ފަޔާޒް މޫސާ
24 ނޮވެމްބަރ 2024
މާލެ - ނޮވެމްބަރު 23، 2024: ފުޓްބޯޅައިގެ ފޯރި އަލުން ގެނައުމަށް، ރަށްތަކާއި ސިޓީތަކަށް ހާއްސަކޮށް ނައިންޓީ ޕްލަސް އިން މުޅިން އަލަށް ބާއްވާ ގޯލްޑް ކަޕްގެ ގުރޫޕް ސީ ގައި ކ. ހުރާ އާ ކ. ގުރައިދޫ ބައްދަލުކުރި މެޗު: ހުރާ 3-1 ން ބަލިކޮށް 36 އަހަރުވީ ތާރީހަށް ގުރައިދޫން ވަނީ ނިމުންގެނެސްފަ. މީގެ ކުރިން ގުރައިދުއަށް ހުރާ ބެލިކުރެވިފައި ވަނީ މީގެ 36 އަހަރު ކުރިން، 1988 ގައި ބޭއްވި ރާއްޖެތެރޭ ފުޓްބޯޅަ މުބާރާތުގައި، ގުރައިދޫގައި ކުޅުނު އެ މެޗު 2-1 ން ކާމިޔާބުކޮށް އޭރުގެ ޒޯން މުބާރާތަށް ގުރައިދޫ ކޮލިފައިވި. އޭގެ އަހަރުތަކެއް ފަހުން ހުރާ އަށް ނިސްބަތްވާ ހުއްރިއްޔާ ސްޕޯޓްސް ކްލަބާއި ގުރައިދުއަށް ނިސްބަތްވާ ގުރައިދޫ ޒުވާނުންގެ ޖަމިއްޔާ އެކުއެކީގައި ފުރަތަމަ ޑިވިޝަނުގައި ކުޅުނު. 2004-2007 ދެމެދު ގުރައިދޫ އެއްވަނަ ޑިވިޝަނުގައި ކުޅުނު އިރު ވެސް ހުރާ ޓީމު ބަލިކުރެވިފައެއް ނުވޭ. އިއްޔެ ގައުމީ ފުޓްބޯޅަ ދަނޑުގައި ކުޅުނު މެޗުގައި ގުރައިދޫގެ ފުރަތަމަ ދެ ލަނޑު އެ ޓީމުން ޖެހީ މެޗުގެ ފުރަތަމަ ހާފުގެ ފަހު ފަސް މިނެޓް ތެރޭގައި. ދެވަނަ ހާފްގެ ކުރީކޮޅުގައި އިމްއާދު ވަނީ އޭނާގެ ދެވަނަ ލަނޑު ޖަހައިފަ. ހުރާގެ ހަމަ އެކަނި ލަނޑު މެޗުގެ 73 ވަނަ މިނެޓްގައި ޖެހީ މުހައްމަދު ތަޝްމީން (ތައްތި) -- ފޮޓޯތައް؛ ފަޔާޒު މޫސާ | މިހާރު
ގޯލްޑް ކަޕްގައި ހުރާ އާއި ގުރައިދޫ ބައްދަލުކުރި މެޗުގައި ގުރައިދޫ ގެ 3 ވަނަ ލަނޑު ޖެހުމަށް ފަހު ޓީމް ކުޅުންތެރިން އުފާ ފާޅުކުރަނީ: މިއީ 36 އަހަރަށް ފަހު ގުރައިދޫން ހުރާ ބަލިކުރި ފުރަތަމަ ފަހަރު.-- ފޮޓޯ: ފަޔާޒު މޫސާ | މިހާރު
ގޯލްޑް ކަޕްގައި ހުރާ އާއި ގުރައިދޫ ބައްދަލުކުރި މެޗުގައި ގުރައިދޫ ގެ 3 ވަނަ ލަނޑު ޖެހުމަށް ފަހު އެ ޓީމުގެ އިމްއާދު އަބްދުލް ގައްޔޫމު އުފާ ފާޅުކުރަނީ .-- ފޮޓޯ: ފަޔާޒު މޫސާ | މިހާރު
ގޯލްޑް ކަޕްގައި ހުރާ އާއި ގުރައިދޫ ބައްދަލުކުރި މެޗުގައި ގުރައިދޫ ކުޅުންތެރިން ފޮނުވާލާ ހަމަލާ ހުރާ ކުޅުންތެރިޔަކު ހުއްޓުވަން މަސައްކަތްކުރަނީ.-- ފޮޓޯ: ފަޔާޒު މޫސާ | މިހާރު
ގޯލްޑް ކަޕްގައި ހުރާ އާއި ގުރައިދޫ ބައްދަލުކުރި މެޗު: މި މެޗު 3-1 އިން ގުރައިދޫ ވަނީ ކާމިޔާބުކޮށްފައި.-- ފޮޓޯ: ފަޔާޒު މޫސާ | މިހާރު
ގޯލްޑް ކަޕްގައި ހުރާ އާއި ގުރައިދޫ ބައްދަލުކުރި މެޗުގައި ހުރާ ގެ ގޯލްކީޕަރު އަހްމަދު އަރީޝް ބޯޅަ ފޮނުވާލަނީ .-- ފޮޓޯ: ފަޔާޒު މޫސާ | މިހާރު
ހުރާގެ ބައެއް ސަޕޯޓަރުން އެ ޓީމަށް ސަޕޯޓް ކުރަން ދަނޑަށް ވަދެ. ކ. ގުރައިދޫ ވަނީ 3-1 ލަނޑުން ހުރާ ބަލިކޮށްފަ -- ފޮޓޯ: ފަޔާޒު މޫސާ | މިހާރު
ގޯލްޑް ކަޕްގައި ހުރާ އާއި ގުރައިދޫ ބައްދަލުކުރި މެޗު: މި މެޗު 3-1 ގެ ނަތީޖާއަކުން މޮޅުވެ، ގުރައިދޫ ވަނީ 36 އަހަރަށް ފަހު ހުރާ ބަލިކޮއްފަ .-- ފޮޓޯ: ފަޔާޒު މޫސާ | މިހާރު
ގޯލްޑް ކަޕްގައި ހުރާ އާއި ގުރައިދޫ ބައްދަލުކުރި މެޗު: މި މެޗު 3-1 އިން ގުރައިދޫ ވަނީ ކާމިޔާބުކޮށްފައި.-- ފޮޓޯ: ފަޔާޒު މޫސާ | މިހާރު
ރާއްޖޭގެ ފުޓްބޯޅައިގެ ކުރީގެ "ކިންގް" އޭރުގެ އެއްވަނަ ކުޅުންތެރިޔާ އަލީ ޝިހާމް (ހުރާ އައްޔަ)، އޭނާގެ އަމިއްލަ ރަށް، ކ. ހުރާ، ވާދަވެރި ކ. ގުރައިދޫ ބައްދަލު ކުރި މެޗު ބަލަން ދަނޑަށް އައިސް ފޮޓޯއަކަށް ހުއްޓިލައިގެން -- ފޮޓޯ: ފަޔާޒު މޫސާ | މިހާރު
ގޯލްޑް ކަޕްގައި ކ. ގުރައިދުއާ ބައްދަލުރި މެޗު ފެށުމުގެ ކުރިން ހުރާ ޓީމް ފޮޓޯއަކަށް ހުއްޓިލައިގެން -- ފޮޓޯ: ފަޔާޒު މޫސާ | މިހާރު
