ބޮލީވުޑްގެ އެކްޓަރުގެ އަމީތާބު ބައްޗަށް ކޮވިޑް-19 އަށް ޕޮޒިޓިވްވެ ހޮސްޕިޓަލުގައި އެޑްމިޓްކޮށްފި އެވެ.
އުމުރުން 77 އަހަރުގެ އަމީތާބު ސޯޝަލް މީޑިއާގައި ވަނީ މި ވާހަކަ އިއުލާނުކޮށްފަ އެވެ. އަދި އޭގެ އިރުކޮޅެއް ފަހުން އޭނާ ވަނީ މުމްބާއީގެ ނަނަވާތީ ހޮސްޕިޓަލުގައި އެޑްމިޓްކޮށްފަ އެވެ.
"އަހަރެން ކޮވިޑް އަށް ޕޮޒިޓިވްވެއްޖެ ... އާއިލާގެ މެންބަރުންނާއި މުވައްޒަފުން ވެސް މިހާރު އަންނަނީ ޓެސްޓްކުރަމުން. އެ މީހުންގެ ޓެސްޓްތަކުގެ ނަތީޖާއެއް އަދި ނުލިބޭ. މިދިޔަ 10 ދުވަހު އަހަންނާ ގާތުގައި އުޅުނު އެންމެން ވެސް ޓެސްޓްކުރުމަށް އެދެން،" އަމީތާބުގެ ޓްވީޓްގައިވެ އެވެ.
އަމީތާބު ކޮވިޑް-19 އަށް ޕޮޒިޓިވް ވުމާ އެކު ސޯޝަލް މީޑިއާގައި އެތައް ބަޔަކު އަންނަނީ އޭނާ އަށް އަވަސް ޝިފާއެއް އެދި ހެޔޮ އެދުންތައް ފޮނުވަމުންނެވެ.
ކޮވިޑް-19 އަކީ އުމުރުން ދުވަސްވީ މީހުންނަށާއި ދާއިމީކޮށް ފަރުވާ ހޯދަންޖެހޭ ބަލިތަކުގެ މީހުންނަށް ނުރައްކާވާ ބައްޔަކެވެ.
ކޮވިޑް-19ގެ ނުރައްކާ ބޮޑުވެފައިވާ އިންޑިއާގައި ވަނީ ވަރަށް ބޮޑުވެފަ އެވެ. ކޮންމެ ދުވަހަކު އެތައް ހާސް ބަޔަކު އެ ގައުމުން މި ބައްޔަށް ޕޮޒިޓިވް ވަމުން އަންނަ އިރު އެއީ މިހާރު ދުނިޔޭގެ ނިސްބަތުން ވެސް ބަލީގެ ނުރައްކާ އެންމެ ބޮޑަށް އޮތް އެއް ގައުމެވެ.