އެކްޓަރު މާކް ވޮލްބާގްގެ އެއް ދުވަސް

ދުޅަހެޔޮ އަދި އުފާވެރި ދިރިއުޅުމެއް ޖާދޫއަކުން ނުހޯދޭނެ އެވެ. އެއީ އަޒުމާއި ހިތްވަރާ އެކު މަސައްކަތްކޮށްގެން ހޯދޭނެ އެއްޗެކެވެ. އެހެންވެ، ހަށްޓަށް ބުރަޔަސް ނަތީޖާއެއް ހާސިލުކުރަން ބޭނުންވާ ނަމަ، ވަކި އުސޫލުތަކަކަށް ތަބާވެ، އެކަމުގައި ސާބިތުވެ ހުންނަން ވެސް ޖެހޭނެ އެވެ.

ހޮލީވުޑްގެ މަޝްހޫރު އެކްޓަރު މާކް ވޮލްބާގް، 47، އަކީ ދުލަހެޔޮ ސިއްހަތެއްގައި ހުރުމަށް ވަރަށް ވެސް ތަފާތު ގޮތަކަށް އޭނާގެ ދިރިއުޅުން ބައްޓަންކޮށްފައިވާ މީހެކެވެ.

ހަތަރު ކުދިންގެ ބައްޕަގެ ޑެއިލީ ރޫޓިން އިންސްޓަގްރާމް ސްޓޯރީގައި ކިޔައި ދިން އިރު، އެއީ ހަމަ ހަގީގަތުގައި ވެސް އޭނާގެ ދުވަސް ރޭވިފައި އޮންނަ ގޮތްތޯ ބައެއް މީހުން ސުވާލު ވެސް ކޮށްފާނެ އެވެ.

އެންމެ ބޮޑު އާމްދަނީއެއް މިދިޔަ އަހަރު ލިބުނު އެކްޓަރުގެ ގޮތުގައި ފޯބްސް މަޖައްލާ އިން ލިސްޓް ކުރި މާކްގެ ދުވަސް ކޮންމެ ދުވަހަކު ވެސް ފެށެނީ މެންމަދު 2:30 ގަ އެވެ. އޭގެ ފަހުން ބައިގަޑިއެއްހާއިރު މެޑިޓޭޝަން އެވެ.

އެއަށް ފަހުން 3:15 ގައި ހެނދުނުގެ ނާސްތާ ނެގުމަށް ފަހު، ކުރިއަށް އޮންނަ 95 މިނެޓަކީ ކަސްރަތަށް ހާއްސަ ވަގުތެވެ. ދެން 5:30 ގައި ކަސްރަތު ސެޝަން ނިންމާލައި ޕްރޮޓީން ޝޭކެއް ބޯލަ އެވެ.

އޭގެ ފަހަށް 6:00 ގައި އޮންނާނީ ފެންވަރާލައި ތާޒާވެލުމުށް ފަހު، 7:30 ގައި ގޮލްފް ކުޅެން ބައިގަޑިއެއްހާ އިރު ހުސްކޮށްލުމެވެ. އެއަށް ފަހު، މާކް ދެން ނަގާނީ އަނެއްކާ ވެސް 8:00 ގައި ލުއި ނާސްތާއެކެވެ.

އޭނާ ބުނި ގޮތުގައި 9:30 ގައި ދެން އޮންނާނީ އެމެރިކާގައ މަޝްހޫރު ވޯކް-އައުޓެއް ކަމަށްވާ ކްރިއޯ ޗެމްބާގެ -200 ޑިގްރީގައި ތިން މިނިޓެއްހާ އިރު ހޭދަކޮށްލުމެވެ.

އޭގެ ފަހުން ދެން އަނެއްކާ ވެސް ހައި ޕްރޮޓީން މީލްއެއް ނެގުން އޮވެ އެވެ. ދުވަހުގެ މައިގަނޑު ކެއުމަކީ މިއެވެ. "ޕްލެނެޓް އޮފް ދި އޭޕްސް" ފަދަ ފިލްމުތައް ކުޅުނު މާކް ޕްރޮފެޝަނަލް މަސައްކަތަށް ރަސްމީކޮށް ހުސްވުމުގެ ކުރިން ކޮންމެ ދުވަހަކު ވެސް މެންދުރުގެ ކެއުން 1:00 ގައި ނިންމައިލަ އެވެ. ހަވީރު 3:00 ގައި ދަރިން ސްކޫލުން ގެނެސް، އަނެއްކާ ވެސް 3:30 ގައި ސްނެކެއް ނެގުން އޮންނާނެ އެވެ.

ދުވަހުގެ ދެވަނަ ކަސްރަތު ސެޝަނަށް އޭނާ ހުސްވާނީ ހަވީރު 4:00 ގަ އެވެ. އޭގެ ގަޑިއެއްހާ ފަހުން ފަހުން ފެންވަރާލައިގެން އާއިލާއާ އެކު ކާ ގަޑިއަކަށް ހަމަޖައްސައިފައި އޮންނަނީ 5:30 ގަ އެވެ. ދެން 7:30 ގައި ނިދަންވީ އެވެ.

"މައިލް 22" ގެ ބަތަލު މެންދަމު 2:30 ގައި ހޭލައި ދުވަސް ފަށައިގަންނަނީ އެހާ އަވަހަށް ނިދައިގެންނެވެ.