މާޒިޔާގެ ކެޕްޓަން އަސަދުﷲ (ކ) ހަމަލައެއް އުފައްދަން މަސައްކަތްކުރަނީ. --ފޮޓޯ: ހުސެއިން ވަހީދު/ މިހާރު
05 އޯގަސްޓް 2017 - 00:48
10 comments
އަލަށް ގުޅުނު ފޯވާޑް ކްރޮއޭޝިއާ ކެރިޗް އަންދްރޭގެ ދެ ލަނޑާ އެކު ޗެމްޕިއަން މާޒިޔާ އިން އުރީދޫ ދިވެހި ޕްރިމިއާ ލީގުގެ ފުރަތަމަ މެޗުން މިރޭ ދ. ކުޑަހުވަދޫ އަތުން 4-0 އިން މޮޅުވެއްޖެ އެވެ.
ފްރާންސުގެ ކުރީގެ ކެޕްޓަން މާސެލް ޑެސައިލީގެ ޝަރަފްވެރިކޮށްދިން ރަސްމިއްޔާތެއްގައި މިރޭ ހުޅުވި މި އަހަރުގެ ލީގުގެ ފުރަތަމަ ގޯލް މެޗުގެ 43 ވަނަ ސިކުންތުގައި މާޒިޔާގެ ކެޕްޓަން އަސަދުﷲ އަބްދުﷲ ވަނީ ކާމިޔާބުކޮށްފަ އެވެ.
އެސްޓީއޯ މާލޭ ލީގުގެ ޗެމްޕިއަން މާޒިޔާއާ ޓްރާންސްފާ ބާޒާރުގައި ގުޅުނު ކުޅުންތެރިންގެ ތެރެއިން ވިކްޓަރީ އަށް ކުރިން ކުޅުނު ކެރިޗުގެ އިތުރުން ސީރިއާ ގޯލްކީޕަރު މުހައްމަދު އަލް ޔޫސުފާއި އިސްމާއިލް އީސާ އަދި ބޮސްނިއާ ޑިފެންޑަރު ފުރަތަމަ އެގާރައިގައި ކުޅުނެވެ. މުހައްމަދު އާރިފް (ބަކާ) އެރީ ފަހު ހާފުގަ އެވެ.
މުހައްމަދު އުމެއިރުގެ ޕާހަކުން އަސަދުﷲ ޖެހި ލަނޑުން މާޒިޔާ އިން މެޗުގެ ކުރީކޮޅު ލީޑު ނެގި ނަމަވެސް ފުރަތަމަ ހާފުގައި އިތުރު ގޯލެއް ނުޖެހެ އެވެ. މިނިވަން ޗެމްޕިއަންޝިޕުގެ ޗެމްޕިއަން ކުޑަހުވަދޫ ޓީމަށް ބޯޅަ ހިފައްހައްޓައިގެން ކުޅުމުގައި މައްސަލަތަކެއް ދިމާވި ނަމަވެސް ބޯޅަ ލިބުނު ވަގުތުތަކުގައި އެ ޓީމުން ވެސް ކުރިއަށް ޖެހިގެން ހަމަލާތައް އުފައްދަން މަސައްކަތްކުރި އެވެ. ލީގުގައި ވާދަކުރާ ޓީމުތަކުގެ ތެރެއިން ޓްރާންސްފާގައި ފުރަތަމަ ޑިވިޝަން ފެންވަރުގެ ކުޅުންތެރިއެއް ނުގެންނަ ހަމައެކަނި ޓީމު ކަމަށްވާ ކުޑަހުވަދޫގެ ގޯލްކީޕަރު އަބްދުﷲ ޔަޒީދު ވަނީ މިރޭ މުހިއްމު ސޭވްތަކެއްކޮށްފަ އެވެ.
ފުރަތަމަ ހާފުގެ 20 ވަނަ މިނެޓުގައި މާޒިޔާގެ ކެރިޗަށް ލަނޑު ޖަހާނެ ރަނގަޅު ފުރުސަތެއް ލިބުނެވެ. އެކަމަކު ގޯލް ކުރިމަތިން މުޅިން ހުހަށް ހުއްޓާ ލިބުނު ފުރުސަތުގައި ޖެހި ބޯޅަ ދިޔައީ ބޭރަށެވެ.
މެޗުގެ މޮޅު ކުޅުންތެރިއާ އިރޭ (ކ) އަށް ޑެސައިލީ އިނާމް ދެނީ. --ފޮޓޯ: ހުސެއިން ވަހީދު/ މިހާރު
އެކަމަކު ދެ ވަނަ ހާފު ފަށައިގެން 55 ވަނަ މިނެޓުގައި ކެރިޗް ވަނީ މާޒިޔާގެ ދެ ވަނަ ލަނޑު ޖަހައިފަ އެވެ. އޭރިއާ ތެރެއިން ލިބުނު ބޯޅަ ވައްދާލީ ގޯލުގެ މަތީ ކަނަށެވެ.
އޭގެ މިނެޓެއް ފަހުން ކުޑަހުވަދޫގެ އާދަމް ޝަމީމް ވަނީ ނުރައްކާތެރި ބޯޅައެއް ފޮނުވާލައިފަ އެވެ. އަދި 57 ވަނަ މިނެޓުގައި މާޒިޔާގެ މިލޮސް ވެސް ހަމަލައެއް އަމާޒުކުރި އެވެ. މި ބޯޅަ ކީޕަރު މަތަކުރި އެވެ. މާޒިޔާގެ ތިން ވަނަ ލަނޑު 67 ވަނަ މިނެޓުގައި ކެރިޗް ކާމިޔާބުކުރީ އަސަދުﷲގެ ޕާހަކުންނެވެ. އެ ޓީމުގެ ހަތަރު ވަނަ ލަނޑަކީ 73 ވަނަ މިނެޓުގައި ކުޑަހުވަދޫގެ އިބްރާހިމް ރަޝީދު އަތުން ބައިކޮޅަށް ވަން ލަނޑެކެވެ. މެޗުގެ މޮޅު ކުޅުންތެރިއާގެ މަގާމް ހޯދީ މާޒިޔާގެ މިޑްފީލްޑަރު މުހައްމަދު އިރުފާން (އިރޭ) އެވެ. އޭނާ އަށް އިނާމް ހަވާލުކޮށްދިނީ ފްރާންސަށް 2001 އަދި 2003 ވަނަ އަހަރުގެ ކޮންފެޑެރޭޝަންސް ކާމިޔާބުކޮށްދިން ކެޕްޓަން ޑެސައިލީ އެވެ.
ލީގު ހުޅުވުމުގެ ގޮތުން މެޗު ފެށުމުގެ ކުރިން ބޭއްވި ރަސްމިއްޔާތުގައި އެމްއެންޑީއެފްގެ ބްރާސް ބޭންޑުގެ އައިޓަމްތަކާއި ޒުވާން މިއުޒިކީ ފަންނާނުންގެ ހުށަހެޅުންތަކެއް އޮތެވެ. މީގެ އިތުރުން ލީގުގައި ވާދަކުރާ ޓީމުތަކުގެ ޖާޒީ ދައްކާލުމާއި ޓީމުތަކާ ބެހޭ ވީޑިއޯ ޕްރޮފައިލްތަކެއް ދައްކާލި އެވެ. މެޗު ފެށުމުގެ ކުރިން ދެ ޓީމުގެ ކުޅުންތެރިންނާ ޑެސައިލީ ސަލާމްކުރިއިރު އޭނާ ވަނީ ސޮއިކޮށްފައިވާ ބޯޅަތަކެއް ހާފު ގަޑީގައި ސަޕޯޓަރުންނަށް ހަދިޔާކޮށްފަ އެވެ.
ލީގުގެ ދެ ވަނަ މެޗުގައި މާދަމާރޭ (ހޮނިހިރު ދުވަހުގެރޭ) ބައްދަލުކުރާނީ ނިއު ރޭޑިއަންޓާއި ޓީސީ ސްޕޯޓްސް ކްލަބެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިލްވާން
05 August 2017
ދިވެހި ފުޓްބޯޅަ އެބަކުރިއަރާ އެފް އޭ މް އިށް މިއެން ވުރެރަގަޅަށް މިކަށް ކުރަށް އުޅޭނަމަ މިއެންވުރެވެސް ފުޓްބޯޅާގެ ފެންވަރު މިރާއްޖޭގަ އޮތީސް ކީންކުރާނީ ފުޓްބޯޅަ ހިންގަންތިބި މީހުންވެސް ސިޔާސީ ވެފަ ތިބެނީ ގައުމުގަ 80000 ޒުވާނުން ކުޅެލަށް އެންމެ ދެޓާފް ދަޑު ފުޓްބޯޅަ އެކަޑަމީ ހިންގަންވެސް ހަމަ އެދެދަޑު އޮފީސް މުބާރާތެން ކުޅެލައްވެސް ހަމަ އެދެ ޓާފްދަޑު ފަސްޑިވްސަން 8 ޓީމައްވެސް ހަމައެޓާފް 2 ދަޑު ސެކަންޑް ދިވްސަން އަދި ތާޑްދިވްސަން އަށް ވެސް ހަމަ އެދެ ދަޑު
ރާއްޖެ
05 August 2017
އަހަންނަށް ފެންނަނީ އަތޮޅުތެރެއިން ގެނައި ޓީމްތައް ފުރަތަމަ ކުޅުވަންވީ މިދިޔަ މުބާރާތުގެ ފުލަށް ދިޔަ 4 ޓީމް. ވިކްޓަރީ. ޔ. ވިކްޓަރީ. އީގަލްސް. ވެލެންސިޔާ އާ ހެން. ޗެމްޕިއަން ކުޑަހުވަދޫ އަދި މާޒިޔާ ނިއުރޭޑިއަންޓްއާއި ވާދަ ކުރެވޭ ހިސާބަށް ނުދެވޭ. ކުރިމަގުގަ ރަގަޅު ވާނޭ ކަމަށް އުއްމީދު ކުރަން.
ހުންގާނު
05 August 2017
އަޅުގަނޑަށް މިމެޗުން ފެނުނީ މާޒިއާ ކުޅުންތެރިންނަށްވުރެ ރަނގަޅަށް ކުޑަހުވަދޫ ކުޅުންތެރިން ކުޅުނުތަން، ކުޑަހުވަދޫގެ ވަކިވަކި ކުޅުންތެރިންގެ ހުނަރުވެރިކަން މިމެޗުން ފާހަގަވި، ބޯޅަ ހިފަހައްޓައިގެން ރަނގަޅު ޕާސްތަކެއް ޖެހިތަންވެސް ފެނުނު. ފުރަތަމަ ޑިވިސަންގެ ތަޖުރިބާ ހުރި ދެތިން ކުޅުންތެރިން ކުޑަހުވަދޫގަ ތިބިނަމަ މިމެޗްގަ ނަތީޖާ ތަފާތުވީސް
ސާބަސް
05 August 2017
މިމެޗުގައި މާޒިޔާ އަށް ލިބުނު ހުސް ފުރުސަތު ބޭނުން ހިފުނު "ނަމަ" 2 އަކުރު ގެ ނަތީޖާ އެއް ނިކުތީސް. ނަމަ ކިޔައިގެން ވަރަށް ގިން ކަންތައްތަށް ވާނެ.
ހުންގާނު ދޫނި
05 August 2017
މިމެޗުގައި ކުޑަހުވަދޫ އަށް ލިބުނު ހުސް ފުރުސަތު ބޭނުން ހިފުނު ނަމަ ނަތީޖާ ވަރަށް ތަފާތުވީސް "ނަމަ" ކިޔައިގެން ވަރަށް ގިން ކަންތައްތަށް ވާނެ.
ކާޑުބޭ
05 August 2017
ކުޑަހުވަދޫ ޓީމް ކުރި ހިތްވަރާއި ދެއްކި ކުޅުމަށް ސާބަސް ހައްގު... އަތޮޅުތެރޭ ޓީމްތައް ވަރުގަދަ ކޮށްފާނެތީ ޓްރާންސްފާ އަށް ދިނީ 2 ދުވަސް... އަދިވެސް އެފް އޭ އެމް ދޭންބުނި ލާރި ނުލިބޭ... ބޮޑު އިވެންޓެއް ބާއްވާފަ ސޮއި ކުރިޔަކަސް ކަމަކު ނުދާނެ... އަނެއްކާ އެހެރަ ރެފްރީ އެއް... ހީވާ ކަހަލަ މާޒިޔާ ކޮންމެހެންވެސް މޮޅުވާން ޖެހޭނެއޭ....
ތަކުރު
05 August 2017
ހެއުއެދޭ ގައުމައްޓަކާ އަށް ބުނެލަން އޮތީ ތިކުޑަހުވަދޫ ޓީމަގަ މާޒިޔާގަ އުޅެފަހުރި 2 ކުޅުން ތެރިން އެބަހުރި ކުލަބްތަން ކުލަބްތަށް ރަގަޅުވީމަދޯ އަތޮޅު ތެރޭ ކުދިން ގެންގުޅެ މޮޅުކުޅުންތެރި އަކަށް ހަދާދެނީ ކުޑަހުވަދޫ ޓީމްގެ 16 ނަބރ އަދި 10 ނަބރ
އަލީ
05 August 2017
އިރޭ ނިއު އަށް ގެންދަން ފެނޭ.. މިހާރު ރާއްޖެގައި ހުރި އެންމެ މޮޅު މިޑްފީލްޑަރ. ނިއު ސަޕޯޓަރުންގެ ހިޔާލަކީ ކޮބާ ؟
އިބްރާހީމް
05 August 2017
މި މެޗު ފެނުނީ އެއްވެސް ފޯރިއެއްނެތް ދަނށު ކުޅިބަލާ މީހުން ތިބޭތނަް މަދު މެޗެއްގެ ގޮތުގައިއެވެ. އެ،ފް.އޭ.އެމްގެ ދޯދީޔާކަން ފެނިގެން ދިޔައެވެ. މީހަކު ބޭރުން ގެނަޔަކަސް އެއީ ހުރިހާކަމެއް ނިމުނީކީނޫން ، ސަޕޯޓަރުން ވެއްދުމަށް އިސްތިހާރުކޮށް ފޯރިގެނުވުމަށް އިތުރު ކަންތަށްތަކެއް ކުރަންވެސް ޖެހޭނެ. މި އެފް.އޭ.އެމް ޕޮލިޓިކްސް ގެ ތެރެއަށް ވަނީމަކާއެއް ކަމަކު ނުދާނެ. ކުޅި ވަރު ޖެހޭނެ ޕޮލިޓިކްސް ތެރެއަށް ނުވައްދާ ކުރިއަރުވަން . މިހާރު މިވާގޮތަކީމެޗުހުޅުވުމަށް ބޭރުން މީހަކުގެނައިމަ އެފް.އޭ.އެމްގެ ޒިންމާ އެނިމުނީ. މިގޮތަށް ކިހިނެތް ފުޓުބޯޅަ ކުރިއެރުވޭނީ
ހެޔޮއެދޭ ގައުމަށްޓަކާ
05 August 2017
ގައުމުގައިތިބިއެންމެމޮޅުކުޅުންތެރިންނާަައި ބައްދަލުކޮށް ކުޑަހުވަދޫަ މިރޭނެރުނުނަތީޖާއިން ދޭހަވަނީ ކުލަބުތަށް ފެއިލްވެއްޖެކަން . ކުރިންވެސް އަޅުގަނޑު ބުނިން 1000 ދަގަންޑޭ އަތޮޅުތެރޭ ޢެބަތިބި ކުޑަހުވަދޫ އަކީ މިސާލެއް.