30 ޖެނުއަރީ 2023 - 20:35
7 comments
އދ. މާފުށިވަރު ރިސޯޓު ކައިރީގައި ބޮައެއް އަޅަން މޫދަށް ފައިބައިގެން އުޅެނިކޮށް ޒުވާނަކު މިއަދު ނިޔާވެއްޖެ އެވެ.
އެ ރިސޯޓު ކައިރީގައި އޮންނަ، މަހިބަދޫ ހޮސްޕިޓަލްގެ އޮފިޝަލަކު ވިދާޅުވީ މޫދުން ނަގައިގެން އެ ތަނަށް 5:30 ހާއިރު ގެންދިޔައިރު ވެސް 18 އަހަރުގެ ފިރިހެން ކުއްޖާގެ ވިންދެއް ނެތް ކަމަށެވެ. އެތަނުން ބުނީ ގަޑިއެއްހާއިރު ވަންދެން ސީޕީއާރު ދީގެން ވެސް ފުރާނަ ސަލާމަތް ނުކުރެވުނު ކަމަށެވެ.
ނިޔާވީ ރ. އިނގުރައިދޫ، ނިޝާހު އަބްދުލް ޣަފޫރެވެ. ނިޔާވިއިރު، އޭނާ ދިޔައީ މާފުށިވަރު ރިސޯޓުގެ ޑައިވިން ސެންޓަރުގައި މަސައްކަތްކުރަމުންނެވެ.
އޭނާއާ ގުޅޭ މައުލޫމާތު އެނގޭ މީހަކު ބުނީ ނިޝާހަކީ މޫދަށް ފަރިތަ ޒުވާނެއް ކަމަށެވެ. އޭނާ ވަނީ ޑައިވިން ކޯސް ވެސް ފުރިހަމަކޮށްފަ އެވެ.
ފުލުހުން ބުނި ގޮތުގައި މޫދަށް އެރި އުޅުނު ޒުވާނެއްގެ ހާލު ދެރަވެގެން ހޮސްޕިޓަލަށް ގެންދިޔަ ކަމުގެ ރިޕޯޓް ލިބުނީ އިރުއޮއްސި 6:54 ގައި ކަމަށެވެ. ފަރުވާ ދެމުން ދަނިކޮށް އެ ޒުވާނާ ނިޔާވި ކަމަށް ހޮސްޕިޓަލުން މައުލޫމާތު ދީފައިވާ ކަމަށާއި ހާދިސާއާ ގުޅޭ ގޮތުން ބަލަންޖެހޭ ކަންކަން އިތުރަށް ބަލަމުން އަންނަ ކަމަށް ފުލުހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޚަތީބު
07 November 2023
ހާދަ ހަމަނުޖެހޭ ވާހަކައެއް؟! މޫދަށް ފަރިތަ ޑައިވިންގ ކޯސް ފުރިހަމަކޮށްފައި ހުރި ޒުވާނެއް؟!! މީގެ ތަފްސީލީ ވާހަކަތަކެއް އަދި ހުންނާނެ!!
ޙިނި
31 January 2023
ޓުވަރިޒަމް މިނިސްޓުރީ އަދި ލޭބާ މިނިސްޓުރީ އެބަޖެހޭ ހޭލަން، ސްޓާފުންލައްވާ މޫދުގައި ނޫނީ ކަންޑުއަޑީގައި ކުރާ ނުރައްކާރެތި މަސައްކަތް ކުރުވުމަކީ ރަންގާޅު ގޮތެއްނޫން، މިކަހަލަ މަސައްކަތް ކުރަން ވާނީ މިކަހަލަ ކަން ކަމައް ޓުރެއިން ވެފަތިބޭ ފުރޮފެޝަނަލް މީހުންލައްވާ ނޫނީ މިކަހަލަ މަސައްތަތްތަކައް ހާއްސަވެފައިވާ ކުންފުނިތައްލައްވާ. ވިސްނާނުލާތީ މީހެއްގެ ޅަދަރިއެއްގެ ފުރާނަ އެގެއްލުނީ، މީގައި ރިސޯޓުގެ އިހުމާލު އޮތްހެން ހީވަނީ.
ށަވިޔަނި
31 January 2023
ވަރަށް ހިތާމަވެރި ހާދިސާއެއް. ﷲ މަރްޙޫމުގެ ފާފަފުއްސަވައި މަރްޙޫމަށް މަޣްފިތަތުދެއްވަވައި ސުވަރުގޭގެ މަތިވެރި ނިޢްމަތް މިންވަރުކުރައްވާށި.
ގެދާނޯމޮސް
30 January 2023
إِنَّا لِلَّهِ وَإِنَّ إِلَيْهِ رَاجِعُونَ ސްމާރޓް ފޯނުގައި ވަގުތު ނަގާލެވޭ މިހާރުގެ ޒުވާނުންނަށް ގައިގެ ވަރުބަލިކަން އިޙްސާސް ނުކުރެވޭތީވެ ގިނަވަގުތު މަޖާކަންކަމުގަ ވަގުތު ހޭދަކުރެވޭއިރު ފުރާނަޔަށް އެކަށީގެންވާ އަރާމު ނުލިބޭކަން އިޙްސާސްއެއް ނުވެއެވެ. އެހެނީ ﷲ އިންސާނާ ހެއްދެވީވެސް ކެތްތެރި ކަންކުޑަ ބަޔެއްގެ ގޮތުގަ ވާކަން ދަންނާން ޖެހެއެވެ. މިފަދަ ކުށްލި މަރުތަށް ފަހުޒަމާނުގަ އިތުރު ވާނޭކަން އެއީ މިދެންނެވި ފަދައިން ޝައްކެތްނެތް ހަގީގަތެކެވެ.
ދިލް
31 January 2023
ފުރާނައަށް އަރާމު ބޭނުން ވާކަން އަދި މި އެނގުނީ، އެހެންވެ ހަށިގަނޑަށް މި ހުރިހާދުވަހު އަރާމު މި ދެވުނީ. ލިޔާނެ ރަނގަޅު ކޮމެންޓެއް ނެތިއްޔާ ނުލިޔުމުންވެސް ފުދޭނެ.
ދގދސެފ×
30 January 2023
މައްޔިތާގެ މައްޗަށް ރަޙްމަތްލައްވާށި. އާމީން.
ހާމިދު ޝާހިދު
30 January 2023
ސޭޑް ނިއުސް! މަރުހޫމަށް ސުވަރުގޭގެ ނިއުމަތް ލައްވާށިއެވެ. އާމީން!