އައިޖީއެމްއެޗް-- މިހާރު ފައިލް ފޮޓޯ
01 އޯގަސްޓް 2022 - 10:42
3 comments
ޑެންގީ ހުން ޖެހިގެން ހާލު ބޮޑުވި ދެ ކުއްޖަކަށް އައިޖީއެމްއެޗުގެ އައިސީޔޫގައި ފަރުވާ ދޭން ފަށައިފި އެވެ.
އެ ހޮސްޕިޓަލްގެ ކުޑަކުދިންގެ ބަލިތަކުގެ ޑޮކްޓަރު، ޑރ. އަހުމަދު ފައިސަލް ވިދާޅުވީ ޑެންގީ ހުން ޖެހިގެން ފަރުވާދެމުން އަންނަ ދެ ކުދިންގެ ހާލު ރަނގަޅުވަމުން އަންނަ ކަމަށެވެ. އިތުރު ތަފްސީލެއް ނުދެއްވަ އެވެ.
އެ ތަނުން އެއް ކުއްޖަކީ 11 މަހުގެ ކުއްޖެކެވެ.
ޑެންގީ ހުން ޖެހިގެން މި ފަހުން ކުޑަ ކުއްޖަކު ނިޔާވެފައިވެ އެވެ.
މިއީ ވިއްސާރަ ދުވަސްވަރަކަށް ވާތީ މި ދުވަސްވަރު ޑެންގީ ހުން އިތުރެވެ. މަދިރިން ރައްކާތެރިވުމަށް ހަށިގަނޑު ރަނގަޅަށް ނިވާވާ ގޮތަށް ހެދުން އަޅާ މަދިރި ލޯޝަން ފަދަ ތަކެތި ބޭނުން ކުރުމަށް އެޗްޕީއޭ އިން ވަނީ އިލްތިމާސްކޮށްފަ އެވެ. އަދި ފަތިސްގަޑި އާއި އިރުއޮއްސޭ ވަގުތު ގޭގެ ދޮރުތައް ލައްޕާ މަގު މައްޗަށް ފެން ހެދޭނެ ގޮތަށް ފުޅިފަދަ ތަކެތި އުކާނުލުން ފަދަ ކަންކަމަށް މި ދުވަސްވަރު ސަމާލުވުމަކީ ވެސް ޑެންގީ ހުން މަދުކުރެވޭނެ ކަމެއް ކަން ކަމާބެހޭ އިދާރާތަކުން ހަނދާންކޮށްދެ އެވެ.
ޑެންގީ ހުމުގެ އިތުރުން ވައިރަލް ހުމާއި ބޭރަށް ހިނގުން ވެސް މިދުވަސްވަރު ވަނީ އިތުރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގައިޒް.
01 August 2022
ބަލިވެގެން އައިސީޔޫގައި ބާއްވާފައި ވަނީ އެހެން ރަށްރަށުން ގެނެސްފައިވާ ކުދިން ތަކެއް. ރަށްރަށުގައި މަދިރި ކޮންޓްރޯލް ކުރެވޭނެ އެއްވެސް ގޮތެއް ސަރުކާރުން ހަދާދީފައި ނެތް.
ފަރުހާދު
01 August 2022
ކޮވިޑަށްފަހު އަޅުގަނޑު މިހާރު މިއުޅެނީ ބޭރުތެރޭ މާސްކް އަޅައިގެން. މާސްކް އެޅުމުން ވަރަށް ފައިދާ ކުރޭ. އެހެންޏާ ވަރަށް ގިނައިން އަޅުގަނޑަށް ރޯގާ ޖެހޭ. މިހާރަކު ރޯގާ ނުޖެހޭ. މާލޭގެ ވައި ގެ މުޑުދާރުކަން އަދިކިރިޔާ އެނގި ސާފު މިވީ.
މަހުޖަނު.
01 August 2022
ތިޔަ މުޤައްދަސް ރަށަކީ އިންސާނުން ދިރިއުޅެން ކަމުދާ ތަނެއް ނޫންކަން އަހަރުމެނަށް މާކުރިން އެގިއްޖެ. މިހާރު އަހަރުމެން ދިރިއުޅެމުން މިދަނީ ހިޖުރަކޮށް ރާއްޖޭގެ އެންމެ ދެކުނުގައި. އިރާދަ ކުރެއްވީއްޔާ އުފާވެރި ދިރިއުޅުމެއް. ކުދިންގެ ކިޔެވުންވެސް ބަރާބަރު.