ހައްޖަށް ގެންދަން ހުށަހެޅި އަގު ބޮޑުކަމުން ބިޑްތައް ބާތިލްކޮށް އަގު ކޮންޓްރޯލްކޮށްފި

ހައްޖުގެ އަޅުކަން އަދާކުރަން ދިޔަ މީހުން މިދިޔަ އަހަރު އަރަފާތު ފަރުބަދަ އަށް ޖަމާވެ ދުއާކުރުމާއި ޒިކުރުކުރުމުގައި. ރާއްޖެ އިން ހައްޖަށް ގެންދަން ކުންފުނިތަކުން ހުށަހެޅި އަގުތައް ބޮޑުކަމުން އަގު ކޮންޓްރޯލްކޮށް އަލުން ވަނީ އިއުލާންކޮށްފައި. -- ފޮޓޯ: އޭއެފްޕީ

05 އެޕްރީލް 2023 - 11:24

12 comments

ރާއްޖެ އިން މި އަހަރު ހައްޖަށް ގެންދަން ކުންފުނިތަކަށް ހުޅުވާލުމުން ހުށަހެޅި އަގު ބޮޑުކަމުންނާއި ބައެއް ކަންކަން ފުރިހަމަނުކޮށް ހުށަހަޅާފައިވުމުން ބިޑްތައް ކެންސަލްކޮށް އަގު ކޮންޓްރޯލްކޮށްފި އެވެ.

ހައްޖަށް މީހުން ގެންދަން ބޭނުންވާ ކުންފުނިތަކަށް ކުރިން ހުޅުވާލިއިރު އިސްލާމިކް މިނިސްޓްރީން ވަކި އަގެއް ކަނޑައަޅައިފައެއް ނުވެ އެވެ. އެކަމަކު ބިޑްތައް ބާތިލްކޮށް އަލުން ހުޅުވާލި އިރު، އަގުގެ ގޮތުގައި ހުށަހެޅޭނީ 75،000-95،000ރ.އާ ދެމެދުގެ އަގެއް ކަމަށް އިއުލާންގައިވެ އެވެ.

އިސްލާމިކް މިނިސްޓްރީން ބުނީ ހައްޖަށް ގެންދިއުމުގެ އަގު ފިޔަވައި އެއްވެސް ބަދަލެއް އަލުން ހުޅުވާލި އިރު ގެނެސްފައި ނުވާނެ ކަމަށެވެ.

އެ މިނިސްޓްރީން ބުނި ގޮތުގައި ކުރިން ބިޑް ހުށަހަޅާފައި ވަނީ ހައްޖުގެ އަޅުކަމުގެ ހިދުމަތަށް އެކަށީގެން ނުވާ އަގުތަކެކެވެ. އެކަމަކު ޝައުގުވެރިކަން ފާޅުކުރި ކުންފުނިތަކުން ހުށަހެޅި އަގުތަކުގެ ތަފްސީލެއް މިނިސްޓްރީން އާއްމެއް ނުކުރެ އެވެ.

ހައްޖަށް ގެންދިއުމުގެ އަގުގެ ގޮތުގައި ކުރިން އަމިއްލަ ކުންފުނިތަކުން ވެސް ނަގަމުން އައީ، ގާތްގަނޑަކަށް 70،000ރ. އެވެ. ސަރުކާރުގެ 100 ޕަސެންޓް ހިއްސާ އޮންނަ ހައްޖު ކޯޕަރޭޝަނުން ހައްޖު ދަތުރަކަށް މީހަކަށް ނަގަނީ 69,965ރ. އެވެ.

އިސްލާމިކް މިނިސްޓްރީގެ އިއުލާނުގައި އެދިފައި ވަނީ ހައްޖަށް ގެންދަން ޝައުގުވެރިވާ ކުންފުނިތަކުން މި މަހުގެ 13 ގެ ކުރިން ބިޑް ހުށަހެޅުމަށެވެ.

ހައްޖުގެ އަޅުކަމަށް ރާއްޖެއަށް ރަސްމީ ކޯޓާގެ ގޮތުގައި އަހަރަކަށް ކަނޑައަޅާފައި ވަނީ 1،000 އެވެ. އެކަމަކު ސަރުކާރުތަކުން އެދުމުން މި އަދަދު އިތުރުކޮށްދެ އެވެ.

ރާއްޖެއަށް މި އަހަރަށް ކަނޑައަޅާފައިވާ ކޯޓާގެ އަދަދު، 2،500 އަށް އިތުރުކޮށްދޭން ސަރުކާރުން ސައުދީ އަރަބިއްޔާގައި އެދިފައިވާ ކަމަށް އިސްލާމިކް މިނިސްޓްރީން ވަނީ ބުނެފަ އެވެ.

ކަލަންޑަރުގައިވާ ގޮތުން މި އަހަރުގެ ހައްޖު ދުވަހަކީ ޖޫން 27 އެވެ.

ހައްޖުގެ އަޅުކަމުގައި މިދިޔަ އަހަރު ޖުމްލަ 899،533 މީހުން ބައިވެރިވި އެވެ. ކޮވިޑްއާ ގުޅިގެން ރާއްޖެއަށް ލިބުނީ 453 ކޯޓާ އެވެ. އެ ހުރިހާ ޖާގައެއް ވެސް އެ ފަހަރު ދިނީ ހައްޖު ކޯޕަރޭޝަނަށެވެ.

ހައްޖު އިސްލާމިކް މިނިސްޓްރީ ހައްޖު ގްރޫޕްތައް

12 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަގުތުގާ

06 April 2023

ފާއިތުވީ އަހަރު ހައްޖު ކޯޕަރޭޝަނުން ހައްޖަށް ގެންދިއަ 400 ހާޖީންގެ ކޮންމެ ބޮލަކަށް އެއްލައްކަ ފަސްދޮޅަސް ހާސް ރުފިޔާއަށްވުރެ ބޮޑު ހަރައްދެއް ވަނީކޮށްފައެވެ . ސުވާލަކީ އާންމުފަރާތްތަކުން މިފަހަރު އަގު ހުށަހާޅާފައިވާ 75000- 95000 ދެމެދު އަގުތަކުގެ 2 ގުނަ ފައިސާ ހައްޖުކޯޕަޜޭޝަނުން ހަރަދު ކުރީ ކޮންކަމަކަށްތޯ ކީއްވެތޯ ؟. ބިޑުތައްބާތިލުކުރީ ގާތް ބަޔަކަށް ބިޑް ކޯޓާ ނުދެވިގެންތޯ ނޫނީ އަގުތައް ބޮޑުވެގެންތޯ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

05 April 2023

ލިބެނީ 1000 ކޯޓާ. ހައްޖު ކޯޕަރޭޝަނުން މި 1000 ކޯޓާ މެނޭޖްނުކުރެވެނީ ކީއްވެބާ! ހައްޖުންވެސް ވިޔަފާރި. ހައްޖު ކޯޕަރޭޝަންނަށް ނުވަންޏާ އެތަން އުވާލަންވީނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަބުނެލީދެން

05 April 2023

އަމިއްލަ ކުންފުނިތަކުން ކޯޓާ ނަނގާފަ ބިޑަށްލަނީ! އެއްވެސް ސަރުކާރަކުން މިކަން ހުއްޓުވަން ނުކުޅެދުނިމީ މިއީ މިހާރު އާންމު މިންގަނޑަށް ފެތޭކަމެއްގެ ގޮތުގައި ވެފަ މިއޮތީ. ބިޑުގަ 95،000 ޖެހިޔަސް އިތުރަށް ނަގާނެކަން މިއީ ޝައްކެއް އޮތްކަމެއް ނޫން. ނުވެސް ހުއްޓުވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

05 April 2023

ހައްޖުކޯޕަރޭޝަނަށް ކުޅަދާނަ ވާނަމަ ކޯޓާ ލިބޭ އެންމެން ނުގެންދަންވީ ކީއްވެބާވައެވެ. ހަމަކޮންމެހެންވެސް ވިޔަފާރިއެއްގެގޮތުގައި އެކަން ހަދަން ޖެހޭބާވައެވެ. ތިޔަ އަމިއްލަ ތަންތަނުން ކޮންމެ އަގެއް ހުށަހެޅިޔަސް ގެންދަނީ ސާބިތު ނުކުރެވޭނެގޮތަކަށް މަކަރާހީލަތުން އިތުރު ލާރިގަނޑެއް ނަގާފައެވެ. މިއީ އެންމެން ދަންނަ ބޮޑު ސިއްރަކަށްވާއިރުވެސް ހަމަ އެފަރާތްތަކަށް ފުރުޞަތު ދޭންޖެހެނީ އެތަންތާނގައިވެސް މަސައްކަތްކުރަނީ ހަމަ އެއްބަޔަކަށްވާތީ ނޫންބާވައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމީލޯބި

06 April 2023

އަޅުކަމުންވެސް މަކަރު.. ގުރޫޕުތަކުން ބުނާނީ ޖާގަ ލިބެނީ މިވެނި ވަރެއް ރިސްޓް ނަހަދާގޮތަށް ދިނީމަޔޯލަ! އެވެރިން ބުނަނީ މީ ފައިދާއަށް ކުރާކަމެއް ނޫނޭ... ލިއްލާހިޔަށް ޓަކަޔޯލަ! އެކަމަކުވެސް މަކަރާއި ޙީލަތް... އޮޅުވާލުން އެވެސް ދައުލަތުގެ އިދާރާތަކަށް.. ދެން ކޮންކަމެއް ރަގަޅަށް ކުރެވޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން ހަސަނު

05 April 2023

ތި ހުރިހާ ޖާގައެއްވެސް ދޭންވީ ހައްޖު ކޯޕަރޭޝަނަށް. ބޮޑު ސިންގާ ކޯޕަރޭޝަނެއް ހަދާފައި ބޮޑު މުސާރަދީފައި މުވައްޒަފުންލާފައި ތިބޭއިރު ރަގަނޅު އެއްޗެއް ލިބޭނޭ ރަގަނޅަށް އޮޕަރޭޓް ކުރެވިގެން. އަދި އަމިއްލަ ފަރާތްތަކުން ވިޔަފަރި އުސޫލުން ބޮޑުފައިދާ ނަގާފައި ކަންކޮއްދޭ އުސޫލު ހުއްޓުވޭނީވެސް އޭރުން އަދި އާންމު މީހާޔަށް މާ އިތުބާރުވެސް ބޮޑުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމްރާއަށް

05 April 2023

އުމްރާއަށް 25000 އިން ދެވޭ ހައްޖަށްވީމަ 95000 އަރަތެއްނުން. އެއް ތާކަށް ދަނީ. ދެން ތާފާތުވާނެ އުމުރާއާ ހައްޖާ. އެކަމް އެހާ ބޮޑު ފަރަގެއް އުޅެގެން ނުވާނެ ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާޓެޓާ

05 April 2023

ހައްޖު ކޯޕަރޭޝަނުން ނަގަނީ 70،000..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

05 April 2023

އަސްލުވެސް. އެކަށީގެންވާ އެފޯޑަބަލް އަގެއް ނަގަންވާނީ. 70000 ނުވަތަ އެއަށްވުރެއް އިތުރަށް ނެގުމަކީ ބޮޑުވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިހޫ

05 April 2023

އަސްލު ވަރަށް މުހިއްމު ކަމެއް ގިނަ މަޢުލޫމާތު ވީހާވެސް ގިނައިން ހޯދުމަކީ. ހުރިހާ ދާއިރާތަކުންވެސް. އެކަމަކު އެހާ ވާހަކަ ގިނަ ކުރުމަކީ މުހިއްމުކަމެއް ނޫން!