10 ފެބުރުއަރީ 2022 - 13:08
6 comments
ލ. ގަމު ރީޖަނަލް ހޮސްޕިޓަލުގައި އިއްޔެ ސިޒޭރިއަން ހެދި އަންހެނެއް ހާލު ދެރަވެ މާލެ ފޮނުވާލަން ނިންމައިފި އެވެ.
އެ ހޮސްޕިޓަލްގެ ޑެޕިއުޓީ ސީއީއޯ މުހައްމަދު ޝިޔާމް މިއަދު ވިދާޅުވީ ސިޒޭރިއަން ހެދި ފަހުން 36 އަހަރުގެ އެ އަންހެން މީހާގެ ހާލު ދެރަވާން ފެށުމުން އަލުން އޮޕަރޭޝަން ތިއޭޓަރަށް ވައްދައި ސިޒޭރިއަން ހެދި ތަން ބެލިއިރު އިންޓާނަލް ބްލީޑިންއެއް އުޅޭ ކަމަށެވެ.
އަނެއްކާ މިއަދު ހެނދުނު 8:00 ގެ ފަހުން އެ މީހާގެ ހާލު ސީރިއަސްވާން ފެށުމުން ވެންޓިލޭޓަރުގައި ބާއްވައިގެން ވެސް ފަރުވާ ދިނެވެ. ނަމަވެސް މި ވަގުތު އޮތީ އައިސީޔޫގަ އެވެ.
"ސިޒޭރިއަން ހެދުމުގައި ކޮންމެވެސް ކަމެއް ދިމާވެގެން ކަމަށް މި ބަލަނީ. އެކަން ދިޔަ ގޮތް ބަލަމުން އަންނަނީ. ޕޭޝަންޓްގެ ހުރިހާ ގުނަވަން މަސައްކުރޭ. ބައެއް މީޑިއާތަކުގައި އެބަހުރި ނާރު ބުރިވި ކަމަށް ރިޕޯޓުކޮށްފައި. ނަމަވެސް ހުރިހާ ގުނަވަނެއް މަސައްކަތްކުރޭ،" އޭނާ ވިދާޅުވި އެވެ.
ޝިޔާމް ވިދާޅުވީ އަންހެން މީހާގެ ހާލަތާ ގުޅޭ ގޮތުން އައިޖީއެމްއެޗާ މަޝްވަރާކުރުމުން އެ ހޮސްޕިޓަލަށް ފޮނުވާލަން ލަފާދީފައިވާ ކަމަށެވެ. އެހެންވެ، އާސަންދަ ހަމަޖެހުމުން މެންދުރު ފަހުގެ ފްލައިޓަކުން އެ އަންހެން މީހާ މާލެ ފޮނުވާލަން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝަރޫ
11 February 2022
މިއީހެލްމިނިސްޓުރީން ޒިންމާ ނަގަންޖެހޭ ކަންކަން، ބޮޑުމުސާރަނަގައިގެން ތިބެނީ މީހުންގެ ފުރާނަގެއްލޭ ވަރުގެ އިހުމާލުތައް ކުރިމަތިލާެއިރު.
ފަރުވާކުޑަ
11 February 2022
ޕޭޝަންޓަކަށް ކަމެއްވާ ކޮންމެ ފަހަރަކު އެއީ ކޮންމެވެސް މީހެއްގެ ފަރުވާ ކުޑަކަމުން ދިމާވާ ކަމެއްކަމުގައި ބެލުމަކީ ވަރަށް ދެރަވަރު ކަމެއް. އެއްވެސް މީހަކު ކުރާ ކަމަކީ 100% ޔަގީންކަމެއް އޮންނަ ކަމެއްނޫން. ކޮންމެފަދަ ގާނޫނެއް ހެދިޔަސް އެއީ ލިބޭނެ ޔަގީންކަމެއް ނޫން. ޢެއްވެސް މީހަކު ވަކިން ޚާއްޞަކޮށް ޑޮކްޓަރަކު ގަސްދުގައި ބަލިމީހަކަށް އަނިޔާއެއް ނުކުރާނެ.
ހުސެން
11 February 2022
މެޑިކަލްނެގްލިޖެންސް (އިހުމާލު) ގާނޫނެއް ވުޖޫދަށްނުގެނެސް މަޖިލިސްމެންބަރުން ބަލަނީ ޑުރާމާކުޅެވޭތޯ!! ޑޮކުޓަރުންނާ ނަރުހުންގެ ސެޓުފިކެޓުތަކުގެ ސައްހަކަން ކަށަވަރުކޮށް، އެމީހުންގެ ޕާފޯމެންސް މޮނީޓަރކޮށް ޒިންމާކުރުވޭނެ މެކޭނިޒަމެއް ގާއިމުކޮށްގެންނޫނީ ރައްޔިތުންނަށް ލިބޭ މިފަދަބޮޑެތި ސިއްހީ ގެއްލުންތައް ނުހުއްޓުވޭނެ، ދެތިންދުސްކުރިން އައްޑޫގަ ސީސެކުޝަން ހަދަންހަދައިގެން ގޮހޮރު ބުރިކޮށްލީ ފުކެއްބޮޑުވަރެއްނޫންތޯ؟ ވިހަންވެސްދާންވީ އެހެންގައުމަކަށް؟
ޑރ ޕެނަޑޯލް
10 February 2022
ހަމައެކަނި ޕެނަޑޯލް ދޭން އެނގޭ ޑޮކްޓަރުން ގިނަވާވަރަކަށް މިކަހަލަ ކަންތައް ދާނީ ގިނަވަމުންވަމުން.
ރަދީފްއޮފިޝިއަލް
10 February 2022
ދޫންޏެއް މަރުވި ހަބަރެއް ނަމަ 100 ކޮމެންޓްސް.ނަމަވެސް މި ހަބަރަށް 2 ކޮމެންޓްސް.
ށަވިޔަނި
10 February 2022
މިކަހަލަ ކަންތައް ހިނގަނީ ފަރުވާކުޑަވުމުން. ފަރުވާކުޑަމީހުނަށް އެކަށީގެންވާ އަދަބު ނުދެވޭހާ ހިނދަކު މިފަދަ ކަންކަން ނުހުއްޓޭނެ.