ކްރިސް ޕްރެޓް އާނޯލްޑްގެ ދަރިއާ ކައިވެނިކުރަނީ

ކްރިސް އާއި ކެތުރީން: ދެ މީހުން އެންގޭޖްވީ މިދިޔަ މަހު.

އަހުމަދު އަދްޝަން، މިހާރު

05 ފެބުރުއަރީ 2019 - 07:35

އަލަތު ކައިވެނި 2017 ގައި ނިމުމަކަށް އައި ހޮލީވުޑްގެ މަޝްހޫރު އެކްޓަރު ކްރިސް ޕްރެޓް ދެވަނަ ކައިވެންޏަކަށް ތައްޔާރުވަމުން އަންނަ ކަމަށް ބުނެފި އެވެ.

އޭނާ އަޑު އަޅައިދީފައިވާ އެނިމޭޓެޑް ފިލްމު "ދަ ލެގޯ މޫވީ 2" ގެ ލޮސް އެންޖެލިސް ޕްރިމިއާގައި 39 އަހަރުގެ އެކްޓަރު ބުނި ގޮތުގައި މި އަހަރުގެ ފަހުކޮޅު ލޯބިވެރިޔާ ކެތުރީން ޝްވެޒްނެގާ، 29، އާ ކައިވެނި ކުރާނެ އެވެ. ލިޔުންތެރިއެއްގެ ގޮތުގައި މަސައްކަތްކުރާ ކެތުރީންއަކީ މަޝްހޫރު އެކްޓަރު އަދި ކެލިފޯނިއާގެ ކުރީގެ ގަވަރުނަރު އާނޯލްޑް ޝްވެޒްނެގާ، 71، ގެ ދަރިއެކެވެ.

ކްރިސް އާއި ކެތުރީން އެންގޭޖްވީ މިދިޔަ މަހުގެ ތެރޭގަ އެވެ.

"މި ބަލަނީ ފޯލް ނޫނީ ވިންޓާ އަށް ކައިވެނި ޕްލޭން ކުރެވޭތޯ،" ޕީޕަލް އަށް ކްރިސް ބުންޏެވެ. "ވަރަށް ގިނަ ތައްޔާރީތައް އެބަހުރި ވާން ޖެހޭ."

View this post on Instagram

Sweet Katherine, so happy you said yes! I’m thrilled to be marrying you. Proud to live boldly in faith with you. Here we go! 💍🙏♥️

A post shared by chris pratt (@prattprattpratt) on Jan 13, 2019 at 11:12pm PST

ކްރިސް އާއި ކެތުރީން.

ކްރިސް އާއި ކުރީގެ އަންހެނުން އަނާ ފާރިސް 2009 ގައި ކުރި ކައިވެނި ރޫޅައިލަން ނިންމިކަން އިއުލާންކޮށްފައި ވަނީ 2017 ވަނަ އަހަރު އޮގަސްޓް މަހުގެ ތެރޭގަ އެވެ. އެ ކައިވެންޏަށް ދަރިއަކު ވެސް ލިބިފައިވެ އެވެ.

Chris Pratt aai Anna Faris vakivaakan iulaankoffi

The most trusted news source in the Maldives

Mihaaru

ދެވަނަ ކައިވެންޏަށް ކްރިސް ތައްޔާރުވަމުން އަންނަ އިރު، އޭނާގެ ކުރިއަށް ހުރި ފިލްމުތަކުގެ ތެރޭގައި "އެވެންޖާޒް: އެންޑްގޭމް" އާއި "ދަ ކިޑް" ހިމެނެ އެވެ. މި ދެ ފިލްމު ވެސް މި އަހަރު ސިނަމާތަކަށް އަންނާނެ އެވެ.