ހުޅުމާލޭ ހޮސްޕިޓަލްގައި އުފަންވާ ކުދިންނަށް އެސްޓީއޯއިން "ގިފްޓް ޕެކް" ދޭން ފަށައިފި އެވެ.
އެސްޓީއޯއިން ދޭ ގިފްޓް ޕެކްގައި ހިމެނޭނީ އެސްޓީއޯއިން ރާއްޖެ އެތެރެ ކުރާ ޕިއުރިޓީ ބްރޭންޑުގެ ރީތިވާ ސާމާނެވެ.
ޕިޔުރިޓީ ބްރޭންޑްގެ އުފެއްދުންތަކަކީ ކުޑަކުދިންގެ ނާޒުކު ހަންގަނޑަށް ފަސޭހަ، ދުޅަހެޔޮ މާއްދާތައް އެކުލެވޭ އުފެއްދުމެއް ކަމަށް އެސްޓީއޯއިން ބުނެފައިވެ އެވެ. އެ ކުންފުނިން ފެށި "ފަހުރުވެރި އާއިލާ" ކެމްޕެއިންގެ ދަށުން ގިނަ ހޮސްޕިޓަލްތަކުގައި އުފަންވާ ކުދިންނަށް މި ޕެކޭޖު އަންނަނީ ދެމުންނެވެ. އޭގެ ތެރޭގައި އައިޖީއެމްއެޗް، ޓްރީ ޓޮޕް އާއި ބައެއް ރަށްރަށުގެ ހޮސްޕިޓަލްތަކުން ވެސް މި ޕެކޭޖު ލިބޭނެ އެވެ.
އެސްޓީއޯއިން ބޭނުން ވަނީ މި ކެމްޕޭން ރާއްޖޭގެ ހުރިހާ ހޮސްޕިޓަލްތަކެއްގައި އުފަންވާ ކުދިންގެ އާއިލާތަކަށް ލިބޭނެހެން ފުޅާކުރުމަށެވެ.