6،000 ޓަނުގެ ހިލައާ އެކު ބާޖެއް ފަރަށް އަރައިފި

ހދ. ކުޅުދުއްފުށި: އެ ބާޖު ފުން ކުރުމަށް މަސައްކަތް ކުރަމުން އަންނަ ކަމަށް ކައުންސިލުން މައުލޫމާތުދޭ. --- ފޮޓޯ: ކުޅުދުއްފުށި ފޭސްބުކް ޕޭޖް

ފާތިމަތު އަޖްފާން، މިހާރު

18 ޖުލައި 2023 - 20:09

12 comments

ހދ. ކުޅުދުއްފުށި ކައިރިން ދަތުރުކުރަމުން ދިޔަ ހިލަ ބާޖެއް އެ ރަށު ފަރަށް އަރައިފި އެވެ.

ކުޅުދުއްފުށީގެ މޭޔަރު މުހައްމަދު އާތިފް މިއަދު ވިދާޅުވީ 6،000 ޓަނުގެ ހިލަ ބަރުކޮށްގެން އެ ރަށް ކައިރިން ދަތުރުކުރި ބާޖު ފަރަށް އެރީ މިދިޔަ އާދިއްތަ ދުވަހު ކަމަށެވެ. ބާޖު ފުން ކުރުމަށް މަސައްކަތް ކުރަމުން އައި ނަމަވެސް އަދި ފުން ނުކުރެވޭ ކަމަށް ވެސް އޭނާ ވިދާޅުވި އެވެ.

"6،000 ޓަނުގެ ހިލަ ވީމަ ފުން ކުރަން ވަރަށް އުނދަގޫ ވެގެން، އަޅުގަނޑުމެން މިހާރު މި މަސައްކަތް ކުރަނީ 2،000 ޓަނު ހިލަ އަންލޯޑު ކޮށްލާފައި ދެން ފުން ކުރަން މަސައްކަތް ކުރަން،" އާތިފް ވިދާޅުވި އެވެ.

އެއީ ކޮން ބައެއްގެ ބާޖެއް ކަމެއް ސާފެއް ނުވި އެވެ.

ޓަގު ބޯޓާއި ބާޖު ފަރަށް އެރުން މި ފަހުން ވަނީ އިތުރުވެފަ އެވެ.

ޏ. ފުވައްމުލަކު ގިރާ ސަރަހައްދު ހިމާޔަތް ކުރުމަށް ބޭނުންވާ ހިލަ ބަރުކޮށްގެން ދިޔަ ބާޖެއް، މި މަހުގެ ހަތްވަނަ ދުވަހު ފަރަށް އެރި އެވެ. އެ މައްސަލަ އެންވަޔަރްމެންޓަލް ޕްރޮޓެކްޝަން އެޖެންސީ (އީޕީއޭ) އިން ތަހުގީގުނުކޮށް އުޅެނިކޮށް، އެ ބާޖު ރާއްޖެ ފުރައިގެން ގޮސްފައިވާ ކަމަށް އީޕީއޭން ވަނީ ބުނެފަ އެވެ.

މިދިޔަ މޭ މަހު ވެސް ބޮޑުހިލަ ހިފައިގެން ދިޔަ އެމްއެމް އެކްސްޕޯޓްގެ ބޯޓެއް ހއ. ދިއްދޫ ފަރަށް އަރާފައިވެ އެވެ. އެ މައްސަލަ ތަހުގީގުކޮށް، އެސަސްމަންޓް ނިމި މިހާރު އޮތީ ޖޫރިމަނާ ކަނޑައަޅާ މަރުހަލާގަ އެވެ.

ހދ. ކުޅުދުއްފުށި އީޕީއޭ

12 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފއނކސ ގޯޑް

18 September 2023

މިޔަރު ބަލަން އުޅޭފަދައިން، ބާޖު އެއިން ގޮތަށް، މީހުން ބަލަންހުރީ އޭ. ހީވަނީ، ބާޖު އެ އައީ، ބޮޑު ހިލަގަނޑެއް ހިފައިގެން، އެބުނާތަނެއް، އެއްކޮށް އޮއްސާލުން. ހަމަ ހަގީގަތުގައި ބާޖު އައިސް ހިލަގަނޑެއްގެ މަތީ ހުރީއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙްހމަދު

19 July 2023

މި ހަބަރު ގައި ވާގޮތަކަށް ނޫންކަންނޭގެ ކަންތައް ވީ.. ޕްލީޒް ރަނގަޅު މައުލޫމާތު ހޯއްދަވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙެހެހޭ

19 July 2023

ކާކުބުނީ ބާޖު ފަރަށް އެރިއޭ. އެމީހުން ބުނެފިތަ ފަރަށް އެރިކަމަށް. ކީއްކުރަން، ކޮން އަޅުގަނޑުމެންނެއްތަ ހިލަ އަނއލޯޑު ކުރުމުގައި ތިޔައުޅެނީ. ތިމީހުންތިތަތިބީ ހުވަފެނެއްގައި.