ހައްޖު ކޯޕަރޭޝަންގެ ހަވާލުގައި ހައްޖަށް ދިޔަ ބަޔަކު މިނާގައި.--ފޮޓޯ: ހައްޖު ކޯޕަރޭޝަން
23 މެއި 2022 - 19:17
13 comments
ރާއްޖެ އިން ހައްޖުގެ އަޅުކަން އަދާކުރުމަށް ސައުދީ އަރަބިއާ އަށް މީހުން ގެންދިއުމުގެ ފުރުސަތު ހައްޖު ކޯޕަރޭޝަނަށް އެކަނި މި އަހަރު ދޭން އިސްލާމިކް މިނިސްޓްރީން ނިންމައިފި އެވެ.
އެ މިނިސްޓްރީން ކުރި އިއުލާނުގައި ބުނީ މި އަހަރު ރާއްޖެ އަށް ލިބިފައި ވަނީ 453 ކޯޓާކަން ސައުދީން ރަސްމީކޮށް އަންގާފައިވާ ކަމަށެވެ. އެކަމަކު އެ ގައުމުގެ ކަމާ ގުޅުންހުރި ފަރާތްތަކާ މަޝްވަރާކޮށްގެން އިތުރު ކޯޓާ ހޯދުމުގެ މަސައްކަތް ރާއްޖެ އިން ކުރަމުން އަންނަ ކަމަށް މިނިސްޓްރީން ބުންޏެވެ.
ހައްޖަށް ގެންދިއުމަށް އަމިއްލަ ޖަމާއަތްތަކަށް ހުޅުވާލައިގެން ޕްރޮޕޯޒަލް ހުށަހަޅައި އިވެލުއޭޓްކުރުމަށް އެކަށީގެންވާ މުއްދަތު ނެތުމުން ސަރުކާރުން ނިންމާފައި ވަނީ ހައްޖަށް މީހުން ގެންދިއުން ހައްޖު ކޯޕަރޭޝަނާ ހަވާލުކުރާ ގޮތަށެވެ.
ރާއްޖެ އަށް 453 ކޯޓާ ލިބިފައިވީ ނަމަވެސް އާއްމުންނަށް ހުޅުވާލަން ނިންމާފައި ވަނީ 100 ކޯޓާ އެވެ. ބާކީ ޖާގަތައް ދޭނީ ހައްޖު ކޯޕަރޭޝަނަށް ކުރިން ފައިސާ ދައްކާފައިވާ ފަރާތްތަކަށެވެ. މިނިސްޓްރީގެ އިއުލާނުގައި ބުނީ ހައްޖު ކޯޕަރޭޝަންގެ ކިޔޫގައި ތިބި މީހުންނަށް ވެސް އެ ކޯޓާގައި މި އަހަރު ހައްޖަށް ދިއުމަށް ކުރިމަތިލެވޭނެ ކަމަށެވެ.
މިނިސްޓްރީން ބުނީ 100 ކޯޓާގެ ތެރެއިން ހައްޖަށް ދިއުމަށް އެދި ހުށަހެޅުމުގައި އަމަލުކުރާނެ އުސޫލެއް ހައްޖު ކޯޕަރޭޝަނުން އިއުލާނުކުރާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސާފު
24 May 2022
ޙައްޖު ކޯޕަރޭޝަން އަށް ވާ ބައިގެ ޖާގަ ލިބޭނީ ކިއު ގެ ތަރުތީބުން. ނަމަވެސް ކޯޕަރޭޝަން ކިއުގެ ފަހަތުގައި ތިބި ފަރާތް ތަކަށް ކޯޕަރޭޝަން އާ ހަވާލުވި 100 ޖާގަ ތެރެއަށް ވަދެވޭތޯ ކުރިމަތި ލެވޭނެ.
ބޯގޯސް އަދުރޭ
24 May 2022
އަޑު އިވިފައިވާ ގޮތުން ރާއްޖެއަށް ލިބޭ ކޯޓާގެ %10 ރައްޔިތުންގެ މަޖްލިސް އަށް ދޭންޖެހެ! ހައްޖު ކޯޕަރޭޝަން - މީގެ ހަގީގަތަކީ ކޮބާތޯ؟
ޞޯރޭ
24 May 2022
މިލިބުނު މަދު ކޯޓާއިން ކިތައް ޕަސެންޓް ރައްޔިތުންގެ މަޖްލިސް އަށް ދޭން ޖެހޭތޯ ހައްޖު ކޯޕަރޭޝަން؟؟
ޓޫރިޒަމް ނިކަމެތި ވިޔަ ނުދޭތި!
24 May 2022
ދިވެހިންގެ ތެރެއިން މިއަހަރު ހައްޖައްދާން ބޭނުން ހުރިހާ އެންމެންވެސް އެއްކުރި ފައިސާ ސައޫދީ ސަރުކާރައް ފޮނުވަންވާނެ! އަނެއްކާ އަންނަ އަހަރު ފައިސާ އެއްކުރާނީ ދެވޭތޯ! އެމީހުން އޯކޭ ވާނެޔޭ!
ކޮރަލް
23 May 2022
ތަކުރާރު ކޮށްހައްޖަށް ދާ މީޙުން ހުއްޓު ވަން ޖެހެ އެވެ. އެއީ އުމުރުން އެއްފަހަރު ވާޖިބް ވާ ކަމެކެވެ. ދެން އެތައް ބަޔަކު ދާން ބޭނުން ވެފަ ހުއްޓަ ފައިސާ ހުރީމަ ނޫނީ ސިޔާސީ ނުފޫޒް ބޭނުން ކޮށްގެން އެތައް ބައެއް ހައްގަށް އަރަިގަންނަން ފުރުސަތު ނުދެއްވާ ށޭވެ. ތަކުރާރު ކޮށް ހައްޖަށް ނުދެވޭ ގޮތައް ގަވާއިދެއް ހަދަން ވީ އެވެ.
ފަލަކީމޭ
24 May 2022
ވަރަށް ރަނގަޅު ކޮމެންޓެއް. ފަރުޟު ޙައްޖު ވެފަ ހުރި މީހަކަށް އިތުރު ޙައްޖަކަށް ދެވެންވާނީ އަހަރުތަކެއް ފަހުން. މިސާލަކަށް 5 އަހަރު ފަހުން. އެހެންނޫނީ މިވާގޮތަކީ ރާއްޖެއަށް ލިބޭ ކޯޓާ މަދުކަމާއެކު ފަރުޟު ޙައްޖަށް ދާން ބޭނުންވާ އެތައް ބަޔަކު ކިޔޫގައި އެތައް އަހަރެއް ވަންދެން ތިބެން ޖެހޭ. ބައެއް ގްރޫޕްތައް މެދުވެރިކޮށް ތަކުރާރުކޮށް ހައްޖަށް ދާން ބޭނުންވުމުން އަލަށް ފަރުޟު ޙައްޖަށް ދާން ބޭނުންވާ މީހުންނަށް ފުރުޞަތު ލިބޭގޮތެއް ނުވޭ.
އޭނނ
23 May 2022
ތިޔަ ތަން އުފެއްދި މަގްސަދެއް ހާސިލް ވޭބާ؟
ސަސި
23 May 2022
ހައްޖު ކޯޕަރޭޝަންއޮތީ ކޮރަޕްޓްވެފަ. އެތަނުން ޖާގަ ލިބޭނީ ސިޔާސީ މީހުން ބުނެގެން.
ށަވިޔަނި
23 May 2022
ތިފަނި ނައަޅާތަނެއް މިގައުމުން ނުފެންނާނެ.
ޢާޝޯހު
24 May 2022
ސިޔާސީ މީހުން ބޭނުންވި ގޮތަށް ނުނެށި މީހުން ބޭރުކޮށްލީ. ކުންފުނި އުފެއްދި އިރު ތިބި، ބުރަ މަސައްކަތްތަކެއްކޮށް ކާމިޔާބު ކުންފުންޏަކަށް ހެދި މީހުން ބާކީވީ ސިޔާސީ ނުފޫޒު ގެ ސަބަބުން.
ފަސްފަ
24 May 2022
ޔާމީން ވެރިކަމުގައި ތިކަން އޮތީ ކޮރަޕްޓްކޮށް ނިންމާފަ. މެޑަމްއަށް 100 ޖާގަ، މިނިސްޓަރަށް 100 ޖާގަ މިގޮތަށް ނަގާފަ އޮންނަނީ. ދެން މިޖެހެނީ މެމްބަރަށް އާދޭސް ދަންނަވައިގެން ޖާގައެއް ހޯދަން. އަތް ނުބާނާ އެއްކަމެއްވެސް ނެތީ. ގިނަމީހުން މިހާރު ހަނދާނެއް ނުހުރޭ.
އަހަރެންނުދާނަން
24 May 2022
އެގޮތަށް ޖާގަ ހޯދައިގެން ދާ ޙައްޖެއްގެ ބޭނުމަކީ؟؟
މުނާޖާ
24 May 2022
ކޮންމެ މީހެއްގެ ވެރިކަމެއްގައި ވިޔަސް ގޯސް ކޮށް ކުރިކަމެއް ވާނީ ހަމަ ކޯހަކަށް. ޔާމިން ކަންކުރިގޮތް ރަނގަލު ކުރަންވެގެން ތަފާތު ބަޔަކަު ވޯޓުލައިގެން ހޮވީމަ އެމީހުންވެސް ހަމަ ކުރިން ކަންކުރި ކޮރަޕްޓް ގޮތްގޮތަށް ކަންކުރުން ރަނގަޅުތަ؟