ފުރަތަމަ "ސައްހަ" އެކްޝަން ބަތަލާ އަކީ އަހަރެން: ކަންގަނާ ރަނާވަތު

އަހުމަދު އަދްޝަން، މިހާރު

19 އޮކްޓޯބަރ 2020 - 06:50

ބޮލީވުޑްގެ "ސައްހަ" ފުރަތަމަ އެކްޝަން ބަތަލާ ކަމަށް ކަންގަނާ ރަނާވަރު ދައުވާކޮށްފި އެވެ.

އޭނާ ޝޫޓިން ފެށުމަށް ތައްޔާރުވަމުން އަންނަ ދެ ފިލްމު ކަމަށްވާ "ދާކަޅް" އާއި "ތޭޖާސް" އަށް ޓްރޭނިން ހަދަނިކޮށް ނަގާފައިވާ ވީޑިއޯއެއް ޓްވިޓާގައި ހިއްސާކުރަމުން ކަންގަނާ ބުނީ މިދިޔަ އަހަރު ރިލީޒްކުރި "މަނިކަރްނިކާ: ދި ކްއީން އޮފް ޖާންސީ" ގެ ބޮޑު ކާމިޔާބީ އަށް ފަހު، ކުރިއަށް އޮތް ދެ އެކްޝަން ފިލްމުން ބޮލީވުޑްގެ އަސްލު އެކްޝަން ބަތަލާ އަކީ އޭނާ ކަމަށް ކަންގަނާ ބުންޏެވެ.

ރަޒްނީޝް ގާއީ ޑައިރެކްޓްކުރާ "ދާކަޅް" އިން ކަންގަނާގެ ވަރުގަދަ އެކްޝަން ރޯލެއް ފެނިގެންދާ އިރު، އޭނާގެ ކެރެކްޓާ އަކީ ޖާސޫސީ އެޖެންޓެކެވެ. އެ ފިލްމުގެ ޓީޒާއެއް ވެސް މިދިޔަ އަހަރު ދައްކާލާފައިވާ އިރު، އެއީ ކަންގަނާ ވަރަށް ތަފާތުކޮށް ފެންނާނެ ކަމަށް ބެލެވޭ ފިލްމެކެވެ. "ތޭޖާސް" އަކީ ހުނަރުވެރި ބަތަލާ އިންޑިއާގެ އަސްކަރީ ވައިގެ އޮފިސަރެއްގެ ރޯލުން ފެންނަ ފިލްމެކެވެ.

I have started action training for my upcoming action films #Tejas and #Dhakaad I play a Fauji and a Spy respectively in these films. Bollywood ki thali may have given me a lot but post Manikarnika success I too have given Bollywood it’s first ever legitimate action heroine ❤️ pic.twitter.com/0gkNqk3yuo
— Kangana Ranaut (@KanganaTeam) October 16, 2020

މި ދެ ފިލްމުގައި ކުޅޭ ރޯލްތަކަށް އިޝާރާތްކޮށް ބޮލީވުޑްގެ "ސައްތައިން ސައްތަ" ފުރަތަމަ އެކްޝަން ބަތަލާ ކަމަށް ކަންގަނާ ދައުވާ އިރު، "މަނިކަރްނިކާ" އާއި 2014 ގެ "ރިވޯލްވާ ރާނީ" އަކީ ވެސް ކަންގަނާގެ އެކްޝަން ރޯލްތަކެއް ފެނިގެން ދިޔަ ފިލްމުތަކެވެ.

އެކަމަކު އޭނާ އަކީ ބޮލީވުޑްގައި އެކްޝަން ރޯލްތައް ކުޅުނު ހަމައެކަނި ބަތަލާއެއް ނޫނެވެ. ބަތަލާ ކެޓްރީނާ ކެއިފަކީ ސަލްމާން ޚާނާ އެކު "ޓައިގާ" ސީރީޒްގައި ވަރުގަދަ އެކްޝަން ރޯލްތަކެއް ކުޅެފައިވާ ބަތަލާއެކެވެ.

View this post on Instagram

A post shared by Taran Adarsh (@taranadarsh) on Aug 8, 2019 at 8:47pm PDT

ތިން ފަހަރު ނެޝަނަލް އެވޯޑް ހޯދާފައިވާ ކަންގަނާ ދެން އެންމެ އަވަހަށް ފެނިގެންދާނީ އިންޑިއާގެ ޓަމިލް ނާޑޫ ސްޓޭޓްގެ ކުރީގެ ޗީފް މިނިސްޓަރު ޖަޔަލަލީތާގެ ބައޮގްރަފިކަލް ޑްރާމާ "ތަލައިވީ" އިންނެވެ. ކަންގަނާގެ އެންމެ ފަހުގެ ފިލްމަކީ ޖެނުއަރީގައި ރިލީޒްކުރި ސްޕޯޓްސް ޑްރާމާ "ޕަންގާ" އެވެ.

ބޮލީވުޑް ބޮލީވުޑް ފިލްމު

3 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަވަރު

13 November 2020

ހަމައެކަނި ކަޓްރީނާއެއް ނޫން!! އައިޝްވަރިޔާ ރާއީ، ޕްރިޔަންކާ ޗޯޕްރާ، ރާނީ މުކަރުޖީ، އަދާހް ޝަރްމާ، ޝްރައްދާ ކަޕޫރު، ދީޕިކާ ޕަޑުކޯން، ސޮނާކްޝީ ސިންހާ ފަދަ ތަރިން އެކްޝަން ފިލްމުތައް ކުޅެފަ އެބަހުރި!! އެކަމަކު މިމީސްމީހުންގެ "ޑީވާ" ކަން ބޮޑުކަމުން ބަލާމީހުންގެ ސިކުނޑިތަކަށް އެކްޝަން ތަރިއެކޭ ކިޔާވަރަކަށް ބަލައިގަނެވިފައެއް ނެތް!! އަނެއްކާ އަނެއްކޮޅުން އެކްޝަން ޖޯންރާގައި މިތަރިންނަށް ކުޅެވަފައި ހުރި ފިލްމުތައްވެސް މަދީ!!