ދަ ވީކެންޑް އާއި ބެލާ އެންގޭޖް ވަނީ

މިދިޔަ އަހަރު އެމެރިކާގެ ލަވަކިޔުންތެރިޔާ ސެލީނާ ގޮމޭޒްއާ ކައިވެނި ކުރަން އުޅުނު ކަމަށް ވަރަށް ބޮޑަށް އަޑު ފެތުރުނު ކެނެޑާގެ މަޝްހޫރު ލަވަކިޔުންތެރިޔާ ދަ ވީކެންޑް އާއި އެމެރިކާގެ މަޝްހޫރު މޮޑެލް ބެލާ ހަޑީޑް އެންގޭޖްމަންޓް ރަސްމީކޮށް އިއުލާން ކުރަން ތައްޔާރުވަމުން އަންނަ ކަމަށް ރިޕޯޓްތައް ބުނެފި އެވެ. ދެ މީހުން ރައްޓެހިވެގެން އުޅޭކަން ދާދި ފަހުން އިންސްޓަގްރާމްގައި ވެސް ކަށަވަރުކޮށް ދީފައިވާ އިރު، ބައެއް މީޑިއާތަކުން ބުނީ ބެލާ އާއި ވީކެންޑް މިހާރު ދިރިއުޅެނީ ވެސް އެކީގައި ކަމަށެވެ. ޔޫއެސް ވީކްލީން ބުނި ގޮތުގައި 22 އަހަރުގެ ބެލާ އާއި 28 އަހަރުގެ ވީކެންޑްގެ ލޯބީގެ ގުޅުން ވަރަށް ސީރިއަސް ހިސާބަކަށް ގޮސްފައިވާ އިރު، ދެ މީހުން މިހާރު ތިބީ އެކަކު އަނެކަކާ ނުލައި ނޫޅޭވޭ ވަރަށް މޮޔަވެފަ އެވެ.

އެހެންވެ ވަރަށް އަވަހަށް އެންގޭޖްވުމަށް ފަހު، މާ ލަސްތަކެއް ނުވެ ކައިވެނި ކުރާނެ ކަމަށް ވެސް މީޑިއާތަކުން އަންނަނީ ބުނަމުންނެވެ.

ބެލާއަކީ އިނގިރޭސިވިލާތުގެ މަޝްހޫރު ލަވަކިޔުންތެރިޔާ ޒޭން މާލިކްގެ ލޯބިވެރިޔާ ޖިޖީ ހަޑީޑްގެ ކޮއްކޮ އެވެ.

ޓީއެމްޒީން ބުނި ގޮތުގައި ދަ ވީކެންޑާއި ބެލާ އެންމެ ފުރަތަމަ ދިމާވީ 2015 ގަ އެވެ. އެގޮތުން 2016 ވަނަ އަހަރާ ހަމައަށް ދެ މީހުން ރައްޓެހިވެގެން އުޅެފައި ކުނި ޖެހިގެން ދުރުވުމަށް ފަހު، އަލުން ގުޅުނީ މި އަހަރުގެ އެޕްރީލްގައި ކަމަށްވެ އެވެ.

ސެލީނާއާ ވަކިވުމަށް ފަހު، ވީކެންޑް އެނބުރި ދިޔައީ ބެލާ ގާތަށް ކަމަށް ޓީއެމްޒީން ބުންޏެވެ.