މަޖިލީހުގެ ކޮމިޓީއެއްގައި ބަންޑާރަ ނައިބު އިބްރާހިމް ރިއްފަތު ވާހަކަ ދައްކަވަނީ: ނިޒާމުގެ ތެރެއިން ގޯސް ހަދާ މީހުން އެބަތިބި ކަމަށް ވިދާޅުވި-- ފޮޓޯ/މަޖިލިސް
16 ފެބުރުއަރީ 2022 - 15:50
23 comments
ނިޒާމް ރަނގަޅަށް އެނގިގެން އެ ނިޒާމުގެ ލޫޕް ހޯލްތައް ގަސްތުގައި ބޭނުން ކޮށްގެން ގޯސް ހަދާ މީހުން ދައުލަތް ތެރޭގައި އެބަތިބި ކަމަށް އެޓާނީ ޖެނަރަލް އިބްރާހިމް ރިއްފަތު މިއަދު ވިދާޅުވެއްޖެ އެވެ.
ރިއްފަތު މިހެން ވިދާޅުވީ، ކުށް ކުރާކަން ފާޅުކަން ބޮޑު ގޮތެއްގައި އެނގޭ އިރު ވެސް ކުދިކުދި "ޓެކްނިކަލް މައްސަލަތަކާ" ހެދި މީހުން ދޫވާތީ އެކަމާ ގުޅިގެން މަޖިލީހުގެ ޖުޑިޝަރީ ކޮމިޓީގައި ކެންދޫ ދާއިރާގެ މެންބަރު އަލީ ހުސެއިން ކުރެއްވި ސުވަލަކަށް ޖަވާބު ދެއްވަމުންނެވެ.
ރިއްފަތު ވިދާޅުވީ އެގޮތަށް މީހުން ދޫވާ މައިގަނޑު ދެ ސަަބަބެއް އޮންނަ ކަމަށެވެ. އޭގެ ތެރެއިން އެއް ސަބަބަކީ ފުލުހުންނާއި ތަހުގީގީ އިދާރާތަކުގެ ތެރޭގައި ނުވަތަ ދައުލަތުގެ ކަމާބެހޭ އެހެން އިދާރާތަކުގައި ވެސް ރޭވި އިންތިޒާމް ވެގެން ގޯސް ހަދާ މީހުން ތިބުން ކަމަށެވެ.
"ނިޒާމު ރަނގަޅަށް އެނގިގެން ނިޒާމުގެ ތެރޭގައި ހުރި ލޫޕް ހޯލްތައް ހޯދައިގެން ގަސްތުގައި އެކަމުގެ ނިޔަތެއް ބާއްވައިގެން އެބަ ކުރިޔަށް ގެންދެވޭ. އެ ހަގީގަތް އަޅުގަނޑުމެން އެބަޖެހޭ ގަބޫލުކުރަން،" ބަންޑާރަ ނައިބު ވިދާޅުވި އެވެ.
ދެވަނަ މައްސަލެއްގެ ގޮތުގައި ފާހަގަކުރެއްވީ 1977 ގައި ފާސް ކޮށްފައި އޮތް ދެ ސަފުހާގެ ހެއްކާ ބެހޭ ގާނޫނަކަށް މިއަދާ ހަމަޔަށް ވެސް ކޯޓުތަކުން އަމަލުކުރަން ޖެހުމެވެ. އެ ގާނޫނުގެ ތެރެއިން ހެކި ވަޒަން ކުރުމުގެ ބޮޑު އިހުތިޔާރެއް ފަނޑިޔާރަށް ލިބޭ ކަމަށް ރިއްފަތު ވިދާޅުވި އެވެ.
ތަފްސީލީ ގޮތެއްގައި ހެކި ވަޒަން ކުރެވޭ ގޮތެއް ލިޔެފައި ނެތުމުން ގާނޫނުގެ ތެރެއިން ބޮޑެތި ބާގަނޑުތަކެއް އުފެދޭ ކަމަށާއި އެކަމުގެ ސަބަބުން މައްސަލަތައް ސާބިތު ނުވެ މީހުން ދޫވާ ކަމަށް ވެސް ރިއްފަތު ވިދާޅުވި އެވެ.
ހެއްކާ ބެހޭ އާ ގާނޫނެއް އޭޖީ އޮފީހުން މިދިޔަ އަހަރު ވަނީ ރައްޔިތުންގެ މަޖިލީހަށް ފޮނުވައިފަ އެވެ.
ރިއްފަތު ވިދާޅުވީ އެ ގާނޫނު ފާސްވުމުން މީގެ ގިނަ މައްސަލަތައް ހައްލު ވާނެ ކަމަށް ގަބޫލުކުރައްވާ ކަމަށެވެ.
އޭގެ އިތުރުން މަދަނީ އަދުލުގެ ނިޒާމަށް ހުރި ގޮންޖެހުންތައް މަދަނީ އިޖުރާއަތުގެ ގާނޫނުގެ ތެރެއިން ހައްލުވާނެ ކަމަށް ވެސް ރިއްފަތު ވިދާޅުވި އެވެ. އަދި އެކަންކަން އިތުރަށް ހަރުދަނާ ކުރުމަށް މި އަހަރުގެ ތެރޭގައި ފަނޑިޔާރުންގެ ގާނޫނާއި ކޯޓުތަކުގެ ގާނޫނަށް އިތުރު އިސްލާހުތަކެއް ހުށަހަޅުއްވާނެ ކަމަށް ވެސް އޭޖީ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަބޫ
17 February 2022
މީ މިދައްކާވާހަކަ އަކީ. ޖިނާއީ އިޖުރާތުގެ ގާނޫނުގަ ބޮޑެތި މައްސަލަތަކެއް ހުރި އިރުވެސް މިހާރުގެ ޕީ* އެ ލޫޕްހޯލްތަށް އެންގިހުރެވެސް މަޖިލީހަށް އޮބިއަޅައިގެން އެފާސްކުރީ.
ސަކަސަަކަ
17 February 2022
ޖީއެމްއާރަށް ދައުލަތުން އެތަށް ސަތޭކަ މިލިއަން ޑޮލަރު ގެއްލުންވާނެ ގޮތަށް އެގްރިމަންޓް ހެދީވެސް ހަމަ ދުރާލާ ރޭވިގެން
އޭޖީ އަކީ ބޭކާރު ވަޒީފާއެއް
17 February 2022
މަޖްލިހައް މި ވަންނަން ތެޅި ބާލަނީ އަމިއްލަ ފައިދާ ނެގޭލެ ބޮޑު ކަމުން. ސަރުކާރުގެ މޫލާފަ މިއޮތީ މަކަރާ ވައްކަން ކުރާ ގޮތްތައް. މިއޮތް ކުޑަކުޑަ ގައުމުގަ، އެހާ ބައިވަރު ސިޔާސީ މީހުން ތިބިއިރު، އޭގެ ތެރެއިން %50 ވެސް ތެދުވެރި ނަމަހީ ގައުމު ދަތުރު ކުރާނީ ރަގަޅު މަގާ ދިމާލައް. ކޮންމެ މީހަކައް ވެސް އެބަ އެގޭ، މި ގައުމުގެ ގައްދާރުންނާ، ވަގުންނާ، ޑ ވިޔަފާރި އާ، އިންތިހާއައް ބޮޑުވެ އާލާވެފަ ވާކަން. އެކަމުގަ ތެރޭގައި ޖަަމަލަކައް އަރާތިބެ އައުޓް މިގޮވަނީ!
އަޖާބު
17 February 2022
އެ ލޫޕް ހޯލްތައް ބައްދަން ހުންނަމީހެއް ނޫންތަ ކަލޭތީ. އެހެން މީހުން ބޮލަށް ކަނޑާލަން އުޅޭނެ ކަމެއް ނެތް. ބާގަނޑު ހުންނަންޏާ ބުޅާ ވަންނާނެ.
މިނިމަމް މިނިވަންކަން
16 February 2022
މިސާލަކަށް ރާއްޖޭގައި ކިޔަވާދެވޭނީ ލައިސަންސެއް އޮވެގެނޭ ބުނާމީހުން އެހުއްޓުވަނީ ކިތަށް އިލްމީ، ގާބިލް މުދައްރިސުން. ތިޔަ ލައިސަންސް ލިބެނީ 4 އަހަރުގެ ޓީޗިންގް ޑިގްރީއޮށް އޮވެގެނޭ ބުނެ ފުލްސްޓޮޕް ޖަހަނީ ކިހިނެއް؟ އަވައްޓެރި ލަންކާގެ ޓީޗަރުން އެކިޔަވައިދެނީ ތިޔަ 4 އަހަރުގެ ނެރޯ 1 ދާއިރާގެ ޑިގްރީއިންތަ؟
ގޯޅި
16 February 2022
ތިހުރިހާކަމެއްވެސް ލައްވާލަނީ ޑްރަގު ޑީލަރުންނާ ޖެހުމުންނެވެ.
ބޮޑުމީހާ
16 February 2022
ބިގަށް، ދީބާޖާ، ނޫމަޑި މިހެންގޮސް މިސަރުކާރުން ތިކަމުގަ އެންމެ ކުރީގަ އުޅެނީ
ނަމުގެވާހަކަ
16 February 2022
އެޓާރނީ ޖެނެރަލްގެ ނަމަކީ 'ރިއްފަތު' ތޯ، ނޫނީ 'ރިފްޢަތު' ތޯ.
ޗޮސްބެ
16 February 2022
ފަނޑިޔާރުގެ ގާނޫނު އިސްލާހްކުރާއިރު، އިންސާނުންގެ ބުއްދި ގަބޫލްނުކުރާ ކަހަލަ ހުކުމްކުރާ ފަނޑިޔާރުން މަގާމުން ދުރުކޮށް، ޖަލައްލެވޭގޮތަށް އިސްލާހްކޮއްދޭތި. މިސާލަކަށް، ބޮކްސާދަށުން ބައިކިލޯ ޑްރަގް ފުލުހުން ހޯދީމަ ދެން އިޖްރާތް ފުރިހަމަނުވާތީއޭ ކިޔާފަ އެމީހަ ދޫކޮއްލުން ކަހަލަ. ޑްރަގް ފެނުނީމަ އެ ފެނުނީނު. އެ ހޯދިގޮތް ކަމުނުދަންޏާ އެ ފުލުހަކާ ދޭތެރޭ ފިޔަވަޅު އަޅާނީ.
ވޯލް
16 February 2022
ކެބިނެޓާ ސަރުކަރުގައި ރައްޔިތުންގެ ހައްޤައް ކިރިޔާވެސް ވިސްނާ މީހަކީ ބަންޑާރަ ނައިބު.