މުޖުތަބާ.-
29 ޖުލައި 2022 - 12:29
8 comments
ފިނޭންސް މިނިސްޓްރީގެ ޗީފް ޕްރޮކިއުމަންޓް އެގްޒެކެޓިވް އަހުމަދު މުޖުތަބާ ކުއްލި ގޮތަކަށް މިއަދު ހެނދުނު ނިޔާވެއްޖެ އެވެ.
އާއިލާއެކު ޗުއްޓީއަށް އުފަން ރަށް، ގއ. ދެއްވަދޫގައި ހުއްޓައި ކުއްލިއަކަށް ބަލިވުމުން އެންމެ ފުރަތަމަ ގެންދިޔައީ ގދ. ތިނަދޫ ރީޖަނަލް ހޮސްޕިޓަލަށެވެ. ނަމަވެސް ހާލު ދެރަވެ، އިތުރު ފަރުވާއަށް އިއްޔެ މާލެ ގެނެސް އައިޖީއެމްއެޗްގެ އައިސީޔޫގައި ފަރުވާ ދެމުން ދަނިކޮށް އުމުރުން 39 އަހަރުގައި އޭނާ ނިޔާވީ އެވެ.
މުޖުތަބާ ވަނީ އެކައުންޓިންގެ ދާއިރާއިން މެލޭޝިޔާގެ މަލްޓިމީޑީއާ ޔުނިވާސިޓީން ފުރަތަމަ ޑިގްރީ އަދި ބިޒްނަސް އެޑްމިނިސްޓްރޭޝަނުން ފިނޭންސް އަށް ހާއްސަވެ، އޯޕަން ޔުނިވާސިޓީން 2012 ވަނަ އަހަރު މާސްޓާސް ހާސިލްކުރައްވައިފަ އެވެ.
ފިނޭންސް މިނިސްޓްރީއާ 2008 ވަނަ އަހަރު ގުޅިވަޑައިގެންނެވި މުޖުތަބާ ވަނީ ނޭޝަނަލް ޓެންޑާ ބޯޑުގެ ސެކްރެޓަރީކަން ވެސް ވަރަށް ގިނަ ދުވަހު ފުރުއްވައިފަ އެވެ. އޭގެ އިތުރުން ބިޑް ކޮމިޓީގެ ވައިސް ޗެއާމަންކަމާއި ސީއެމްޑީއޭގެ އޮޑިޓް އެންޑް ރިސްކް ކޮމިޓީގެ ޗެއާމަންކަމާއި އެ އޮތޯރިޓީގެ ނޮން-އެގްޒެކެޓިވް ޑިރެކްޓަރުކަން ހިމެނެ އެވެ.
މުޖުތަބާއާއެކު މަސައްކަތްކުރެއްވި ކުރީގެ ފިނޭންސް މިނިސްޓަރު އަހުމަދު މުނައްވަރު، އޭނާގެ ފޭސްބުކްގައި ކުރެއްވި ޕޯސްޓެއްގައި ވިދާޅުވީ މުޖުތަބާ ނިޔާވުމަކީ އެ މިނިސްޓްރީ އަށް ލިބޭނެ ވަރަށް ބޮޑު ގެއްލުމެއް ކަމަށެވެ. އަދި އެއީ ރައްޓެހިންނަށް އެހީތެރިވާ، ގާތް ގުޅުމެއް ބާއްވައި ބޭފުޅެއް ކަމަށް ވިދާޅުވި އެވެ.
މުޖުތަބާ އަވަހާރަވިއިރު އަނބިކަނބަލަކާއި ދެ ފިރިހެން ބޭފުޅަކާއި އަންހެން ބޭފުޅަކު ދުނިޔޭގައި އެބަތިއްބެވެ. އޭނާގެ ޖަނާޒާ ބާއްވަން ނިންމާފައިވަނީ މިއަދުގެ މަޣުރިބް ނަމާދަށް ފަހު އިސްލާމީ މަރުކަޒުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނުރަބޯ
30 July 2022
އަޖައިބެއް. މަޖްލިހުގެ މެންބަރުންނަށް އާސިއާންގެ ގައުމުތަކުން ބޭސް ފަރުވާ ކުރެވޭނު؟ އެނިމުނީ.
އަލީހައިދަރު
29 July 2022
ހޮސްޕިޓަލްތަކުގެ ފެންވަރު ރަނގަޅު ކުރާކަށް ނުވޭތޯ؟! އެއްތަނުން އަނެއްތަނަށް ހާލުބޮޑު، އަވސްފަރުވާ ބޭނުންވެފައިވާ މީހަކު އުފުލަ އުފުލަތިއްބާ ހާލުބޮޑުވެ ވަކިވެގެން އެދިޔައީ. ކުޑަމިނުން ތިނަދޫ ހޮސްޕިޓަލުންވެސް ރަނގަޅު ފަރުވައެއް ލިބުނުނަަމަ ފުރާނަ ސަލާމަތްކުރެވުނީސްކަންނޭނގެ.
ބުލްބުލާ
29 July 2022
ރާއްޖޭގެ ހޮސްޕިޓަލްތަކުގެ ހާލު މިފެންނަނީ. ބޭރަށް ހިގައިގެން ނުވަތަ ފުޑް ޕޮއިޒަންވެގެން ދިއާމަ މިސްމެނޭޖު ކުރުމުން ބަލުމީހާގެ ހާލު ބޮޑުވެ މާލެ ގެންނަންޖެހުނީ. އޭރު ދެން އިތުރަކަށް ކުރެވޭނެކަމެއްނެތް. ރަށްރަށަށް ޑޮކްޓަރުން ފޮނުވާއިރު އެކިއިޓް އިމާޖެންސީތަކަށް ފުރިހަމައަަށް ތަމުރީނުވީތޯ ނުބަލާ، އެކްޓިވޭޓް ކުރަންޖެހޭ ފްރޮޓޮކޯލްތަ ރަފަޅަށް އެކްޓިވޭޓްނުކުރޭ.
ޑ007
29 July 2022
އިންނާލިއްލާހި ވައިންނާ އިލައިހި ރާޖިއޫން,
މުޙައްމަދު ލަތީފް
29 July 2022
ގަދަރުވެރި އިލްމީ އާއިލާއެއްގެ އިލްމީ ދަރިއެއް. މުޖުތަބާގެ ބޮޑު ބޭބެ ކުރީގެ ކަތީބު ދެއްވަދޫ މުހައްމަދު މުނީރު (ހުވަދޫ މުހައްމާ ކަތީބު) ވެސް ނިޔާވީ ހުކުރު ނަމާދަށް ވަޑައިގަންނަވަނިކޮށް ކުއްލި ގޮތަކަށްކަން ފާހަގަކުރަން. 2 ފުރާނައަށްވެސް ސުވަރުގެ ދާއިމީ ނިއުމަތް ލައްވާށި. އާމީން. ކަނޑުހުޅުދޫ ދާއިރާގެ މެމްބަރު އަހުމަދު ސައީދު އާ، ރާއްޖޭގެ އެންމެ މޮޅު 1 އޮޑިޓަރ ވިލާ ޝިޕިންގެ އެގްޒ.ޑައިރެކްޓަރ ޝިމާދު އަކީ ވެސް މިއާއިލާގެ މެމްބަރުންކަން ފާހަގަކޮށްލަން.
އަލީ87
29 July 2022
ވަރަށް ދެރަވެއްޖެ މައްޔުތާއަށް ސުވަރުގޭގެ ދާއިމީ ނިއުމަތް ލައްވާދޭ
ށަވިޔަނި
29 July 2022
اللهم اغفرله وارحمه واسكنه في الجنة آمين
އަބްދު ﷲ ވަހީދު
29 July 2022
އިންނާލިއްލާހި ވައިންނާ އިލައިހި ރާޖިއޫން, މައްޔިތާއަށް ރަޙްމައްލައްވާ ކައްވަޅުގެ އަޒާބުން ސަލާމަށް ކުރައްވާ ސުވަރުގޭގެ ނިޢްމަށް މިންވަރު ކުރައްވާޝި , އާމީން.