްހަމަޖެހިފައިވާ ކަމަށެވެ.

"ޝޯއެއްގެ ތެރޭގައި ދިމާވެގެން މެެޒޯއާ ދެކެވުނު ވާހަތަކެއްގެ ތެރެއިން އަސްލު މި ފުރުސަތު ހަބޭސް އަށް ތަނަވަސްވީ. ދެތިން އަހަރެއްވެއްޖެ މިކަމާ އަހަރެމެން އުޅޭތާ،" އޭނާ ބުންޏެވެ. "ވަރަށް އުފާވި މެޒޯ މޯޑް އެ ފުރުސަތު ހަބޭހަށް ތަނަވަސްކޮށް ދިނީތީ. އެހެންވެ ވަރަށް ބޮޑަށް ޝުކުރު އަދާކުރަން ވެސް ބޭނުން."

އައްޔަ ބުނީ މެޒޯ މޯޑްގެ އަމިއްލަ ރާގުގެ ލަވަތައް ވަރަށް ޗާލު ކަމަށާއި އެ ލަވަތަކުގެ ރީތިކަން އެ ގޮތުގައި ގެނެސް ދޭން ހަބޭސް ބޮޑުބެރު ބޭންޑާއި އެ ކުޑައިގެ ދަށުން ހިންގާ އެހެން ބޭންޑްތަކުން ވަރަށް ބޮޑު އިސްކަމެއް ދޭނެ ކަމަށެވެ.

"އަހަރެމެންގެ ހުރިހާ ބޭންޑްތަކަށް މެޒޯ މޯޑްގެ ލަވަތަކަށް މިހާރު ޕަފޯމް ކުރެވޭނެ،" އޭނާ ބުންޏެވެ. "މިއީ އަސްލު އަހަރެމެންނަށް ލިބުނު ވަރަށް ބޮޑު ޝަރަފެއްގެ ގޮތުގައި ދެކެނީ."

ހަބޭސް ކުޑައިގެ ދަށުން ގްރެވިޓީ ބައި ހަބޭސް، ހަބޭސް ޕޮޕް އަދި ހަބޭސް ފިއުޝަންގެ ނަމުގައި ބޭންޑްތައް ހިންގަ އެވެ.

8 ކޮމެންޓް, 18 ރިއެކްޝަންސް

icon happy icon happy 72%
icon sad icon sad 11%
icon angry icon angry 17%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

ދުންޔާ

21 April 2017

ހަބޭސް އަކީ ދިވެހި ރާއްޖޭގަ އަމިއްލަ ރާގުގެ އެންމެ މުއްސަނދި ބޭންޑް. ހަބޭސް އިން މިހާރުވެސް އެތައް އަމިއްލަ ރާގެއް އުފައްދާ އެ ލަވަތަށް ނެރުމަށް މަސައްކަތް ކުރަމުން ދާކަން އަހަރުމެނަށް އިނގޭ. އަހަރެން ހަބޭސް ގެ ހުރިހާ ސޯސަލް މީޑިއާ އެއް ފޮލޯ ކުރާތީ ލައްކަ ކަންކަން އިނގޭ މީހެއްގެ ހައިސިއްޔަތުން މި ބުނެލީ. މެޒޯ ގެ ލަވަތަށް ކިޔަން ވެސް އެންމެ ރީތި ގޮތުގައި ހުއްދަ އަށް އެދިލީމަ ހަބޭސް ގެ ޕްރޯ ކަން އަހަންނަށް ވެސް ސިފަވީ.

The name is already taken The name is available. Register?

ޝަވަރުމާ

21 April 2017

ހަބޭސް ތީ ވަރަށް ޕްރޯ ގްރޫޕް އެެއް. ކުރިޔަށް ދާންވީ ހަމަ

The name is already taken The name is available. Register?

އަލީ

20 April 2017

ހަސީނާ އަށް ބުނެލަން އޮތީ ހަބޭސް އަކީ ދިވެހި ރާއްޖޭގަ އަމިއްލަ ރާގުގެ އެންމެ މުއްސަނދި ބޭނޑޭ. އަހަންނަށް އެކަން އެނގޭތީ މި ބުނަނީ. ތިޔަހެން ހަގީގަތް ނުބަލާ ކޮމެންޓް ކުރާތީ ހިތާމަ ކުރަން. ހަބޭސް އިން މިހާރުވެސް އެތައް އަމިއްލަ ރާގެއް އުފައްދާ އެ ލަވަތަށް ނެރުމަށް މަސައްކަތް ކުރަމުން ދާކަން އަހަރުމެނަށް އިނގޭ. އަހަރެން ހަބޭސް ގެ ހުރިހާ ސޯސަލް މީޑިއާ އެއް ފޮލޯ ކުރާތީ ލައްކަ ކަންކަން އިނގޭ މީހެއްގެ ހައިސިއްޔަތުން މި ބުނެލީ. މެޒޯ ގެ ލަވަތަށް ކިޔަން ވެސް އެންމެ ރީތި ގޮތުގައި ހުއްދަ އަށް އެދިލީމަ ހަބޭސް ގެ ޕްރޯ ކަން އަހަންނަށް ސިފަވީ. ޝުކުރަން!

The name is already taken The name is available. Register?

މެންޓަލިސްޓް

20 April 2017

އެެހެންދެއްތޯ ،،،، އަޅުގަނޑުވެ ސުވާލަކީ މެޒޯމޯޑް މިއޮތް ހުރިހާ ދުވަހު ރިސޯޓްތަކުގައި ކީހާ ބޭރުމީހުންގެ ލަވަތަށް ކީޔާ އޭގެން ފައިސާހޯދީ އެލަވަތަކުގެ އޯނަރުންގެ ހުއްދަހޯދައިގެންތޯ ؟؟ އެމީޙުންގެ އިންޓެލެކްޗުއަލް ޕްރޮޕަރޓީއަށް ރޯޔަލްޓީ ދައްކައިގެންދޯ ކިޔާއުޅުނީ ،،، އެހެންމީހެއްގެ ފިކުރި މުދަލެއް އަނެކާ ބޭނުންކޮށް އޭގެން ފައިސާހޯދާނަމަ އެމުދަލުގެ އަސްލު ވެރިމީހާއަށް އޭގެން ފައިދާލިބެންވާނެ ،،، ނޫނީ ހުއްދައޮންނަންވާނެ ،،، އެހެންނޫނީ ވާނީ ހަމަ ވައްކަމަށް ،،، ވަރަށްވެދުން

The name is already taken The name is available. Register?

ބަލްކު އެންޑް ބަލަކް

20 April 2017

ވިސްނާ ވިސްނާ ބޮލުގާ ރިއްސާ ރިއްސާ.

The name is already taken The name is available. Register?

ަިސީނާ

20 April 2017

ހަަބޭސް ސަލާން ޖަހަނީ ދޯ

The name is already taken The name is available. Register?

އަލީ

20 April 2017

މިހާރުކީއްވެބާ ކުރީގަ ކިޔާފައެހުންނަ ރީތި އަމިއްލަރާގުގެލަވަނުކިޔެނީ..؟! މޯލްޑިވިއަންއައިޑޮލްގަވެސް ގިނައީ ހިންދީރާގުގެ ލަވަ.

The name is already taken The name is available. Register?

ާކުޑައިއްބެ

20 April 2017

ހިންދީލަވަ ކޮޕީކުރުމުގެ ހުއްދައަށްވެސް އެެދެންވީ މައްސަލަ ނުޖެހެނީސް..

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454