ރިޔާސީ އިންތިހާބުގެ ކެމްޕެއިނަށް، ރައީސް އަދި އެމްޑީޕީގެ ކެންޑިޑޭޓް މާރަންދުއަށް ވަޑައިގަތުމުން، އެ މަނިކުފާނަށް މިއަދު މަރުހަބާ ކިޔަނީ.-- ފޮޓޯ: އެމްޑީޕީ
20 ޖުލައި 2023 - 12:12
27 comments
ވެރިކަމުގައި ދެމިހުންނަން ވެސް ދަސްކުރަން ޖެހޭ ކަމަށާއި ރައްޔިތުންނަށް ހިދުމަތް ކުރެވޭނީ އޭރުން ކަމަށް ރައީސް އަދި އެމްޑީޕީގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
ސެޕްޓެމްބަރު 9 ގައި ބާއްވާ މި އަހަރުގެ ރިޔާސީ އިންތިހާބުގެ ކެމްޕެއިނަށް ހއ. އަތޮޅަށް އިއްޔެ ފެއްޓެވި ކެމްޕެއިން ދަތުރުފުޅުގައި. އެ އަތޮޅު މާރަންދޫ ބަނދަރުގައި ބޭއްވި ބައްދަލުވުމެއްގައި އެ މަނިކުފާނު ވިދާޅުވީ، މީގެ ކުރިން އެމްޑީޕީން ނުކުތީ ސަރުކާރުތައް ބަދަލުކުރަން ކަމަށެވެ. އެކަމަކު، އެ ވިސްނުމުގައި އަދިވެސް ބައެއް ބޭފުޅުން އެބަތިއްބެވި ކަމަށާއި އެއީ ހަރުލާފައި ނުނެއްޓި ހުރި ކަންތައްތައް ކަމަށް ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
ނަމަވެސް، ވެރިކަމަށް އައުމަށް ފަހު ދެން ކުރަންޖެހޭ ކަމަކީ، ރައީސް ވިދާޅުވި ގޮތުގައި، ވެރިކަން ދެމެހެއްޓުމެވެ.
"...އަޅުގަނޑުމެން ވެރިކަމަށް އައުމަށް ފަހު ދެން ކުރަންޖެހޭނެ ކަމަކީ އަޅުގަނޑު ގަބޫލުކުރާ ގޮތުގައި ވެރިކަން ދެމެހެއްޓުން. އެއީ ވެފައި ހުރި ވައުދުތައް ފުއްދަން ބޭނުންވާތީ. އެމްޑީޕީގެ ދާއިމީ ސިޔާސަތެއް ނޫން އެއީ ވެރިކަންތައް ބަދަލުކުރުން،" އެ މަނިކުފާނު ވިދާޅުވި އެވެ.
"ވެރިކަމުގައި ތިބެން ވެސް ދަސްކުރަންޖެހޭނެ. ރައްޔިތުންނަށް ހިދުމަތް ކުރެވޭނީ އެކަން ކޮށްގެން. އަޅުގަނޑުމެން އިރާދަކުރެއްވިއްޔާ ނުކުންނަނީ ތިޔަ ބޭފުޅުން 2018 ވަނަ އަހަރު އިންތިހާބުކުރި ސަރުކާރު ދެމެހެއްޓުމަށްޓަކައި."
ރައީސް ވިދާޅުވީ ކުރިން ވެސް އިންތިހާބުކުރީ ގިނަ ޕާޓީތަކެއް އެކުވެގެން އުފެއްދި ކޯލިޝަން ސަރުކާރެއް ކަމަށާއި އެކަން ދަމަހައްޓާނެ ކަމަށެވެ.
"އިރާދަކުރެއްވިއްޔާ ނޮވެމްބަރު މަހާ ހަމައަށް މި ދައުރު ނިމި، އަނެއް ދައުރު ފެށެންދެން މި ކޯލިޝަން އަޅުގަނޑު ދަމަހައްޓާނަން،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
މި ވެރިކަމުގައި އެމްޑީޕީއާ އެކު، އިތުރު ތިން ޕާޓީއަކުން ކޯލިޝަން ހެދި އެވެ. އެއީ، ޖޭޕީގެ އިތުރުން އަދާލަތު ޕާޓީ އަދި އެމްއާރުއެމެވެ. ނަމަވެސް، އެ ޕާޓީތަކުގެ ތެރެއިން ރައީސް އިބްރާހިމް މުހައްމަދު ސޯލިހަށް ދެ ވަނަ ދައުރެއް ދޭން ނިންމީ އަދާލަތުން އެކަންޏެވެ. އޭގެ އިތުރުން، ދެން ކޯލިޝަން ހަދާފައިވަނީ ވިޔަފާރިވެރިޔާ އަދި މީދޫ ދާއިރާގެ މެމްބަރު އަހުމަދު ސިޔާމްގެ އެމްޑީއޭއިންނެވެ.
މި ސަރުކާރާ އެކު، ކޯލިޝަން ދެމިއޮތް ކަމަށް ރައީސް އިބްރާހިމް މުހައްމަދު ސޯލިހު ވިދާޅުވަމުން ގެންދެވި ނަމަވެސް ކޯލިޝަންގައި ހިމެނޭ ޖޭޕީގެ ލީޑަރު ގާސިމް އިބްރާހިމް ވަނީ މި އަހަރުގެ ރިޔާސީ އިންތިހާބުގައި ވާދަކުރައްވަން ނިންމަވައިފަ އެވެ. ޖޭޕީ އިސްވެ މިހާރު ވެސް ގެންދަނީ އެމްޑީޕީ ފިޔަވައި އެހެން ބައެއް ސިޔާސީ ޕާޓީތަކާ އެކު މި ފަހަރުގެ ރިޔާސީ އިންތިހާބަށް މަސައްކަތް ކުރެވޭނެ ގޮތެއް ހޯދަމުންނެވެ. މި ސަރުކާރުގެ ކޯލިޝަންގައި ހިމެނޭ ކުރީގެ ރައީސް މައުމޫންގެ އެމްއާރުއެމް އޮތީ އެއްވެސް ކޮޅަކަށް ނާރައި ހިމޭނުންނެވެ.
ރައީސް އިބްރާހިމް މުހައްމަދު ސޯލިހު މިއަދު ވިދާޅުވީ ދެ ވަނަ ދައުރަކަށް ކުރިމަތިލައްވާއިރު ކޯލިޝަންގެ ބައެއް މީހުން ނެތުމަކީ މައްސަލައެއް ނޫން ކަމަށެވެ. އެކަމަކު، މި ސަރުކާރުން ކޮށްދޭ ކަންތައްތައް ބަލައިގަންނަ ޕާޓީތައް އެބަހުރި ކަމަށާއި އެ ޕާޓީތަކާ އެކު އިންތިހާބުގެ ނަތީޖާ ބޮޑުތަނުން ކާމިޔާބުކުރާނެ ކަމަށް އެ މަނިކުފާނު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިކިލީކްސް
21 July 2023
ގާސިމަކީ ހޯމްމިނިސްޓަރުކަން ދިނީމަ މަށަށް ނުވާނެއޭ ބުނެ އިސްތިއުފާދިންމީހެއް. ނަޝީދުވެސް ވެރިކަންދިނީމާ އިސްތިއުފާ ދިނީ . މިވަރުގެ ބަޔަކު އަނެއްކާ ގައުމުގެ ވެރިކަންކުރަންނުކުތީމާ އަހަންނަނަށް ފެންނަނީ އެމީހުންގެ ކަނޑުކޮސްކަމުގެ ސިފަ!
ކަންވާރު އިބްރާހީމް
21 July 2023
ވެރިކަމުގައި ހުންނާން ތިޔަ ދައްކަވާ މިސާލަކީ ލާމަސީލު ނަމޫނާއެކެވެ. ސަރުކާރު ހިއްސާވާ ކުންފިނިތަކުގެ ވަށް ގަނޑުތަށް އެކި ނަންނަމުގައި ދޮވެލަނީއެވެ. އެހެންޏާ މެންބަރުންނަށް ޕޮރްޖެކްޓްތަށް ދީގެންނެވެ. ނޫނީ ސަރުކާރު ހިއްސާވާ ކުންފިނިތަކުން އާއްމު ވިޔަފާރިތަކަށް ދައްކަން ޖެހޭ ފައިސާ މެންބަރުންނަށް ބައިއެޅޭ ގޮތަށް ނޫނީ ދޫނުކޮށްގެންނެވެ. ނޫނީ ޕޭޓީކޭޝްގެ ނަމުގައި ކުންފުނިތަށް ދޮވެލައިގެންނެވެ. މިއީ މަނިކުފާނު ވެރިކަމުގައި ދެމިހުންނަ ފޯމިއުލާއެވެ.
ރައްޔިތުސޮރު
21 July 2023
ވެރިކަމުގަ ހުންނަން ދަސްކުރާގޮތަކީ ނަސްލީ ތަފާތުކޮށް ރަށެއްގަ ކުޑަ ޕްރެޖެކްޓެއް ހިންގާފަ "މާލޭ ވަންތަ" ކޮންމެ މީހަކަށް 15 މިލިއަން ރުފިޔާގެ ގޯއްޗެއް "ހިލޭ" ދިނުންތޯ!
ކަތްދައްތަ
20 July 2023
ތިޔަ ވިދާޅުވި ބަހުގެ މާނައެއް ނޭގުނޭ. މައުމޫނު ވެރިކަމުގަ ހުންނާތީ އިބޫމެން ނޫންތޯ ބޭލީ. 5 އަހަރުގެ 6 ދައުރު. 90 އިންސައްތަ މަތިން ވޯޓުވެސް ލިބޭ. މައުމޫނު ހުންނެވި ގޮތް ކަމުނުދަނީތޯ. ރައީސެއްގެ ވައްތަރުޖަހާ ސިފަ ހުންނަ ބޭފުޅެއް މައުމޫނަކީ. މައުމޫނު ވައްޓާލާފަ ފާޑެއް ދެއުޅިއެއްނުުވާ ސޮހޮލެއް މިތަނަށް ގެނެސް ވެރިކަމުގެ ކޮއިލަށް ވެއްދިފަހުން ގައުމު ހަފުސް ވަމުން މިދަނީ.
ބުލޫ
20 July 2023
އެދުވަހު ވިދާޅުވީ 3 އަހަރުވެސް މާގިނައޭ ވެރިކަމުގައި ހުންނަވަން. އެކަމަކު އުމުރު ދުވަހުގެ ވެރިކަމުގައި ހުންނަވަންވެސް މަދުވެއްޖެހެން ހީވާކަހަލަ ގޮތަކަށް ވާހަކަ ބަދަލުވަމުން އަންނަނީ މިހާރު.
އުދުހޭ
20 July 2023
މުސްތަގުބަލުގެ ސިޓީ ހަދަމުންދާ ބިން ވޯޓުހޯދަން ބަހާލައި، ފައިސާނެތުމުން ގެ ނޭޅި ޓިނުބަދިގެއާ ޑްރަގްއައްޑާ ފެންނަ ފަގީރު އަވަށަކީ އެއީ ތިޔަބުނާ އުފާވެރިއަމާނުގެ އިދިކޮޅު.
އުމަރު،
20 July 2023
ގައުމުގެ ދުވަސް ދުއްވާލާފަވެސް ވެރިކަން ދިފާއުކުރެވޭތޯ ބަލަާތި
ދަ ޑިމޮކްރެޓްސް
20 July 2023
ވެރިކަމުގައި ހުންނަން ތިބޭފުޅާއަށްވުރެ ބޮޑަށް ދަސްވެ ކިޔަވާފައިހުރި މީހަކު މިޤައުމަކު އަދިނެތް. ބަޔަކު ގުދާރު ބިންދައިގެން ތަޚުތުގައި ބައިންދަދީ މަޖްލީސް ބޮޑުތަނުން ހޮވާފައި ދިނީތީ ހީކުރެވެނީ ތީ ނިކަން ފަސޭހައިންވާ ކަންތައްތަކޭ. މަނިކުފާނު ކިޔަވާ ދަސްކޮށްފައިހުރިވަރު މިހާރުވެސް މިދަނީ ފެންނަމުން. މާލެއިން ހިލޭގޯތި ބަހާނެކަމަށްބުނެ މާލޭ ރައްޔިތުން ގުނބޯ ހައްދަނީ. އެވެސް 4 ހާސް އަކަފޫޓޯ. މާތްކަލާކޯއޭ ހިތަށް އަރާ..
ލޭފަވެތި
20 July 2023
ޝައްކެއްވެސްނެތް ވެރިކަމުގަ ހުންނަށް ދަސްނުވާ ކެނެރީގޭ ސޮރު 3 އަހަރުން ފެއިލްވެ އިސްތިއުފާދޭންޖެހުނު! އަދި ޔާމީނޭ ކިޔުނު ސޮރަކަށްވެސް ވީގޮތަކީ ވެރިކަމަށް ގެނެސްދިންމީހުނަށް އަނިޔާވެރިވުމުގެ ސަބަބުން މިއަދު އެހުރީ ސިޔާސީ މައިދާނުގަ ލާހޫރެންޖެހިފަ! ދެތިން މޮޔައެއް މޮޔަހެއްލުނަސް ތިޔަ ޔާމީނު ތިޔަ ނަޝީދު ވެރިކަމަށް އަލުންގެންނާކަށް މެޖޯރިޓީ ބޭނުމެއްނުވޭ!
އަފީފު ހ އ ދިއްދޫ
20 July 2023
އިސްތިޢުފާ ދެއްވީ ގަވްމުގެ މަސްލަހަތު އިސްކުރައްވާ ރައްޔަތުންގެ ރައްކާތެރި ކަމާ ހަމަޖެހުމަށް އެދި މުސްލިމަކަށްވެ ހުރެ ޒާތީވިޔަސް ތީބޮޑުވަރު
ޜޮޜެއްލާ
20 July 2023
ކެނެރީގޭ ސޮރު ކުރާ ގޯސްކަންކަމުގެ ވާހަކަ ދެއްކުމަކީ ޒާތީވުމެއްނޫން! ވެރިކަމުގަ ހުރެ އައްޑޫގަ މޮނިޔުމެންޓް ބަހައްޓާ ލާދީނީ އެތަކެއް ކަމަކަށްގޮވާލި މީހަކަށް ތާއީދު ކުރަމުން ތިޔަދަނީ މުސްލިމިކަކަށްވެހުރެ! މުސްލިމަކަށްވެ ހުރެ ތިޔަ ކުރާ ކަންތައް މާހުތުރު! ކެނެރީގޭ ސޮރުގެ ނާގާބީލު ކަމުގެ ވާހަކަދެއްކުމަކީ އިސްލާމްކަން ފިލާދާވަރުގެ އަމަލެއްނޫން! ނޭންގެންޏާ ދަސްކުރޭ!
ކަނބިލި
20 July 2023
އެމްއެމްޕީއާރސީ ކޮރަޕްޝަނުން ނެންގެވި 30 މިލިޔަން ރުފިޔާގެ މައްސަލަ ބަލަނީ ދެވަނަ ދައުރަކަށް ހޮވުނީމާތޯ.