އެމްޓީސީސީ ސޯމިލް އިމާރާތް.-- ފޮޓޯ: ނިޝާން އަލީ/ މިހާރު
21 ޑިސެމްބަރ 2021 - 23:27
39 comments
އަރަބިއްޔާ ސްކޫލްގެ ކުދިންގެ ވަގުތީ ހައްލެއްގެ ގޮތުގައި، އެމްޓީސީސީ ސޯމިލް ނުވަތަ ދާދި ފަހަކާ ޖެހެންދެން ވަގުތީ ގޮތުން ފޮރިން މިނިސްޓްރީ ހިންގި އިމާރާތް ސަރުކާރުން މިރޭ ހަމަޖައްސައި ދީފި އެވެ.
މީގެ އަށް އަހަރު ކުރިން ބޭނުންކުރަން ފެށި އަރަބިއްޔާ ސްކޫލުގެ އިމާރާތުގެ ތަނބުތަކުގައި ރެނދުލައި، ވަރަށް ބޮޑަށް ހަލާކުވުމުން އެޑިއުކޭޝަން މިނިސްޓްރީން ނިންމާފައި ވަނީ އަންނަ މަހުގެ 16 ގައި ފަށާ ދެ ވަނަ ޓާމަށް ވަގުތީ ގޮތުން އެ ކުދިން އިއްޒުއްދީން ސްކޫލަށް ބަދަލުކުރާށެވެ.
ނަމަވެސް އެއީ ދެ މީޑިއަމަކަށް ކިޔަވާ ކުދިންނަށް ވުމާއި ޖާގައިގެ ދަތިކަމާ ހެދި އެ ކުދިން އިއްޒުއްދީނަށް ފޮނުވަން ބެލެނިވެރިން ދިޔައީ ދެކޮޅު ހަދަމުންނެވެ. އެކަމަށް ހައްލު ހޯދައިދިނުމަށް އެދި ރައީސް އިބްރާހިމް މުހައްމަދު ސޯލިހާ ވެސް އިއްޔެ އެ މީހުން ބައްދަލުކުރި އެވެ.
އެ ބައްދަލުވުމުގައި ރައީސް ވަނީ އަރަބިއްޔާގެ ކުދިންގެ މައްސަލަ އަށް ވަގުތީ ހައްލެއް ހޯއްދަވައި ދެއްވާނެ ކަމުގެ ޔަގީންކަން ދެއްވައިފަ އެވެ.
އެނގިފައިވާ ގޮތުގައި އަރަބިއްޔާގެ ކުދިން ބަދަލުކުރުމަށް އެޑިއުކޭޝަން މިނިސްޓްރީން މިއަދު ވަނީ ބައެއް އިމާރާތްތައް ބަލައި، އެ ތަންތަނުގެ އިސްވެރިންނާ ބައްދަލުކޮށްފަ އެވެ. އޭގެ ތެރޭގައި ސޯސަންމަގުގައި ހިންގާ މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ) ގެ ބިޒްނަސް ސްކޫލާއި ފޮރިން މިނިސްޓްރީ ވަގުތީ ގޮތުން ހިންގި އެމްޓީސީސީގެ ސޯމިލްގެ އިމާރާތް ހިމެނެ އެވެ.
އެތައް މަޝްވަރާތަކަކަށް ފަހު މިނިސްޓްރީން ނިންމީ، "މިހާރު" އަށް އެނގިފައިވާ ގޮތުގައި ސޯމިލް އިމާރާތަށް، އަރަބިއްޔާގެ 770 ކުދިން ބަދަލުކުރާށެވެ. އަދި ކްލާސްރޫމްތަކުގެ ޑިޒައިންގެ މަސައްކަތް މިހާރު ވަނީ ފަށައިފަ އެވެ.
މިނިސްޓްރީގެ ވިސްނުން ހުރީ ވެސް، ބާ ޖަމާލުއްދީން ސްކޫލުގެ ބިމުގައި އަރަބިއްޔާގެ އާ އިމާރާތް ހެދެން ދެން ވަގުތީ ގޮތުން އެމްޓީސީސީގެ އިމާރާތުގައި ކިޔަވައިދޭށެވެ. ނަމަވެސް މިހާރު ހަދަމުން އަންނަ އެސެސްމަންޓަށް ފަހު އެކަން ބަދަލުވުމުގެ ފުރުސަތު އެބައޮތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަންކާރި
22 December 2021
ކިހިނެތް މިވީ؟ 40000 އަކަފޫޓުގެ އިމާދުއްދީންގައި ތަން ނެތިގެން ނުދިޔަ ބަޔަކު 10000 އަކަފޫޓު ހަމަ ނުވާ ތަނަކަށް ބަދަލުވާން އޯކޭ؟ އިމާދުދުއްދީންގައި ކާފަރު ކުދިން އުޅެނީތަ؟ އަރަބިއްޔާ އަޅަންވީނު ވަކި ރަށެއްގައި؟ އޭރުން އިނގިރޭސި މީޑީއަމްއަށް ކިޔަވާކުދިންނާ ދިމާ ނުވެ އުޅެވޭނެ. ހަމަ ކަންތައްބޮޑު ޒާތް ކޮޅު ބޮޑު ގޮތްދޫނުކުރާ ބެލެނިވެރިންތަކެއް އުޅޭ ތަނެއްތީ.. ތިއައްވުރެ މާ ހާލުގައި އުޅޭ ސްކޫލްތައް އެބަހުރި.
ށޭޑް
22 December 2021
ހަމަ ވަރަށް ރަނގަޅު ނިންމުމެއް... އެހެން ކުދިންނާ ލިބޭ ޙައްޤުތައް ހަމަ ޢަރަބިއްޔާގެ ކުދިންނަށްވެސް ލިބެން ޖެހޭނެ.... މިތާ ޢަރަބިއްޔާ އާ ދެކޮޅަށް ވާހަކަދައްކާ މީހުންނަށް ބުނެލަން އޮތީ، ރުޅި އައިސްގެން ފަޅައިގެން ދާށެވެ! ކޮންމެ ބަޔަކަށްވެސް އެބަޔަކަށް ލިބެންޖެހޭ ޙައްޤުތައް ލިބެން ޖެހޭނެ. ކަލޭމެން ދަރިން އެކަންޏެއް ނޫން ކިޔަވަންޖެހޭނީކީ... ޢަރަބިއްޔާ ބެލެނިވެރިން އިހްތިޖާޖު ކުރީމާ ގޯސް... އެކަމު ސިަޔާސީވެރިން ކުރީމަ ރަނގަޅު.... ތިޔައީ ހުންނަ ބުއްދި
އަލް އަރަބިއްޔަތުލް ޖާހިލިއްޔާ
22 December 2021
އަރަބިއްޔާ ކުދިންގޭގަ ތިބެގެން އޮންލައިކޮށް ކިޔަވަންވީނު، ބެލެނިވެރިންނަށް ކަމުދާވަރު އިމާރާތެއްނެތް މާލެއަކު. ދެން މިއުޅޭ ބޮލުރޮދި އަބަދު އަރަބި އިސްލާމް ކިޔަވަދޭން ނުރުހޭ މީހަކު ކޮމެންޓްކުރަނީއޭ ކިޔައިގެން ކޮން ފިތުނަފަސާދައެއް މި ހިންގަނީ. ސަރުކާރު ހުރިހާ ސްކޫލެއްގަވެސް އަރަބިވެސް އިސްލާމްވެސް ކިޔަވަދޭ. އަރަބިން ކިޔެވިޔަސް އިނގިރޭސިން ކިޔެވިޔަސް ދީންވެރި މީހެއް ދީންވެރިވާނެ އެއީ އަޤީދާއާ ގުޅުންހުރި ކަމެއް.
ކަރިޝް
22 December 2021
ތިނޫނީ ބެލެނިވެރިން އުޅޭސްކޫލް އެއް ނެތް ކުރިން ހުރި އަރަބިއްޔާ ތަޅާލީމަ ބުނީ މި ގައުމުން އިސްލާމްދީން ފޮހެލަނީއޭ އެހެންކިޔާފަ ގަރުއެރުވީ
ވިސްނަމާބަހީ
24 December 2021
ސްކޫލް މާހައުލަކީ ހުރިހާ ކުދިންނަށްވެސް ރައްކާތެރި ތަނަކަށްވާންޖެހޭ. ސްކޫލްގެ އިމާރާތުގައި ބޮޑެތި ރެނދުލާން ދިމާވި ސަބަބު ހޯދާފަ ބަލަމާ. ފާޑުކިޔުމަށްވުރެ ރައްކާތެރި މާހައުލެއްގަ ކިޔަވައިދިނުން މުހިންމު. ބެލެނިވެރިން ކަންބޮޑުވީ އެކަމާ. އެއީ ކޮންމެ ޒިންމާދަރު ބެލެނިވެރިއެއްވެސް ކަންކުރާނެގޮތް. ޅަފަތުގަ އެކުދިންނަށް ދޭނެ ތައުލީމެއް ނިންމާނީ ބެލެނިވެރިންނޫން؟ އަޅުގަނޑުގެ ހިޔާލާއެއްގޮތް ނުވުމަކީ އަނެކާގެ ހައްގު ގެއްލެންޖެހޭ ކަމެއްތޯ؟
ފޫހި
22 December 2021
އަރަބި އިސްލާމީ ތަޢުލީމަށް ދިވެހިންކުރާ ނަފުރަތު މިކޮމެންޓްތަށް ކިޔާލުމުން ފެނިގެން ހިނގައްޖެ. ހާދަ ދެރައޭ. ބަލަ ޢަރަބި ބަހުން ކިޔެވިއަސް އެކުދިންވެސް ހަމަޤައުމަށް ޚިދުމަތްކުރާނެ. މިހާރުވެސްވަރަށް ގިނަވާނެ މަޢުހަދުން ކިޔަވައިގެން ޑޮކްޓަރުންނާއި އިންޖިނޭރުންވެސް. ހަސަދަ ވެރިވިއަސް ބޮޑުވަރު. ތިޔަ އެހެން ސްކޫލްތަކުން ކިޔަވައިގެން މަގުމަތީގައި ގުރޫޕް ހަދައިގެން ފަތްވިއްކަން އުޅުން ހަމަ އޯކޭތަ؟ ޢަރަބިއްޔާއިން ކިޔަވާކުދިން ގުރޫޕްތަކުގައި ވަރަށްމަދުވާނެ
ޢަރަބިއްޔާ މޭން
23 December 2021
ކޮމެންޓުތައް ކިޔާލައިފިން. ދިވެހިން ކުރާ ނަފުރަތު އޮތީ ބެލެނިވެރިންތަކެއް ކުރި ކަމަކާމެދުކަމަށް ދޭހަވީ. ޢަރަބި އަދި އިސްލާމް ކިޔަވައިދިނުމާ ދެކޮޅުހަދާ ކޮމެންޓެއް ނުފެނުނު.
އިނގޭތީ
23 December 2021
މަދެއްނޫން އަސްލަކު. އަހަންނަށް އިނގޭތީ މިބުނަނީ އަހަންނާ އެކީ ކިޔެވި މީހުންވީމަ މިބުނަނީ މަލޭގެ މިހާރު އެންމެ ވަރުގަދަކޮށް އުޅޭ 3 ގޭންގެއްވަރުގަ ބޮޑުންނަށް އެބަތިބި 2000 ގެ މެދުތެރޭގެ އަރަބިއްޔާގެ ބެޗުތަކުގެ ބައެއް. މިސާލަކަށް 2 މީހުން މެރި މަސްހޫރު ސަހުމް އަކީވެެސް އަރަބިއްޔާއިން މައުހަދުން ނުވީތާކަށް ގޮސް ޕާކިސްތާނުގަވެސް ކިޔެވި ސޮރެއް. ސުކޫލުގެ މައްސަލައެއްނޫން އުޅެނީ ގޭތެރޭގެ މައްސަލަ.
ވިސްނާލުމަށް އެދެމޭ
22 December 2021
އަރަބި އިސްލާމް ކިޔަވަދޭން ވަރަށް ނުރުހޭމީހެއް ކޮމެންޓްކުރުގެ ބުރައުފުލާފަ ހުރިކަން އެބައެގޭ ކިތައްމެ ވަރެއް ވިޔަސް އިގިރޭސިން ކިތައްމެ މޮޅުވިޔަަސް އަރަބި އިސްލާމް ފަހަތަކަށް ނުލެވޭނެ..ރާއްޖޭގަހުރި ހަމައެކަނި އަރަބި އިސްލާމީ ސްކޫލު އުވާލަން މޑޕ ބޭނުންވިޔަސް ތިކަމެނުކުރެވޭނެ..
ދޮގެއްވެއްޖެޔާ ހަދާތި
22 December 2021
ޢެެއްވެސްމިީހަކު ނޫޅެ އަރަބިއްޔާ އުވާލާކަށް. އެތާބެލެނިވެރިން އުޅޭ ހަޑި ގޮތަކުން އެންމެން ރުޅިއައިސްގެން އުޅެނީ.
ބުރެއިންލެސް
22 December 2021
މުސްކުޅިން ބުނެއުޅޭ ހިކަންޖަކައްނުފެންނާނޭ އޭގެ ފޫކޮޅުގާ ހޭކިފާ ހުންނަ ގުޔެއް ވވވ ސިޔާސީ ކޮމެންޓެއްތީ ބަލަ މިހާރު ތި ކިޔަވާދޭ އިމާރާތް ވެސް ހެދީ ތިބުނާ މޑޕ ގެވެރިކަމުގާ އަދިވެސް އަރަބި އިސްލާމް ކިޔަވާދޭ އިމާރާތް ހަދާނީ މިވެރިކަމުގާ....
ށޭޑް
22 December 2021
އެ ބެލެނިވެރިން އުޅުނީ ކޮން ހަޑިގޮތަކަށް.... އެމީހުންގެ ދަރިންގެ ޙައްޤުތަައް ހޯދުމަށް އެމީހުން ޤުރުބާންވަނީ ރާއްޖޭގެ އެކަން ކުރެވެން އޮތްގޮތަށް.... ރީތިކޮށް ބުނީމަ ސަރުކާރުން އަޑެއް ނޭހި... އެތަން އެހާލުގަ ހުންނަކަން މިނިސްޓްރީއަށް އެނގުނުތާ އެތައް ދުވަހެއްވެ، އެކަމަށް ޙައްލެއް ނުލިބުނީމަ ބެލެނިވެރިންނަށް އެމަގު ހިފަން އެޖެހުނީ...
ދި ބެލެނިވެރިޔާ
22 December 2021
ބުނިހާ ގޮތެއް ވާނެ ހަދާދެން. ހާދަ ޒާތްކޮޅު ވެސް ބޮޑު ބެލެނިވެރިން އުޅޭ ތަނެކޭ ތީ. ދެން ކޮންކަމެއް.. ދަރިން ބުނިހާ އެއްޗެއް ހޯދާދިނުމަކީ ދަރިންގެ ހަލާކު. މި މީހުން ދެން ނޭނގެ ޑިމާންޑް ކުރާނީ ކޯޗަކަށް ކަމެއްވެސް.
ބަލަމާ
24 December 2021
ތިބޭފުޅާގެ ދަރިފުޅު ކިޔަވަން ފޮނުވާ އިމާރާތް ރެނދުލާ ބޮލަށް ވެއްޓޭނެހެއް ހީވާނަމަ އެތަނަށް ފޮނުވާނަންތޯ؟ އެފަދަކަމަކާ އަޅާނުލާ ހުންނާނަންތޯ؟. ޝަކުވާކޮށް މައްސަލަ ހައްލުނުވިނަމަ އަދި އެހެންގޮތެއް ނެތްނަމައަޅާނުlާ ހުންނާނީތޯ؟ ކޮބާ ޒިންމާ ނެގުމަކީ؟
އަލްޖަނާބު
22 December 2021
ތިއޮތީ ކޮޅުމަގު ފެނިފައި! ހުރިހާ ސްކޫލެއްގެ ބެލެނިވެރިންވެސް މުޒާހަރާ ކޮށްގެން ހައްލު ހޯދަން ނިކުމޭ! ބާޖަމާލުއްދީނު ދިނުން ބަލއެއް ނުގަނެވޭ އެނެމް 770 ދަރިވަރުންނަށް! 1500 ކުދިންނަށް އެވަރުގެ ބިމެއް މާލެއިން ނުދެވޭހިނދު....
ޙަލީ
22 December 2021
ޢަރަބިއްޔާއަކީ 770 ކުދިން އުޅޭ ތަނެއްނޫން. ޢެއީ އަރަބިއްޔާގަ އެކޮމޮޑޭޓް ކުރެވޭ އަދަދު. ދޮގު ކިއުތަކުން ޖާގަ ލިބޭ ވަރު. ބޮޑު ސްކޫލެއް ލިބުނީމަ އެހެން އެއް ސްކޫލަކަށްވުރެ ގިނަ ކުދިންގިނަ ސްކޫލަކަށްވާނީ ޢަރްބިއްޔާ އިންޝާ ﷲ.
ހަސީނާ
22 December 2021
700 އެހާ ކުދިންނަށް 46 ކުލާސް މަދު.. އެއީ ކުލާހަކަށް 15 ކުދިން.. އެ ނޫންގޮަތަކަށް އެ ކުދިންނަށް ކިޔެވޭ ކަމަކަށް ނުވޭ.. ދެން ޖަމާލުއްދީނު ގައި އިސްކޫލު އެޅިމާ ކުލާހަކަށް 5 ކުދިން ލައިގެން ކިޔެވޭނެ ބާ؟؟
އަހްމަދުު
22 December 2021
ކަލެއަށް ކީއް
މަތިވެރިއަރަބިއްޔާ
22 December 2021
މަތިވެރި ސްކޫލުގެ މަތިވެރި ބެލެނިވެރި ބޭފުޅުންނާ ބޭކަނަބަލުން ތިތަނާމެދު ހިތްހަމަޖެހޭބާ އަނެއްކާ ފެންވަރުމަތީ ބައެއްވީމަ ކޮންމެ ކޮންމެ ތަނެއް އެބޭފުޅުންނަކަށް އަދި ކަމަކުނުދާނެ
ތަފާތު ނުކުރޭ
22 December 2021
2 ދުވަހުން 1 ދުވަހު ހެނދުނު ހޭލާއިރު ކިޔަވަމުންދާ ތަން ބަދަލު ވަންޔާ ކުއްޖާގެ ކިޔެވުމަށް އަސަރެއް ނުކުރާނެތޯ؟ ކިތައް ތަނަށް ކުދިން ވައްދާާފަ ގަނަތަޅުވިފިތޯ؟ އިނގިރޭސި މީޑިއަމަށް ކިޔަވައިދޭ ސްކޫލް ގިނަ ، ސްކޫލް ބަދަލު ކުރަން ފުރުސަތު ބޮޑު، އެ ފުރުސަތު އެބައޮތްތޯ އަރަބިއްޔާގެ ދަރިވަރުންނަށް؟