ދައުލަތުގެ މުދާ ކެމްޕޭންގައި ބޭނުމެއް ނުކުރެވޭނެ: އޭސީސީ

ރިޔާސީ އިންތިހާބުގައި ވާދަ ކުރައްވާ ކެންޑިޑޭޓުން ކުރާ ކެމްޕެއިންތަކުގައި ދައުލަތުގެ މުދާ ބޭނުންނުކުރުމަށް އޭސީސީން އިލްތިމާސްކޮށްފި އެވެ.

ރިޔާސީ އިންތިހާބުގެ ގާނޫނާއި އިންތިހާބާ ބެހޭ ގާނޫނުގެ ދަށުން ހަދާފައިވާ ގަވައިދުގައި ބުނާ ގޮތުން ދައުލަތުގެ ވަސީލަތެއް ކެމްޕެއިނުގައި ބޭނުން ކުރުމަކީ ގާނޫނީ ކުށެކެވެ.

އަންނަ މަހުގެ 9 ވަނަ ދުވަހު އޮންނަ ރިޔާސީ އިންތިހާބާ ގުޅިގެން އޭސީސީން އިއްޔެ ނެރުނު ބަޔާނެއްގައި ބުނީ އެ ގަވައިދުގައި ދައުލަތުގެ މުދާ ބޭނުން ކުރެވޭނެ ހާލަތްތައް ބަޔާން ކޮށްފައިވާ ކަމަށެވެ.

އޭގައި ބުނެފައި ވަނީ ކިޔަވައިދޭ ތަންތަނާއި އިޖުތިމާއީ މަރުކަޒު ފަދަ ތަންތަން ފިޔަވައި، ސަރުކާރުގެ އޮފީސްތަކާއި ކައުންސިލްތަކުގެ އިދާރާތަކާއި އެ އިދާރާތަކުގެ ގޯތިތެރެ ވެސް އިންތިހާބަށް ކެމްޕެއިން ކުރުމަށް ބޭނުން ކޮށްގެން ނުވާނެ ކަމަށެވެ. އެ ތަންތަން ބޭނުން ކުރާނަމަ ހުއްދަ ހޯދަން ޖެހޭނެ ކަމަށް އެ ގަވައިދުގައި ބުނެ އެވެ.

މީގެ އިތުރުން ރިޔާސީ އިންތިހާބުގެ ގަވައިދުގައި ބުނާ، ކެންޑިޑޭޓަށް ތާއީދު ހޯދުމަށް ދައުލަތުގެ އިދާރާއެއްގެ ނިޝާނާއި ނިޝާން ޖަހާފައިވާ ތަކެތި ގެންގުޅުމަކީ ވެސް މަނާ ކަމެއް ކަމަށް އޭސީސީން ބުންޏެވެ. ނަމަވެސް އެ ތަކެތި ގެންގުޅެވޭނެ ހާލަތްތަކެއް އެ ގަވައިދުގައިވެ އެވެ.

އެ ކޮމިޝަނުން ބުނީ ދައުލަތުގެ ވަސީލަތްތައް ބޭނުން ކުރާ ކަމަށް އާންމުންގެ ފަރާތަކުން މައްސަލައެއް ހުށަހަޅައިފިނަމަ އެ މައްސަލަ ބަލައި، ފިޔަވަޅު އަޅާނެ ކަމަށެވެ. އަދި އެފަދަ ކަމެއް ހިނގާތޯ އޭސީސީން ވެސް ބަލާނެ ކަމަށައި ގާނޫނާއި ގަވައިދުގެ ދަށުން އަޅަން ޖެހޭ ފިޔަވަޅުތައް އަޅާނެ ކަމަށް ވެސް އެ ކޮމިޝަނުން ބުންޏެވެ.

Dhaulathun haradhu nukoh, Rasmee dhathuregge therein campaign kurumugai massalaeh neh: ACC

The most trusted news source in the Maldives

Mihaaru

އޭސީސީން މީގެ ކުރިން ވެސް ވަނީ ދައުލަތް ހިއްސާވާ ކުންފުނިތަކަށާއި ދައުލަތަށް ގިނަ މުވައްޒަފުން ނުނެގުމަށް ނަސޭހަތްދީފައި އެވެ. އަދި އިންތިހާބީ ދުވަސްވަރު ރަސްމީ ދަތުރުތަކުގެ ތެރެއިން ކެމްޕެއިން ކުރާ ނަމަ ކެމްޕެއިންގެ ފައިސާގެ ތެރެއިން ހަރަދުތައް ހަމަޖެއްސުމަށް ވަނީ އިރުޝާދު ދީފަ އެވެ.