ވަރީގެ ހަތް މިލިއަން ޑޮލަރު ޗެރިޓީ އަށް

ގެވެށި އަނިޔާކުރާ ކަމަށް ބުނެ ކޯޓް މެދުވެރިކޮށް ހޮލީވުޑްގެ މަޝްހޫރު އެކްޓަރު ޖޮނީ ޑެޕްގެ ކައިރިން ވަރިވި ބަތަލާ އެމްބާ ހާޑަަށް ވަރީގެ ބަދަލުގެ ގޮތުގައި ލިބޭ ހަތް މިލިއަން ޑޮލަރު ހިލޭ ސާބަހަށް މަސައްކަތް ކުރާ ޗެރިޓީތަކަށް ހަދިޔާކުރަން ނިންމައިފި އެވެ.

ހޫނު މައްސަލަތަކަކަށް ފަހު ޑެޕާއި އަމްބާގެ ވަރީގެ މައްސަލަ ނިމުނީ މިދިޔަ ހަފުތާގެ ތެރޭގަ އެވެ.

"މެޖިބް މައިކް" ގެ ބަތަލާ ބުނީ ވަރީގެ މައްސަލާގައި ޑެޕްގެ ފަރާތުން ކޯޓް މެދުވެރިކޮށް އޭނާ އަށް ނަގައި ދިން ފައިސާ އަމިއްލަ ކަންކަމަށް ބޭނުންކުރުމުގެ އެއްވެސް އެދުމެއް ނެތް ކަމަށެވެ.

އެހެންވެ އެ ފައިސާ އެއްކޮށް ހަދިޔާކުރާނީ މީގެ ކުރިން ވެސް އޭނާ އެހީތެރިކަން ފޯރުކޮށް ދެމުން ގެންދިޔަ ފަރާތްތަކަށް ކަމަށް ބުންޏެވެ.

އެގޮތުން އަންހެނުންނަށް ކުރާ އަނިޔާތަކާ ދެކޮޅަށް މަސައްކަތް ކުރާ ޖަމިއްޔާ އެމެރިކަން ސިވިލް ލިބަޓީޒް ޔުނިއަން (އޭސީއެލްޔޫ) އާއި ޗިލްޑްރަން ހޮސްޕިޓަލް އޮފް ލޮސް އެންޖަލިސް އަށް ހަތް މިލިއަން ޑޮލަރު ހަމަހަމައަށް ބަހން ވަނީ ނިންމައިފަ އެވެ.

އެ ފަރާތްތަކާ އެކު އަމްބާ ހިލޭ ސާބަހަށް މަސައްކަތް ކުރާތާ މިހާރު 10 އަހަރު ވެއްޖެ އެވެ.

އޭސީއެލްޔޫގެ އެގްޒެކެޓިވް ޑިރެކްޓަރު އެންތަނީ ރޮމޭރޯ ވަނީ އަމްބާގެ ފަރާތުން ދޭން ނިންމި ދީލަތި އެހީއަށްޓަކައި އޭނާ އަށް ވަރަށް ބޮޑަށް ޝުކުރު ވެސް އަދާކޮށްފަ އެވެ.

އެކުގައި "ރަމް ޑައިރީ" ކުޅުނު އެމްބާ، 30، އާއި ޑެޕް، 53، ކައިވެނިކުރީ މިދިޔަ އަހަރު އެވެ. އޭނާ ކައިރިން ވަރިވާން އަމްބާ ކޯޓަށް ހުށަހެޅީ މިދިޔަ މެއި މަހުގެ ތެރޭގަ އެވެ.

ދެ ތަރިންނަށް ކުއްޖަކު ލިބިފައެއް ނުވެ އެވެ.